Read Sangir BAWERAN SALOMO 18 Bible Online

BAWERAN SALOMO 18 - Sangir bible

BAWERAN SALOMO 18

¹Taumata kụ mělẹ̌hae watangenge wọu taumata wal᷊ine ute, mangal᷊ene tumbạeweng měnẹ̌naung batangenge hala samatang; apạewen tingirangu wal᷊ine ute rẹ̌dendehange.

²Taumata wodo e mạdiri ghěllirangu katatahuěnna; i sie tumbạeweng mapulu mạmombengu lohon dal᷊ungu naunge.

³Dosa ringangu kal᷊ahina e rụdal᷊eng sěngkaral᷊eng; mạengu seng i kẹ̌kasamedẹ̌ e, nal᷊ahẹ u mal᷊aing hinakaneng.

⁴Baweran taumata e makoạbe kere simbul᷊u kapelesa, maral᷊ung kere laudẹ̌ mal᷊oang, maral᷊ěnding kere akẹ biahẹ̌.

⁵Dal᷊akisẹ̌ tumatawang taumata duruhaka dingangu manědạ taumata tawẹ sal᷊ane.

⁶Kereu taumata wodo e mẹ̌bisara, i sie makạkaděntang pẹ̌dararendehẹ̌ dingangu mědorong nigheserě.

⁷Baweran taumata wodo e makạgolọ batangenge; kụ i sie mạsedẹ u manga wawerane.

⁸Měhinakang e apạ e matemang; kụ taumata e puluang měngěllụ ene.

⁹Taumata kụ měngẹ̌ngale-ale hal᷊ẹ̌ e mẹ̌sul᷊ung karal᷊akise ringangu taumata puluang měnggohaeng.

¹⁰MAWU e kai mẹ̌sul᷊ungu měnara kụ matoghasẹ̌; kụ seng sol᷊ong ene taumata matul᷊idẹ̌ e mẹ̌timona ringangu makaěbạ tampạ mal᷊ěmpị.

¹¹Arawe taumata kalạ mạngěnna u kai arětạ e makạěllung si sie, mẹ̌sul᷊ungu meselẹ̌ marangẹ dingangu matoghasẹ̌ mạngělikụ soa e.

¹²Taumata maobotẹ̌ e sarung manawo, arawe taumata naunge masanạ e sarung adateng.

¹³Sumimbahẹ̌ kụ den tawe nakạdingihẹ̌ e kai kakanoạ u wodo ringangu makạmea.

¹⁴Ual᷊ingu kapulu mẹ̌biahẹ̌, taumata makạtaludẹ̌ sigẹ̌sạ e; arawe kamagengu kapulu e mailang, mailang lai kal᷊awọu pělaharapẹ̌.

¹⁵Taumata kụ mawudi e sěntiniạ mang mạdoung kasingkạ; arawe taumata pelesa e sěntiniạ mang lụěnningu makahombang těntiro.

¹⁶Gaghěllị e kai mạmuka ral᷊eng dingangu mạngěntudu taumata sol᷊ong anun taumata masěllahẹ̌.

¹⁷Mẹ̌bawisarane humotong su ral᷊ungu pěnggaghutaěnge sěntiniạ mambeng i kasilowe kahěngang, kaiso karal᷊ahe e manětạ bẹ̌banikateng kereu rokạ e marěnta.

¹⁸Ual᷊ingu pẹ̌sasawụ lotẹ̌ e tangu pẹ̌sasilontahẹ̌ e mạpěntu saral᷊aing pědararěndehẹ̌ su tal᷊oaran taumata apang kawasa e ikẹ̌kaẹ̌nsue.

¹⁹I anu kụ naunge seng nipakatědụ něngalembong sigěsạ haungang sul᷊ung soa matoghasẹ̌, pědararendehẹ̌ e al᷊ingkai kuruisu pasěllangengu soa piạ těndạ e.

²⁰Baugu manga wawera kụ niwera e piạ aị e kụ hinong kapěndangeng.

²¹Lila e kawasa makaambang pẹ̌bawiahẹ̌ e arau makaghoghahẹ̌ e; taumata e harusẹ̌ měnal᷊udẹ̌ aị u wawerane.

²²Taumata kụ makareạ kawinge kai makahombang kal᷊auntu, kụ marehokang e kai kakěndagẹ̌ bọu anuʼm MAWU e.

²³Taumata kasiang e ghụgahiorọ dingangu adatẹ̌; arawe taumata kalạ e kai sụsimbahẹ̌ dingangu lahěkadẹ̌.

²⁴Piạ hapị kụ tawẹ satiane, kutẹu piạko l᷊ai něngalembong kapiane wọu anạu sěngkatau.