Read Sangir MAZMURẸ̌ 95 Bible Online

MAZMURẸ̌ 95 - Sangir bible

MAZMURẸ̌ 95

¹Pěmpẹ̌damahị e i kitẹ mẹ̌kantarị baugu MAWU, mahul᷊iagẹ̌ kahěnga-hěngang baugu měnanal᷊amatẹ̌ si kitẹ!

²Bọete i kitẹ mẹ̌těngon Sie ringangu lagun tatarimakasẹ, mahul᷊uasẹ̌ baugʼi Sie ringangu lagun daralo.

³Batụu MAWU e kai Ruata kụ mawantugẹ̌, Datu pěrkasa su wowoʼm patikụ duata.

⁴I Sie kawasa sarang kompengu wanua karal᷊ungange, patikụ bongkoʼm bul᷊ude mal᷊aiʼn tataghuanengʼE.

⁵I Sie kawasa su l᷊audẹ̌, u kai i Sie mẹ̌kakoạe, dul᷊unge mal᷊aing ěnnạu l᷊ima-Ne.

⁶Bọete i kitẹ maněmba si Sie, ringangu mẹ̌těngkasanạ su těngom MAWU, něndiadi si kitẹ e.

⁷ Batụu kai i Sie Ruatang kitẹ, i kitẹ e kai umatẹ̌ lẹ̌hikinangʼE, kere domba laahakengʼE. Su sěhěllo ini e pẹ̌daringihẹ̌ko tingihʼE:

⁸ ”Kumbahang mẹ̌tungkětịu těmbọ kere manga i upungu su Meriba, mẹ̌sul᷊ungu su tempong i sire su Masa, su wanua l᷊inggi.

⁹Paị sene i sire mẹ̌nal᷊ukạ si Siạ, maningbe i sire seng nakasilo kakanoạ-Ku.

¹⁰Ěpạ u pul᷊o su taunge karěngụ e Iạ nasahen sire e; angkuěng-Ku: Kahěngang bansa ene tawẹ satiane! I sire tawe měngangindakangu kal᷊awọu tita-Ku.

¹¹ Tangú Iạ e nẹ̌salu su ral᷊angehẹ̌-Ku, i sire sarung tawe sumuẹ̌ su wanua ene kụ makapangirul᷊e ringang-Ku.”