Read Sangir MAZMURẸ̌ 57 Bible Online

MAZMURẸ̌ 57 - Sangir bible

MAZMURẸ̌ 57

¹ Baugu měngangahạ kantarị. Tumuhụ lagu: Kumbahang mẹ̌gagholọu Mazmuri Daud, piạ i sie timal᷊ang sarang dal᷊ungu liang mẹ̌deạu makakal᷊ingkạ bọu anun Saul.

²Tal᷊ěntụkon iạ e Mawu, tal᷊ěntụkon iạ u kai si Kau e iạ mẹ̌těngkal᷊indung. Su ěllungu papanidʼU e iạ mẹ̌kěmbuni, sarang suwu-suwu něngambung e něngirul᷊e.

³Iạ e mẹ̌kẹ̌kui Mawu Ruata Limembong Karangetange, su Mawu Ruata kụ mẹ̌kẹ̌karạdiahang baugu iạ.

⁴Bọu sorga i Sie e simimbang dingangu něngambang si siạ; i Sie namatạ kal᷊awọu taumata apang mạnědạ si siạ. Duata e sarung mapakal᷊ahẹ u i Sie e satia si siạ, dingangu hanesẹ̌ kụkěndagu iạ.

⁵Iạ e nialoěngu rumarokạ, i sire mẹ̌sul᷊ungu singa kụkinạ taumata. Isin sire mẹ̌sul᷊ungu wěngko ringangu papitị, lilan sire e mẹ̌sul᷊ungu peda mahoro.

⁶O Mawu Ruata, lahẹko kasěllahʼU e su langị, dingangu kawawantugʼU e su kasěllahu dunia.

⁷Dumarokạku e mẹ̌tẹ̌taingu sasaunge si siạ, dingangu mạmědi kal᷊okoku e. I sire e měmẹ̌mangka lohange su raral᷊engangku, kaiso i sire hala e nanawo su ral᷊unge.

⁸Iạ e mangimang matoghasẹ̌, o Ruata, iạ e mangimang matoghasẹ̌, iạ mapulu mẹ̌kantarị dingangu mẹ̌dalo si Kau.

⁹Ei kapukọ e, himukudẹ̌ku! Ei kapukọ e, gambus dingangu kěcapi! Iạ e mapulu mapakapukom běmbanaho.

¹⁰MAWU, iạ mapulu makitarimakasẹ si Kau su tal᷊oarang manga wansa. Iạ e lụěnningu mẹ̌kantarịu raralo si Kau su tal᷊oarang manga wansa.

¹¹U kakěndagʼU e masaria sarang langị, satianʼU e sarang manga winawa.

¹²O Mawu Ruata, todẹko kasěllahʼE su langị, dingangu kawantugʼU e su kasěllahu dunia e.