Read Sangir YESAYA 26 Bible Online

YESAYA 26 - Sangir bible

YESAYA 26

¹Su tampạ ene taumata e sarung mẹ̌kantarị u kakantarị ini su ěntanang Yehuda e: ”Ene e katoghase soang kitẹ e; Duata sẹ̌sane němangung bentengʼE, kụ sini e i kitẹ masal᷊amatẹ̌.

²Topeko manga tukadu pasěllangenge, tadeạu sumuẹ̌ bansa kụ satia e, bansa kụ mẹ̌kẹ̌koạ kapulun Duatane.

³MAWU, i Kau e něngonggọu pẹ̌darame ringangu karal᷊unsemahẹ̌ su taumata kụ naunge matoghasẹ̌ e, watụ u i sie mạngimang si Kau e.

⁴Pangimangke su MAWU e sěntiniạ, batụu MAWU Ruata e sěntiniạ mạngěllung si kitẹ e.

⁵MAWU e mapakasanạ u taumata kụ maobotẹ̌ e; i Sie mapakagholangu soa kụ papagare i sire, kụ ipakatene ringangu ěntana.

⁶Taumata kasiang dingangu sunsara e sarung měndal᷊inda si sire e.”

⁷Taumata matul᷊idẹ̌ e rụdal᷊eng sural᷊eng matul᷊idẹ̌, u i Kau MAWU e něnul᷊ěntang dal᷊eng baugʼi sie.

⁸I kami e tụtol᷊e putusangʼU, o MAWU, ringangu mang kạpangampal᷊e si Kau, kai i Kau e raralo ringangu ikẹ̌karalọ u naung i kami e.

⁹Himukudẹ̌ku e mẹ̌kẹ̌karalọ i Kau e su tempong hěbi, naungku e mẹ̌gẹ̌gausẹ̌ si Kau e su tempong mal᷊ukadẹ̌. Kereu i Kau e sarung měhukung dunia e, tumanạu dunia e sarung masingkạ u apa nạung těngadẹ̌ e.

¹⁰Manilaing taumata ral᷊akisẹ̌ e kẹ̌kapiaěng, i sie tawe lai měngangěndung katěngadẹ̌ e. Su něngarang ondang-ondang e i sie mal᷊aing mẹ̌kẹ̌koạ tawẹ katul᷊ide, dingangu tawe mangakung kawasan MAWU e.

¹¹ MAWU, i Kau e sadia měhukungu sekẹʼU, kaiso i sire e wěga wue. Walạekere i sire kawawilosu mea makasilo kakěndagʼU waugu umatʼU. Walạekere i sire kal᷊aupune kahiang hukumang kụ niriahinu waugi sire.

¹²MAWU, i Kau e sarung makariading kami e mal᷊unsemahẹ̌; patikụ apang kẹ̌koateng i kami e, i Kau e mẹ̌kakaradiahang e waugi kami.[36]

¹³I kami e nạung bọu pinẹ̌kawasaěngu manga tuang bal᷊ine, kaiso tumbạeng i Kau e niakung kami, e MAWU Ruatang kami.

¹⁴I sire e seng nate kụ semben tawe saụ mẹ̌biahẹ̌ kapia, maiete semben tawe saụ mẹ̌bangung. Batụu i sire e kai sen nasue nipakawinasanʼU ringangu niěmmụ u wọu ěndumang.

¹⁵I Kau seng niapẹ̌dal᷊embong kami umatʼU e, o MAWU, ringangu napakal᷊oahu wanuang kami, ual᷊ingu ene i Kau e wẹ̌bantugang.

¹⁶I Kau e seng něhukung i kami, su ral᷊ungu kasasěsẹ i kami e mẹ̌bihu sol᷊ong anunʼU, ringangu mẹ̌kal᷊iomaneng si Kau, MAWU.[37]

¹⁷Mẹ̌sul᷊ungu wawine kụ měhěnding, měngal᷊iki ringangu mẹ̌kẹ̌kiaratagu tědụ, kụ kerene i kami e su těngo-Nu, MAWU.

¹⁸I kami e mẹ̌bẹ̌bawa kapapia ringangu mẹ̌kẹ̌kiaratagu tědụ, kaiso tawẹu mawantelu apa; i kami e tawe mẹ̌gěllịu kasasal᷊amatẹ̌ su dunia, tawe lai niapakal᷊awọu tumanạ e.[38]

¹⁹UmatʼU apan seng nate sarung mẹ̌biahẹ̌ kapia, maieti sire sarung mẹ̌bangung kapia. Taumata kụ seng nilěbing su ral᷊ungu ěntana e sarung mẹ̌bangung kụ měmpahul᷊uasẹ̌. Kere namuhẹ̌ kụ makạdal᷊ěnding dunia, i Kau e napẹ̌biahu umatʼU e apan seng marěngụ nate!

²⁰Suẹ̌ e su ral᷊ungu wal᷊enu e, ei bansaku, mase sukungke tukadẹ̌ e. Pẹ̌kěmbunị e pěngampal᷊ẹ̌ sarang dal᷊angehu MAWU e seng mal᷊ẹ̌da.

²¹MAWU e sarung lumintụ bọu tampạ katatanakenge su sorga mẹ̌deạu měhukung tumanạu runia e kahian dosan sire. Pẹ̌papate nikoạ i sire pinakarěmasẹ̌ e sarung ipakasongkang. Ěntana e selain tawe měhěpingu apan taumata kụ nate nịpapate.