Read Sangir MAZMURẸ̌ 5 Bible Online

MAZMURẸ̌ 5 - Sangir bible

MAZMURẸ̌ 5

¹Baugu měngangahạ kantarị. Dingangu nalange suling. Mazmuri Daud.

²O MAWU, daringihẹ̌ko manga waweraku, naungeko kakahiorọ.

³Pandunge wue kakuiku ringangu tul᷊ung bue iạ, o Ratuku ore lai Ruataku.

⁴U kai si Kau iạ mẹ̌kẹ̌kal᷊iomaneng, o MAWU, daringiheko kakuiku su tempong mal᷊ukadẹ̌. Deng mal᷊uka-l᷊ukadẹ̌ iạ mẹ̌bawa sasěmbaku[4] ringangu takụ ampal᷊eng sasimbangʼU, o MAWU.

⁵I Kau e Ruata kụ tamapapulung karal᷊akisẹ̌; taumata ral᷊akisẹ̌ e tawe wotonge makisake su anunʼU.

⁶I Kau e tawe makatahang měmanda taumata maobotẹ̌, ikẹ̌kawěnsingu e taumata kụ mẹ̌koạ dal᷊akisẹ̌.

⁷Ipakawinasa-Nu e taumata apang kụ puluang mẹ̌konti, maakal᷊ẹ̌ dingangu tahapěmate pandaěngʼU e masanạ.

⁸Kaiso ual᷊ingu kakěndagʼU e masaria, iạ e wotonge makasuẹ̌ su Wal᷊e-Nu. Iạ mẹ̌tumpěkuhẹ̌ sarang těngoʼm Bal᷊e-Nu susi e, dingangu i Kau takụ sěmbaěng pakaadatẹ̌.

⁹O MAWU, apạe mal᷊awọ sědụku! Ahạko iạ e mẹ̌koạ kapulu-Nu, ringangu těntiroiko ral᷊engʼU kụ hinon takụ dal᷊engang.

¹⁰ U waweran sědụku e tawe kapangimangeng; naungi i sire e napenẹu niati sire ral᷊akisẹ̌. Kal᷊awọu waweran sire e marěngang mạmitaugẹ̌, kaiso naung i sire napenẹu kawawuhụ.

¹¹O Mawu Ruata hukungko i sire, balạ e kasasilakạ e i sire ual᷊ingu karakin sire hala e. Userẹ̌ko i sire ual᷊ingu rosan sire seng napenẹ, u i sire seng němpahuwungkadẹ̌ si Kau.

¹²Karimạko patikụ taumata kụ mẹ̌tẹ̌těngkal᷊indung si Kau e mahul᷊uasẹ̌ ringangu měmpẹ̌gẹ̌gio sarang karěngụ e. Těntanure wue taumata apang kụkěndagʼi Kau e, tadeạu i sire mahul᷊uasẹ̌ ual᷊ingʼi Kau.

¹³Batụu nial᷊amatengʼU e taumata apan satia si Kau. niěllungʼU e i sire ringangu kakěndagʼU.