Read Sangir YESAYA 20 Bible Online

YESAYA 20 - Sangir bible

YESAYA 20

¹Kahiam parentan Sargon, datung Asyur mol᷊ensekẹ u sordadong Asyurẹ̌ e něnekẹ Asdod, soa sěmbaụ su Pilistin.

²Těllu taung kal᷊amonang ene e, MAWU e něndolohʼi Yesaya anạ i Amos piněluạ sapatu ringangu pakeang bọu karong kụ lẹ̌luheěnge. I sie timuhụ kụ dimal᷊eng těntol᷊e ringangu tawẹ sapatune.

³Piạ e soang Asdod nialoěng, MAWU e něhengetang, ”Ěllang-Ku i Yesaya e sen těllu taung karěngụ e těntol᷊e ringangu tawẹ sapatune. Seng ini e tatialane wọu apa sarung mariadi su Misirẹ̌ dingangu Sudan.

⁴Ratung Asyur sarung měnaweng taumata wọu wanua rarua ene ringangu i sire sarung hiudang těntol᷊e. Maghaghurang dingangu mangudạ kěbị e sarung dumal᷊eng těntol᷊e ringangu tawẹ laěmpahe laede, kụ pěnade kẹ̌kasilo, kere lahinakang baugu tau Misirẹ̌.

⁵Taumata kụ měngumbalang Sudan dingangu lụlesạu Misirẹ̌ e sarung kuměndung dingangu naunge manawo mapěndụ.

⁶Su tempo ene taumata kụ mạtanạ su wiwiange sarung mẹ̌bera, ’Kakěllạ e apang kụ mariadi waugu bansa kụ pạngumbalaěng i kitẹ e baugu měngěllung si kitẹ e wọu ratung Asyur. U masal᷊amatẹ̌be kereapa i kitẹ e?’ ”