Read Sangir MAZMURẸ̌ 60 Bible Online

MAZMURẸ̌ 60 - Sangir bible

MAZMURẸ̌ 60

¹Baugu měngangahạ kantarị. Tumuhụ lagung: Bungangu ghal᷊oghong sasahidi. Mazmurẹ̌ tatěntiro wọi Daud,

² piạ i sie rumokạ tau Aram-Mesopotamia dingangu tau Aram-Zoba, ringangu piạ i Yoab napul᷊ẹ dingangu němatạ 12.000 su kataune tau Edom su Wal᷊ang Asin.

³I Kau e něnuhudi kami e[31] Mawu, ringangu namalang kami kinawatạ. I Kau e limangehẹ̌ si kami; tangú apakaul᷊eko i kami.

⁴I Kau e napělinuhu wanua e hakịu nahětang; kụ ul᷊ịko apang nal᷊ahěngẹ ene, u runia e kai mal᷊ongkọ.

⁵Pinakawala-Nu umatʼU e nihombangengu sigěsạ mawěhạ; i kami e měngkate apa mạpongge kere tau wukang.

⁶I Kau e něnal᷊ěntihọ su kal᷊awọu taumata mạngimang, tadeạu i sire mal᷊iwirẹ̌ bọu hukumang.

⁷ Ambange wue i kami ringangu kawasa-Nu, kụ simbahe wue kakal᷊iomaneng i kami, tadeạu taumata kụ apang i kẹ̌kěndagʼU e i pakasal᷊amatẹ̌.

⁸Bọu katatanakengʼE kụ susi e Ruata něhengetang, ”Iạ e mapulu mẹ̌gio ringangu mẹ̌papahiạu ěntanang Sikem; Bal᷊ang Sukot sarung takụ undiang.

⁹I Gilead dingangu i Manasye e kai tataghuaneng-Ku, I Efraim sapeọ-Ku uada e, ringangu Yehuda e tẹ̌kingu kararatuang-Ku.

¹⁰Arawe Moab ute kai tampạu pěnganguhasengu laedẹ̌-Ku; Iạ e mẹ̌giong kal᷊auntu nakawatạ Filistea. Baugu Edom tangu Takụ i rěmmẹ sapatu-Ku kere tatiala u i sie kai tataghuaneng-Ku.”

¹¹I sai sarung mẹ̌bawa si siạ sol᷊ong Edom? I sai měngahạu iạ sol᷊ong soa kụ piạ těndạ e ene?

¹²O Ruata, bal᷊inewe i Kau e rumingang si kami? Bal᷊inewe i Kau e rumal᷊eng su horone sěngkaral᷊eng dingangu sordadong kami e?

¹³Tul᷊ungko i kami e wọu rumarokạ, u laontol᷊u taumata e tawẹ gunane.

¹⁴Dingangu Mawu Ruata e, i kitẹ e sarung mawahani, u kawe i Sie e namatạ dumarokạ si kitẹ.