Read Sangir MĚNANASẸ̌ 12 Bible Online

MĚNANASẸ̌ 12 - Sangir bible

MĚNANASẸ̌ 12

¹Pẹ̌tahěndungko Měndariadinu e těntal᷊ang i kau e reng mangudạ, kal᷊amonang karěntaěngu manga taung kụ napenẹeng kasasunsara. Su tempo ene i kau e sarung mẹ̌bera, ”Pẹ̌bawiahẹ̌ku e tạ karal᷊unsemahe.”

²Kereu seng marěnta tempone e matanue selain tawẹ tualage, hakịu nalělube tualagu matangěllo e, wul᷊ang dingangu wituing. Binawa mal᷊ěhubẹ̌ e mẹ̌bẹ̌bawa tahiti, tatapẹ̌ mahundingang i kau e tabidạu papatakụ.

³Takiahu e kụkende ringangu selain tawe makaonggọu kal᷊aěllung. Laedu kụ nararul᷊ẹ e sarung kumiọ tạ toghase. Isinu e tawe naghanapẹ̌ ipěněpa kaěng. Matanu e masul᷊akọ hakịu makạl᷊ěbuhẹ̌ pěmandaěng.

⁴Pilisirẹ̌ su ral᷊enge nahumpạ su tul᷊inu sahene kụkěngkunawadẹ̌. Tingihu musikẹ̌ dingangu pěnggaghilingange maranin tawe karingihang. I kau e tawe kahuntikilang mapia. Sasiọu manga manụ u winalangeng e makạhěkosẹ̌ si kau kụ ipẹ̌pětị e.

⁵I kau e mạtakụ sumaka tampạ marangẹ dingangu harusẹ̌ dumal᷊eng pakaudupẹ̌. Utạu e piạ owange ringangu laedu e suhudangu su tempong i kau e rumal᷊eng. Tangu mailangke kal᷊awọu karaki ringangu ěnning. I kitẹ e kai mẹ̌tẹ̌timona tampạ pẹ̌tatanakeng i kitẹ pěngěnsueěnge, apan taumata e kụ mělẹ̌lutu ringangu mạhunsangị kanandun dal᷊eng.

⁶Hante sal᷊aka e sarung mạběsụ dingangu mẹ̌kal᷊iaesẹ̌; kụ sol᷊o wul᷊aenge manawo kụ mạběka; tal᷊in tatimbạ e mahuti ringangu magholọ; běnsadẹ̌ e mahěmpung kụ mẹ̌sal᷊iawuhẹ̌.

⁷Badang i kitẹ e sarung mawal᷊ị, makoạ awul᷊ẹ̌ su dunia. Singongom pẹ̌bawiahi kitẹ e sarung mẹ̌sul᷊e su anun Duata. U kai i Sie e něngonggọu ene kere sěmbaụ al᷊amatẹ̌.

⁸Baweraku e, těngadẹ̌ kěbị ene e sia-sia, kěbị e mamben tawẹ kěhase, tawẹ mangal᷊ene.

⁹Mẹ̌tatahuěnna ene e pande ringangu pelesa. Ual᷊ingu ene nitěntirone su manga umate kal᷊awọu kasingkạ e. Mal᷊awọ laumpama e niěndungange kụ bọu e i sie měmanikạ katul᷊ide.

¹⁰I sie mẹ̌tẹ̌tawakal᷊i mẹ̌dẹ̌deạ manga wawera lahiborẹ̌, kụ kal᷊awọu wawera nạung niwohẹ e ene kai su katul᷊ide.

¹¹Baweran tau pande ene e kai mẹ̌sul᷊ungu těkingu sěngkatau měndal᷊ukadẹ̌ kụ mahoro e, kụ těking e paketange waugu i pěndiagạ dombane. Komol᷊angu těntiro ringangu sasasa e, mẹ̌sul᷊ungu paku natětelẹ̌ mapia. Kěbị ene mal᷊aing gaghěllị u Ruata e lai, měndal᷊ukadẹ̌ si kitẹ e mang sěmbaụ.

¹²Anạku, piạ hal᷊ẹ̌ sěmbaụ kụ i kau e pakaingatẹ̌ bue. Pěmohekam bukẹ̌ e tawẹ pěngěnsueěnge, ringangu tumanị u matoghasẹ̌ měngěndung e kai makạl᷊ome himukudẹ̌ e ringangu wadang.

¹³Sarangke kěbị e seng takụ nitimbang, ute ini e kai seng gẹ̌sine takụ kinahombangeng. Katakụkoʼm Mawu Ruata e ringangu tuhuke wue kal᷊awọu hengetangʼE, u watụ u tumbạ u waugu ene taumata e niriadi-Ne.

¹⁴Duata e sarung měhukung kal᷊awọu kakanoạ i kitẹ e; mapia ringangu ral᷊akị, sarang l᷊ai apang kạbawuni.