Read Sangir KAKANTARỊ PATEBONE 1 Bible Online

KAKANTARỊ PATEBONE 1 - Sangir bible

KAKANTARỊ PATEBONE 1

¹ Kakantarị Patebone nilanging i Salomo.

²Děngueko iạ e ringangu wiwihu; lundangu naungu e limembong kahuwuse wọu anggorẹ̌ e!

³Kawěnginu e lụhalawụ, arengu e mẹ̌sul᷊ungu lana mawěngi kụ nawěmbing; ual᷊ingu ene tangu mal᷊ahuala e lụěnning i kau!

⁴Hotede i kitẹ, mawu ratuku, pakarol᷊ạko wawa iạ e sarang dal᷊ungu kamaru. Kai ual᷊ingu i kau e hakịu i kami kěbị e nahul᷊uasẹ̌, dingangu mẹ̌dẹ̌dalo lundangu naungu namal᷊iu anggorẹ̌; mambeng hinone mal᷊ahuala e mạiwogi kau!

⁵Ei manga wawineng Yerusalem, manimbe pisiku e mitung, kaiso iạ e maholẹ bue; maitung kere manga tentang Kedar, kaiso maholẹ kere manga ral᷊anse su istanan Salomo!

⁶Kumbahangbe kawe měmanda awạku e mitung, u iạ e kawe nahěngisu sěnnangu matangěllo e. Manga tuhangku e limangehẹ̌ si siạ, dingangu něngoro si siạ e pělẹ̌hal᷊ẹ̌ su waelu anggorẹ̌; iạ e tawẹ makasěmpị mẹ̌padul᷊i wadangku e hala.

⁷Pẹ̌berạ e i tatuno naungku e, kai suapạ e i kau měngahạ manga domba e, kai suapa niparal᷊okanu e i sire su tempom bawěllo e tangu? Tumanịe wue iạ sarung kerẹe mangangumpěpidẹ̌ su tal᷊oarang komol᷊angu dombang manga hapịu?

⁸Tumanịe wue i kau e wěgan tampạ e, i kau kụ kaholekange su tal᷊oaram manga wawine e? Měngkate pẹ̌batụ ěnnạu ghapaěngu domba, lukadeko ghapaěngu manga kambingu masandigu pẹ̌darasengangu manga měndal᷊ukadẹ̌ e.

⁹Ikẹ̌kěndagẹ̌ku, i kau e al᷊ingkai kawal᷊o wawine kụ měmẹ̌mol᷊eng karetan datum Misirẹ̌.

¹⁰Pipịu e mapaelẹ̌ su tal᷊oaran dal᷊ẹ̌gahẹ̌, lehẹ u e nal᷊ěnggihu kalong paramata.

¹¹I kami e makikoạu ral᷊ẹ̌gahẹ̌ bul᷊aeng baugi kau ringangu l᷊ai manga ino wọu sal᷊aka.

¹²Těntal᷊ang datuku e su pělahẹ̌dangenge, lụhalawụ bue wěnging lanang narwastu.

¹³Ikẹ̌kěndagẹ̌ku e mẹ̌sul᷊ungu wěngin sensẹ, su tempon dụdal᷊oka su sěbạku.

¹⁴Ikẹ̌kěndagẹ̌ku e al᷊ingkai winẹ̌kisangu bungangu kasumbarẹ̌ e su wawaelangu anggorẹ̌ su En-Gedi.

¹⁵I kau e maholẹ-holẹ, polọku, mambeng maholẹ i kau! Matanu e al᷊ingkai paluma.

¹⁶I kau e mal᷊epatẹ̌, sayang, mambeng mal᷊epatẹ̌ i kau! Katatikilang i kadua e rěmpugẹ̌ melong.

¹⁷Kalung arasẹ̌ e makoạ dihiʼm bal᷊eng kaduạ, dingangu lotenge kaluʼn cěmara.