Read Sangir MANGA IMANG 12 Bible Online

MANGA IMANG 12 - Sangir bible

MANGA IMANG 12

¹MAWU e mẹ̌gẹ̌gěllị si Musa e manga titanʼE ini,

²waugu tau Israel. Kereu sěngkatau wawine mamantelu rariọ esẹ, tangu karěngụeweng sěngkamisa wawine ene e mal᷊amuhụ mẹ̌sul᷊ungkeweng i sie nạung rẹ̌dal᷊engangu raha e.

³ Su ěllo kaual᷊une e anạ e tangu harusẹ̌ pakisunatẹ̌.

⁴Bọu ene bědal᷊aing těllum pul᷊o těllu su ěllone wawine ene e mang bědang mal᷊amuhụ ual᷊ingu rẹ̌dal᷊engangu raha. I sie tawe wotonge měnenggehẹ̌ manga apal᷊iwụ pẹ̌paketang baugu pẹ̌kakal᷊iomaneng dingangu tawe wotonge sumuẹ̌ su ral᷊ungu Tentam MAWU e sarang tempon pananusine e mapaghohẹ̌.

⁵Kereu sěngkatau wawine měmantelu rariọ bawine tangú karěngụeweng mapul᷊o ěpạ su ěllone wawine ene e mal᷊amuhụ, mẹ̌sul᷊ungkewelaing naung i sie reng dẹ̌dal᷊engang u raha. Bọu ene ěnnungu pul᷊o ěnnung su ěllone lai wawine ene e wědang mal᷊amuhụ ual᷊ingu niral᷊engang u raha e.

⁶Mal᷊iung tempong pananusine e mapaghohẹ̌, baẹbě ual᷊ingu seng namantelu rariọ esẹ arau rariọ bawine ute tau wawine ene harusẹ̌ pẹ̌bawa sasěmba su imang su těngon tukadu Tentam MAWU e. Sasěmba ene ute kai anạ u domba umbure sěntaung baugu sasěmba tinongkạ, dingangu manụ paluma kawuhuang sěmbaụ arau těkukurẹ̌ kawuhuang baugu sasěmbang ampungu rosa.

⁷Imang harusẹ̌ měnarakangu sasěmbane su MAWU ringangu mẹ̌koạ komol᷊angu mapakatạdiseng karal᷊amuhụ u wawine ene, sarangkewe i sie mawurẹ̌si. Kụ kai ene e hinong koateng u sěngkatau wawine e bọuteng i sie mamantelẹ̌ e.

⁸ Kereu wawine ene e tawe makaumal᷊ẹ̌ měndiahing anạ u domba sěmbaụ e, i sie harusẹ̌ mẹ̌bawa paluma kawuhuang darua arau těkukurẹ̌ kawuhuang: sěmbaụ kụ baugu sasěmba tinongkạ dingangu sěmbaụ e tewe lai wal᷊ine e waugu sasěmbang ampungu rosa. Imang e harusẹ̌ mẹ̌koạ komol᷊ang u měndědasẹ̌ lumuhụ u wawine ene e mědeạu i sie mawurẹ̌sị.