Read Sangir YESAYA 64 Bible Online

YESAYA 64 - Sangir bible

YESAYA 64

¹MAWU! Nịkakakusuko langị dingangu naẹko lintụ kụ nịgaghinggọko manga wul᷊ude su těngo-Nu,

²mẹ̌sul᷊ungu putung nakarěllị kalu ringangu nakasahoka akẹ. Lahẹko kawasa-Nu e su manga sědụʼU e, hakịu manga wansa e su sal᷊inggěguhẹ̌ su těngo-Nu e.

³Karạ i Kau kawe wọu mẹ̌koạ hal᷊ẹ̌ makạtatakụ kụ nakal᷊ahěkosẹ̌ si kami. I Kau e limintụ dingangu su těngonʼU manga wul᷊ude němpẹ̌ganuẹ̌.

⁴ Kụ dem bědang tạ u sarang sěngkatau reng bọu nakaringihẹ̌ dingangu ren tạu nakạsilo u sul᷊iung Kau e, kai piạ duata nẹ̌karadiahang, baugu taumata kụ mělẹ̌harapẹ̌ si sie.

⁵I kau e naněnsomahẹ̌ taumata matul᷊idẹ̌ e ringangu apang nẹ̌biahẹ̌ timuhụ kapulunʼU. I kau e limangehẹ̌ si kami, kaiso i kami e mang těbe marosa, kụ mambeng bẹ̌dang kạngerẹ i kami e nẹ̌sal᷊a.[84]

⁶I kami kěbị e kai taumata mal᷊amuhụ, sarangkewe lai kakanoạ i kami mapia e mal᷊aing nẹ̌turạ dingangu nal᷊amuhụ. I kami e sarung matadise ual᷊ingu karal᷊akisʼi kami e mẹ̌sul᷊ung u raukalu nalolang itělạ u anging.

⁷Tawẹ u mẹ̌kal᷊iomaneng si Kau, arau mẹ̌gausẹ̌ tul᷊umangʼU u i Kau e kai měkẹ̌kěmbuning gati-Nu e wọʼi kami ringangu napakawalang[85] kami e pakawinasa ual᷊ingu rosang kami.

⁸Arawe i Kau e MAWU, kawe i Amang i kami, i kami e kawe ěntana masipul᷊ụ dingangu i Kau e něluhudẹ̌ si kami; i kami kěbị e kai ěnạ u koạ u l᷊imanʼU.

⁹Kụ MAWU! abe tumanị u mẹ̌dahenesangu ral᷊angehʼU e, kuhạete lai reng mẹ̌tahěndung dosang kami; kěllạ e, i kami ini e umatʼU.

¹⁰Manga soa-Nu susi e mạngawẹ banua l᷊inggi, Yerusalem nakoạ banua namara kụ tawẹ taune.

¹¹Bal᷊en Duata kụ susi ringangu mawantugẹ̌ e tampạ u manga i upung i kami e měmpědẹ̌dalo si Kau e, seng nipakaupung putung; kěbịewe tampạ ikẹ̌kapulung kami e seng kate nal᷊embe ěnạ e.

¹²I Kau e nakasilo kěbị tamai ini e, MAWU! kụ tumanị e wue i Kau měngkai kạtatanạ marěmasẹ̌ e tangu? Apa měnsang i Kau e sarung pakawalang kami e tumanị u masigěsạ tangu?