Read Sangir BAWERAN SALOMO 14 Bible Online

BAWERAN SALOMO 14 - Sangir bible

BAWERAN SALOMO 14

¹Sěmbal᷊eěnge mapětịbeng kapelesaʼm bawine, kaiso kawe maghoghahu kawawodoke.

²Taumata matul᷊idẹ̌ e mạtakụ dingangu mạngadatẹ̌ su MAWU Ruata; arawe taumata tạ katul᷊ide pẹ̌bawiahe, měnẹ̌nahumea si Sie.

³Ual᷊ingu kararangẹ u naunge, taumata maobotẹ̌ e puluang mẹ̌těngkaguwạu watangenge; taumata pelesa e sarung maěllungu kal᷊awọu wawerane hala.

⁴Kamagengu tawẹ sapi e, ute tawẹ apa ghẹ̌sine rahami; u watụ u katatoghasu sapi e, makạl᷊awọ papěnsakeng.

⁵Sahidi matul᷊idẹ̌ e sěntiniạ mẹ̌bẹ̌berang bawera tutune; arawe sahidi ta kapangumbalaěng e masau mẹ̌konti.

⁶Taumata maobotẹ̌ e tawe mapelesa, arawe taumata pelesa e tawẹ kawěhạ e měngěndung.

⁷Kumbahang mẹ̌dal᷊ahapị u taumata l᷊ongong; tawẹ apa i katěntirone si kamene.

⁸Taumata pelesa e masingkạ u kereapa hinong kumanoạ, taumata wodo e kẹ̌kaakal᷊engu kawawodoke.

⁹Taumata wodo e tawe mẹ̌tiaha měnsang dosane ampungang arau tala; taumata mapia e mẹ̌měnningu rosane ampungang.

¹⁰Mal᷊uasẹ̌ arau lụl᷊ahunsusa e kạdaresọ su ral᷊ungu ěndumang; taumata wal᷊ine e tawe makapěndang dingang.

¹¹Bal᷊en taumata mapia e kạtatanạ matoghasẹ̌; arawe wal᷊en taumata ral᷊akisẹ̌ e sarung mahaka.

¹² Piạ dal᷊eng kakěllaěnge matul᷊idẹ̌, kaiso pěngěnsueěnge ral᷊eng ene e mẹ̌tẹ̌timona papate.

¹³Su sěmběkan dal᷊ěge e aramanung piạ kakiạ; dal᷊uasẹ̌ e botonge masue ringangu kasasusa e.

¹⁴Taumata ral᷊akisẹ̌ e sarung měnipo wuang karal᷊akise, arawe taumata mapia e sarung měnipo wuang kapiane.

¹⁵Taumata wodo e mạngimang apang bawera, arawe taumata pelesa e kakanoạ e matimbang.

¹⁶Taumata mapia e sěntiniạ mang mateghang dingangu mẹ̌tẹ̌teghangu karal᷊akisẹ̌ e, arawe taumata wodo e mapědu, wọu e mal᷊enehẹ̌.

¹⁷Taumata naunge manimbu e kakanoạ e mang hanesẹ̌ ta mal᷊ahino; arawe taumata pelesa e mang makědang.

¹⁸Taumata tawẹ ěbạ e sarung makoạ taumata l᷊ongong; arawe taumata pelesa e mang makědang.

¹⁹Taumata ral᷊akisẹ̌ e sarung mẹ̌samal᷊ẹ su taumata naunge matul᷊idẹ̌ e, mẹ̌deạ u makịtatal᷊ěntụ.

²⁰Taumata kasiang e i kẹ̌kawěnsing kahiang lai manga hapị e; arawe taumata kalạ e mal᷊awọ hapị e.

²¹I saing mẹ̌nahumea taumata wal᷊ine e, nẹ̌dosa; arawe i saing mapia miěbạ taumata kasiang e sarung mal᷊uasẹ̌.

²²I saing mẹ̌koạ mapia e sarung kapěngumbalaěng dingangu sarung adateng; arawe i saing mẹ̌karakin dal᷊akisẹ̌ e ute ene su ral᷊eng makapal᷊idẹ̌.

²³Su ral᷊ungu patikụ munara e piạ untune; arawe wisara tạ gěsine e makạnawo mạkasiang.

²⁴Taumata pelesa e rụdal᷊eng ual᷊ingu kapelesane; arawe taumata wodo e tụteleng ual᷊ingu kawawodoke.

²⁵Kereu sěngkatau sahidi e mẹ̌berawe kahěngang, i sie makaambangbe niawa, arawe kamagengu i sie mẹ̌konti e ute něndal᷊akisẹ̌ sěndinganenge.

²⁶Taumata kụ mararingihẹ̌ su MAWU e mal᷊enehẹ̌, arawe walage sarung měnaghuang pẹ̌kakěllungang.

²⁷Mangimang su MAWU e ute kai pungu karal᷊unsemahẹ̌; dingangu ral᷊eng baugu mẹ̌teghang u papate.

²⁸Katatoghasu ratu e ute kai i sukạ su kakěpal᷊u kawanuane; tawẹ kawanua e, i sie tawe makapẹ̌kawasa.

²⁹Taumata pelesa e marěngụ mẹ̌pědu; arawe taumata wodo e tawe makakědangu watangenge.

³⁰Dal᷊ungu naung mal᷊enehẹ̌ e makạhuweka wadang; arawe kasasingking e ute kai tabidạu sakị makapate.

³¹I saing mẹ̌koạ mapia su tau kasiang e mạngadatẹ̌ Duatane; i saing měngkai mạnědạ taumata lome e, makạtongkeang Měndariadine.

³²Taumata ral᷊akisẹ̌ e mawinasa ual᷊ingu karal᷊akise; arawe taumata mapia e maěllungu kapiane.

³³Kapelesa e sěntiniạ mang ene su ral᷊ungu ěndumangu taumata mawudi; katewe kawe kẹ̌kaěpisang su ral᷊ungu tiněnnan taumata wodo e.

³⁴Kạadilẹ̌ dingangu kapia e mělẹ̌hengkẹ tạbietu wansa e, arawe rosa e kawe makạsamedẹ̌ bansa.

³⁵Datu e mal᷊uasẹ̌ su sawohị kụ mal᷊intoị e, katewe i sie rul᷊angehẹ̌ su sawohị kụ tawe makakoạ hal᷊ẹ̌ e.