Read Sangir MAZMURẸ̌ 52 Bible Online

MAZMURẸ̌ 52 - Sangir bible

MAZMURẸ̌ 52

¹Baugu měngangahạ kantarị. Kakantarị tatěntiron Daud,

² piạ i Doëg, tau Edom, diměnta něhabarẹ̌ si Saul u i Daud seng nahumpạ su wal᷊eng Ahimelekh.

³Ei tau matoghasẹ̌, unụ e i kau mạngobotu karal᷊akisu su taumata i kẹ̌kěndagu Mawu Ruata?

⁴Kanandung ěllo e i kau mạngakal᷊ẹ̌ dingangu mẹ̌kẹ̌karaki ral᷊akisẹ̌; lilanu e mẹ̌sul᷊ungu pisọ kakul᷊ụ mahoro.

⁵I kau e něngalembong lụěnningu karal᷊akisẹ̌ e sul᷊ungu kapia, něngalembo puluang mẹ̌konti sul᷊ungu mẹ̌berang kahěngang.

⁶Bọu manga waweranu e i kau mạngakal᷊ẹ̌, dingangu makạtědụ naungu taumata!

⁷Arawe i kau e sarung i pakawinasan Duata sarang marěngụ-děngụ; i kau e sarung samekang dingangu i wahung bọu wal᷊enu, kụ i pakailang bọu runian taumata wiahẹ̌.

⁸Nakasilo ene, taumata maimang e sarung sukatatakutang, bọu ene mapal᷊ěgeng kau ringangu mẹ̌berau,

⁹”Kai nạung ěndaị ene taumatane kụ tawe mẹ̌tatěngkal᷊indung su Mawu Ruata, kaiso kawe mạngumbala su kakakalạ e mẹ̌dẹ̌dal᷊embo ringangu mẹ̌dẹ̌deạ karal᷊enehẹ̌ su apal᷊iwụ pul᷊ahone.”

¹⁰Arawe iạ e mẹ̌sul᷊ungu kalun zaitun ido su ral᷊ungu Wal᷊en Duata. Iạ mangimang u Ruata e tatapẹ̌ kụkěndagẹ̌ sarang marěngụ-děngụ.

¹¹Iạ e sěntiniạ puluang makitarimakasẹ si Kau su těngong umatʼU takụ i wombeng kapia-Nu.