Read Sangir MANGA IMANG 11 Bible Online

MANGA IMANG 11 - Sangir bible

MANGA IMANG 11

¹MAWU e něngonggọu titanʼE kere ini si Musa rěduang Harun

²waugu taumatang Israel. Kal᷊awọu binatang kụ biahẹ̌ e surul᷊unge apang kụ tụtal᷊umama ringangu kanukune napahiạ ute mapia wue ringangu wotonge wue kinaseng.

⁴Abe pěmpẹ̌kinạ onta, kancilẹ̌ dingangu kělinci. Binatang ene ute kai ipẹ̌tẹ̌tělling, batụu manilaing tụtal᷊umamae, kai kanukune tawe napahiạ.

⁷Abe kinạ bawi. Binatang ene e kai pẹ̌tẹ̌tělling, u manilaing kanukune e napahiạ, kai i sie tawe tumatal᷊umama.

⁸Gěsine tawe wotonge kinaseng dingangu maiete mal᷊aing tawe wotonge senggehang batụu binatang ene e kai ipẹ̌tẹ̌tělling.

⁹I kamene wotongewe kuminạ kal᷊awọu haghing kinạ piạ gěnggal᷊ang e ringangu piạ onạ e.

¹⁰Binatang kụ mẹ̌bẹ̌biahẹ̌ su ral᷊ungu akẹ kai tawẹ gěnggalang e ringangu tawẹ onạ e ute kai ipẹ̌tẹ̌tělling kụ tawe wotonge kinaseng, dingangu maiete tawe wotonge senggehang.

¹³Bọu tal᷊oarang manga manụ u winalangeng tuhụ e ini e tawe wotonge kinaseng batụu kai mal᷊amuhụ: manụ kasiahe, manụ sampahạ, kal᷊awọu haghing kalěmba, sahedẹ̌, gaga, manụ onta, pẹ̌pato, baral᷊ang, dingangu kal᷊awọu haghim bahoa, tadinting, pamal᷊o ringangu paniki.

²⁰Patikụ binatang apang sụsahomang kụ piạ papanide e ene kai pělli,

²¹tabeạu ketewe apang makạl᷊insọ.

²²Kụ apạeweng kal᷊imbotong, kuhung-kuhung dingangu kal᷊imbotong ido, wotonge kinaseng i kamene.

²³Arawe kal᷊awọu binatang sụsahomang bal᷊ine kụ piạ papanide ringangu lai lụhomang e ute kai pělli.

²⁴Pẹ̌sěngkatau e mal᷊amuhụ sarang matangěllo sumědạ e kereu i sie měnenggehẹ̌ kasuang sěmbaụ bọu haghim binatang tamai ini e: binatang piạ kanukune, tabeạu ketewe kanukune napahiạ dingangu tụtal᷊umama, ringangu binatang laede ěpạ kụ piạ kakahụ e. I saing mẹ̌bawa kasuangu binatang gahị e ene e harusẹ̌ měngunsạ pakeange, kaiso i sie man těbe mal᷊amuhụ sarang sědakengu matangěllo.

²⁹Bal᷊awong ěntana, bal᷊awo ghẹ̌guwạ, bal᷊awo rarodọ, tumbal᷊ohe, kal᷊awọu haghing tumpepạ landakẹ̌, soaha, těke, puhětị lěliu kěbị ene e kai pělli.

³¹I saing měnenggehẹ̌ binatang tamai ene arau kasuange, i sie mal᷊amuhụ sarang sědakengu matangěllo.

³²Kereu kasuangu binatang ene mahino arau manawo su barang sěmbaụ tangú barang ene e makoạ mal᷊amuhụ. Ene e mahino su kal᷊awọu haghing sạbarang bọu kalu, hěka, pisị, arau karong, dingangu tawe mẹ̌kapura wue kụ měnsang barang ene e paketang. Barang ene e harusẹ̌be laehẹ̌ su ral᷊ungu akẹ kaiso mang těbe mal᷊amuhụ sarang matangěllo sumědạ.

³³Kereu kasuang ene e mataho su ral᷊ungu kuring ěntana, tangú kal᷊awọeweng apa su ral᷊ungu kuring ěntana, kal᷊awọeweng apa su ral᷊ungu kuring ene tangú makoạ mal᷊amuhụ, kụ kuring ene tangu harusẹ̌ běkaěng.

³⁴Kaěng kụ maholong akẹ u kuring ěntana ene e makoạ mal᷊amuhụ dingangu inumang su ral᷊ungu kuring ene e mal᷊aing makoạ mal᷊amuhụ.

³⁵Balạewe měnsang apa kanawoěngu kasuang ene e, makoạ mal᷊amuhụ. Dapuhang arau pěnanongkateng bọu ěntana kahinoěngu kasuang ene e harusẹ̌ běkaěng ual᷊ingu kai mal᷊amuhụ.

³⁶Tabeạu katewe simbul᷊u akẹ arau pahighi, arawe kěbịewe wal᷊ine e tangu makoạ mal᷊amuhụ kereu kahinoěngu kasuang e.

³⁷Kereu kasuang ene e manawo su wowom bine kụ sarung isawuhẹ̌, tangú wine ene e těbewe wurẹ̌si.

³⁸Kai kereu wine ene e kawe mạdal᷊aehẹ̌ su ral᷊ungu akẹ kụ bọu ene kawe kanawoěngu kasuang ene e, tangú wine ene e makoạ mal᷊amuhụ.

³⁹I saing měnenggehẹ̌ binatang nate e sarung maral᷊akisẹ̌ sarang matangěllo sumědạ.

⁴⁰Taumata apang nẹ̌bawa arau kiminạ kasuang ene e harusẹ̌ měngunsạ pakeange, kai i sie těbe mal᷊amuhụ sarang ěllo sumědạ.

⁴¹Kal᷊awọu binatang apang gụgal᷊ěgehẹ̌ sụsahomang su wowong ěntana e, baewe apang lụhomang, piạ laede ěpạ, arau laede maral᷊awọ e ute kai ipẹ̌tẹ̌tělling tawe wotonge kinaseng.

⁴³Kumbahang mẹ̌těngkal᷊amuhụ u watangeng u kụ měmpẹ̌kinạ kal᷊awọu haghim binatang tamai ene.

⁴⁴ Iạ e kai Ruatanu, ual᷊ingu ene pakarariagạ bue i kamene tadeạu i kamene těbewe susi watụ u Iạ e kawe susi.

⁴⁵Iạ e kai MAWU naněbang i kamene wọu Misirẹ̌, tadeạu Iạ e makoạ Duatanu. Pakasasusikoho i kamene, ual᷊ingu Iạ e kawe susi.

⁴⁶Kai ene tiaham manga binatang e nasowa l᷊ai manga manụ u kinoaěnge, binatang kụ mẹ̌bẹ̌biahẹ̌ su ral᷊ungu akẹ dingangu apang kụkanoạ su wowong ěntana e.

⁴⁷I kamene e harusẹ̌be makakoạ mẹ̌dal᷊ahaedu binatang burěsi ringangu mal᷊amuhụ, mědal᷊ahaedu binatang botonge kinaseng dingangu binatang kụ tawe wotonge kinaseng.