Read Sangir BAWERAN SALOMO 7 Bible Online

BAWERAN SALOMO 7 - Sangir bible

BAWERAN SALOMO 7

¹Tahěndungeko apam baweraku, si kau anạ, dingangu abe kiwul᷊eng apan sarung takụ i oro si kau.

²Tuhuke wue apan sasasaku e tadeạu i kau e mẹ̌biahẹ̌be tawẹ konsange apa. Tuhuke wue kal᷊awọu těntiroku e pakapia kere i kau měndiagạ hamolong matanu e hala e.

³Tahěndunẹ̌ wue kal᷊awọu těntiroku e, dingangu resọbe su ral᷊ungu naungu.

⁴Koạ e kapelesa e kere anạ u sěmbaụ u ringangu kasingkạ e kere hapị u kantalẹ̌.

⁵Kapelesa e sarung mapakaraung kau wọu anum manga wawine mananakalẹ̌, bọu anum bawine kụ mạmitaugu wawerane mararěngang e.

⁶Piạ sěhěllo iạ tụtatingang bọu janelam bal᷊eku.

⁷Bọu e takụ kinasilo mal᷊awọ mangangudạ kụ dem bědang kawuhuang; kai tangu piạ sěngkatau natani wodo su tal᷊oaran sire.

⁸Nawawěllọe kụ seng mạnětạ mạděndung, mahinsẹ ene mẹ̌dẹ̌daral᷊eng dẹ̌duhu pěmikuěngu ral᷊eng mẹ̌tẹ̌timona katatanakengu sěngkatau wawine.

¹⁰Bawine ene e kai wawine tawe mararěpang matanạ su wal᷊ene. Kạdodọ-kạdodọ i sie sěngkianu su wiwihu ral᷊eng, bọu ene su tanalapang, arau rumarisị su pinẹ̌kontol᷊angu ral᷊eng. Lulune wahani ringangu wěgaweng mamea. Kinasiloku e i sie siměbang piạ pakeange kere pakeangu tahapẹ̌sundal᷊ẹ̌, kụ nakaěbạ umbaseng ene piạ karakine ral᷊akisẹ̌.

¹³I sie nělahěkụ umbaseng ene ringangu nirěnguange. Tawẹ kạdiongeng meane nẹ̌berạ e i sie,

¹⁴”Sahěllo ini e iạ harusẹ̌ mapakasěhụ u kẹ̌doku, kụ baugu ene tangu iạ seng naněbang gaghěllịku.

¹⁵Kụ kai ene hakịu iạ siměbang nẹ̌deạ si kau tadeạu i kau kumaěng su wal᷊eku. Kụ ini e iạ seng nẹ̌sombang i kau!

¹⁶Katatikilangku e sen nitakạ u sěprei mẹ̌kẹ̌kananginang awạ e wọu Misirẹ̌,

¹⁷dingangu sen takụ niwěngiangu wawěngi wọu mur, cěndana ringangu kalu manisẹ̌.

¹⁸Kụ ini e, mahịe i kitẹ mẹ̌dararěngu ringangu mẹ̌temangko kal᷊ahuwusu sahigẹ̌ e sěhěbi tiwatu.

¹⁹Kawingku e tawẹdise su wal᷊e, i sie kai su raral᷊engang kụ marau.

²⁰I sie nẹ̌bawa roitẹ̌ lawọ kụ sen tawẹ pul᷊ẹ u wal᷊e ghěnnangu ruang kamisa.”

²¹Kerene tau wawine ene mělẹ̌lawung umbaseng ěndaị e ringangu haghin laologẹ̌ i pạmitaugẹ̌ sarang i sie kasal᷊ukateng.

²²Tawe něngěnna u i sie timol᷊e wawine ěndaị e mẹ̌sul᷊ungu sapi nihiudẹ̌ sol᷊ong tampạ u pěmamotokang dingangu mẹ̌sul᷊ungu taumatan tahungkụ niwawa mẹ̌deạ u měnarimạ u hukumang kụ nịdariahi waugu taumata l᷊ongong;

²³kụ tạ kararěnnane lai horom papitị sarung matětelẹ̌ su atene. Mẹ̌sul᷊ungu manụ u winalangeng timěllạ sol᷊ong sedẹ, kerene umbaseng ene e tawe nakahěngang u niawane kai su kaghaghěngganeng.

²⁴Ual᷊ingu ene, manga anạ, pẹ̌daringihẹ̌ko si siạ. Naunge wue kal᷊awọu urihẹ̌ku.

²⁵Abe wala wawine kerene měmitaugẹ̌ naungu; abe pẹ̌deạ si sie,

²⁶u i sie kai sen něnggoghahẹ̌ pẹ̌bawiahu manga esẹ mal᷊awọ. Kụ sen tawe i karekeng kal᷊awọ e mawinasa e kareạ e.

²⁷Nakoạ sol᷊ong bal᷊ene mangal᷊ene něngal᷊ạ dal᷊eng manimbụ mẹ̌tẹ̌timona papate.