Read Sangir YESAYA 32 Bible Online

YESAYA 32 - Sangir bible

YESAYA 32

¹Kakěllạe, sarung marěnta tempone sěngkatau ratu mẹ̌parenta ringangu adilẹ̌ ore lai manga těmbonangu kawanua měndal᷊eng u kạadilẹ̌.

²I sire sěngkatau-sěngkatau e mẹ̌sul᷊ungu tampạ pẹ̌kakěllungang bọu anging dingangu rěllang. I sire e mẹ̌sul᷊ungu sal᷊ụ lụelehẹ̌ su wanua l᷊inggi, kere watu masaria pẹ̌kakěllungang su wanua tawẹ manga kakaluange.

³Taumata apang makạsilo e tawe sarung měnakạ matane, ringangu apang makạdingihẹ̌ e sarung tumatingang.

⁴Taumata nạung kal᷊amona e wẹ̌bawaěngu abul᷊i e sarung mẹ̌těngkasabarẹ̌ dingangu nasahiangkung u laěnna. Taumata nạung mou e sarung makawera mal᷊ahẹ.

⁵Taumata kụ bodo e selain tawe irarekeng lẹ̌adateng, dingangu apang maakal᷊ẹ̌ e sen tawe ikawera u matul᷊idẹ̌.

⁶Taumata wodo e tụtahimorasu wawera wodo e ringangu mělẹ̌hingidu apan dal᷊ikisẹ̌ e. Walạewe apang koatenge arau iwerane e tạbidạu lahinakang baugu Ruata e. Tawẹ běke i sie reng apakaěngu apang lunusẹ̌ e arau mapěnginung u apang marou.

⁷Wuhụewe lai sěngkatau maakal᷊ẹ̌ e mẹ̌tẹ̌tiněnna ringangu mẹ̌kẹ̌koạ dal᷊akisẹ̌ e. I sie mẹ̌dẹ̌deạ akal᷊e waugu mapakasilakạ u taumata kasiange ringangu haghim bawera konti ringangu mẹ̌sẹ̌sěding i sire e makareạ hakẹ̌ e.

⁸Arawe taumata kụ mal᷊ěnggihẹ̌ lulune mẹ̌kẹ̌karaking kal᷊awọu hal᷊ẹ̌ mapapia ringangu kakanoạ e mapia l᷊ai.

⁹Daringihẹ̌ko, ei manga wawine kụ měmpẹ̌bẹ̌biahẹ̌ masasědapẹ̌, tạ konsange wọu sigěsạ!

¹⁰Ini e i kamene sem botonge makapěndang u maudupẹ̌ bue, kaiso piạ u manga l᷊ai sěntaung, i kamene sarung měngkapěndụ, batụu pananipo anggorẹ̌ e sarung tawe mariadi, ringangu tawẹ manga gẹ̌sing ěntana lai wal᷊ine.

¹¹Sarang orasẹ̌ ini e i kamene měbẹ̌biahẹ̌be sědapẹ̌, mal᷊iwirẹ̌ bọu sigěsạ. Arawe orasẹ̌, ini e kěngkawintogẹ̌ bue! Luạ e pakeangu kụ pěndehọeng karong su kal᷊uwaengu.

¹²Pahul᷊ungkangkon dahaminu e kụ matuwo ringangu manga wedengu anggoru e mẹ̌bẹ̌bua mal᷊awọ,

¹³u ěntanang bansaku e nituwoěngu kěhu ringangu gahundungu manga sumpinị. Ore, pahul᷊ungkangkon manga wal᷊eng kamene tampạen taumata měmpạhul᷊uasẹ̌ dingangu soa napenẹ u ral᷊iagẹ̌!

¹⁴U istana e sarung těntangeng dingangu niupunangu soa marame e sarung měhio. Bongkone ringangu manga měnara pěndal᷊ukadeng e seng pinakatene ringangu ěntana sarang marěngụ-děngụ. Manga kalide maghaghaěng dingangu manga domba sarung měmpẹ̌sal᷊iawuhẹ̌ kụ měmpẹ̌kaěng děmpugẹ̌ paị sene.

¹⁵Kaiso sěnsul᷊ẹko l᷊ai Ruata e sarung duměnta ringangu kawasa-Ne. Tangu manga wanua l᷊inggi e sarung makoạ manga rahami matawa, ringangu manga rahami e sarung makoạ kere kěhu.

¹⁶Su kasěllahu wanua e sarung piạ katul᷊idẹ̌ dingangu kạadilẹ̌.

¹⁷Apan taumata kụ sarung mẹ̌koạ apang kụ su hinone, hakịu piạ karal᷊unsemahẹ̌ dingangu pẹ̌darame sarang marěngụ-děngụ.

¹⁸Umatu Mawu e sarung mal᷊iwirẹ̌ bọu sigěsạ dingangu pẹ̌bawiahẹ̌ su tampạ kụ e mạhěmpal᷊iu dingangu mal᷊enehẹ̌.

¹⁹Enẹ e kal᷊unsemahe i kamene kěbị e ual᷊ingu akẹ e mạhěmpal᷊iu waugu sasuangu e, ringangu binatang lẹ̌hikinangu makạkaěng děmpugẹ̌ su apan tampạ dingangu tawẹ konsange apa. Arawe manga sědụ u e sarung kere kěhu rasehangu tahiti watu ringangu soan sire e sarung gagholokang.