Read Sangir MAZMURẸ̌ 53 Bible Online

MAZMURẸ̌ 53 - Sangir bible

MAZMURẸ̌ 53

¹Baugu měngangahạ kantarị. Tuhụ lagung: Mahalat. Kakantarị tatěntiron Daud.

² Taumata longong e mẹ̌bera su naunge, ”Tạ apa Ruata.” Kakanoạ i sire e ral᷊akisẹ̌ dingangu matingkaị; kụ mamben tawẹu nẹ̌kẹ̌koạ mapia.

³Bọu sorga e MAWU mạnitị umatu taumata, baugu mẹ̌deạ taumata pelesa kụ maněmba si Sie.

⁴Arawe kěbị taumata e seng limawang kụ naral᷊akisẹ̌ kụ tawẹu sarang sěngkatau e reng mẹ̌koạ mapia.

⁵Angkuěngu MAWU, ”Kai tạ tahuěnnan sire taumata ral᷊akisẹ̌ e? I sire mẹ̌bẹ̌biahẹ̌ kawe měmpạngaho umatẹ̌-Ku, ringangu tạ banạu reng mẹ̌kal᷊iomaneng si Siạ e.”

⁶Taumata e ral᷊akisẹ̌ e sarung měngkawintogẹ̌, katihokang al᷊ingkai piạ makạtatakụ, u Ruata e mạnal᷊iawuhu ruhin taumata kụ měngalo si kamene; i sire seng nisuhudu Ruata, tangu i kamene sarung měmatạ si sire.

⁷Bọu Wukidu Sion karimạko reng duměnta kasasal᷊amatẹ̌ e waugu Israel. Tangu pal᷊ahiten Yakub sarung mahul᷊uasẹ̌ kereu MAWU e mapakaul᷊eng kakakoạu kawanua-Ne.