Read Sangir MANGA IMANG 15 Bible Online

MANGA IMANG 15 - Sangir bible

MANGA IMANG 15

¹MAWU e něngonggọu manga titanʼE ini e si Musa rẹ̌duang Harun

²baugu tau Israel. Kereu sěngkatau esẹ e niral᷊engangu nana ual᷊ingu sakị u esẹ e, ute nana ene e kai mal᷊amuhụ

³baẹbe apang nasěbang dingangu waebe lai apang tawe niral᷊enge.

⁴Ennạu nikaianeng dingangu nipẹ̌tikilang u tau ene e kai nal᷊amuhụ.

⁵I saing kụ měnenggehẹ̌ taumata apang dal᷊engangu nana arau katatikilange, arau maiang su ěnnạ u nikaianenge, arau piněngěduangu tau ene e, harusẹ̌be pěngunsạ pakeange kụ pěndenọ, kụ i sie kai mal᷊amuhụ sarang matangěllo sumědạ.

⁹Pul᷊angengu arau wal᷊ạewe měnsang apa nikaianengu tau niral᷊engang nana e kai nal᷊amuhụ.

¹⁰I saing manenggehẹ̌ apạe nạung nakoạ ěnnạu kẹ̌kaianeng u taumata ene e, ute i sie nakoạ mal᷊amuhụ sarang matangěllo sumědạ. I sain-saing měhengkẹ apal᷊iwụ ene e harusẹ̌be pěngunsạ pakeange kụ pěndenọ, kụ i sie mal᷊amuhụ sarangkewe matangěllo sumědạ.

¹¹Kereu i saing mapasěbang u akene kụ tawe reng měnguhasẹ̌ limane kal᷊imona kụ měnenggehẹ̌ taumata wal᷊ine, tangú tau nisenggehange ene harusẹ̌ měngunsạ pakeange ringangu pěndenọ kụ i sie mal᷊amuhụ sarang matangěllo sumědạ.

¹²Kuring ěntana kụ nisenggehang u tau ene harusẹ̌ běkaěng dingangu apal᷊iwụ nạung niumpaede harusẹ̌ uhasẹ̌.

¹³Kereu tau ene maul᷊e wọu sakị e, i sie harusẹ̌ pahědo lai karěngụ u pitu ěllo. Bọu ene i sie harusẹ̌ měngunsạ pakeange ringangu měndenọ su simbul᷊u akẹ, tangú nawurěsi e i sie.

¹⁴Su ěllo kaual᷊une, i sie harusẹ̌ pẹ̌bawa manụ paluma kawuhuang duam baụ arau těkukurẹ̌ kawuhuang, sol᷊ong těngon tukadu Tentam MAWU e bọu ene pěnarakang u ene su imang.

¹⁵Imang e harusẹ̌ mẹ̌gěllịu sasěmba manụ u winalangeng sěmbaụ, baugu sasěmbang ampungu rosa, dingangu sěmbaụ e wue ute waugu sasěmba tinongkạ. Ual᷊ingu ene tangú manga imang e namangung komol᷊ang u pananusin tau ene e su těngon MAWU e.

¹⁶Kereu sěngkatau esẹ mapasẹ̌bang u hawolane, tangú i sie harusẹ̌ měndenọ, kaiso mang těbe mal᷊amuhụ sarang matangěllo e sumědạ.

¹⁷Balạewe měnsang barang apa kụ bọu hekạ arau pisị kụ kinahinoěngu akẹ u hawola ene e harusẹ̌be uhasẹ̌; tangú barang ene e mal᷊amuhụ sarang matangěllo sumědạ.

¹⁸Bọuten mẹ̌sěngkapẹ̌tikị e tangú baewe esẹ wawine e harusẹ̌be pěmpěndenọ, kaiso i sire mang těbe mal᷊amuhụ sarang matangěllo sumědạ.

¹⁹Sěngkatau wawine kụ dẹ̌dal᷊engang u raha e mal᷊amuhụ karěngụ u pitu ěllo. I saing manenggehẹ̌ si sie makoạ l᷊ai mal᷊amuhụ sarang matangěllo sumědạ.

²⁰Balạewe měnsang apa kakaianeng dingangu kapẹ̌tikilang u wawine ene karěngụ u rẹ̌dal᷊engang u raha e mang makoạ mal᷊amuhụ.

²¹I sai-saing měnenggehẹ̌ ěnnạu tampạ nikaianeng dingangu nipẹ̌tikilang u wawine rẹ̌dal᷊engang u raha e, harusẹ̌be pěngunsạ pakeange ringangu pěndenọ, kụ sie mal᷊amuhụ sarang matangěllo sumědạ.

²⁴Kereu sěngkatau esẹ e mẹ̌sěngkapẹ̌tikị dingangu sěngkatau wawine rẹ̌dal᷊engangu raha e, tangú esẹ ene e mal᷊aing makoạ mal᷊amuhụ karěngụ u pitu ěllo, kụ apạeweng katatikilang kụ nipẹ̌tikilang e mal᷊aing makoạ mal᷊amuhụ.

²⁵Kereu sěngkatau wawine ral᷊engang u raha karěngụ u manga pira ěllo su l᷊ikudu tempon dal᷊engang e, arau rahane tawe napontodẹ̌ nal᷊iun tempon dal᷊engange, i sie mal᷊amuhụ karěngụ u ipẹ̌dẹ̌dahane e mẹ̌sul᷊ungkewelain tempon dal᷊engange.

²⁶Tampạ nipẹ̌tikilang dingangu nikaianenge karěngụeweng tempo ene e ute nakoạ mal᷊amuhụ.

²⁷I sai-sai kụ manenggehẹ̌ tampạ ene e mal᷊aing makoạ mal᷊amuhụ. I sie harusẹ̌ měngunsạ pakeange ringangu měndenọ, kụ i sie mal᷊amuhụ sarang matangěllo sumědạ.

²⁸Mal᷊iụeng pẹ̌daraha ene e mapontodẹ̌, bawine ene e harusẹ̌ pěngampal᷊ẹ̌ sarang manga pitu ěllo lai. Buhụ ewe mal᷊iung ene e i sie mawurẹ̌si.

²⁹Su ěllo kaual᷊une i sie harusẹ̌ pẹ̌bawa manụ paluma kawuhuang duam baụ arau těkukurẹ̌ kawuhuang su imang su těngon tukadu Tentam MAWU e.

³⁰Manụ u winalangeng sěmbaụ e harusẹ̌ isarakang baugu sasěmbang ampungu rosa e, ringangu sěmbaụ ete wue waugu sasěmba tinongkạ. Dingangu kakakoạ kerene tangú imang e nẹ̌koạ komol᷊angu pananusi wawine ene e su těngon MAWU.

³¹MAWU rimolohʼi Musa apạul᷊ị su tau Israel tadeạu apěnẹ̌nitị měnsang kạnge i sire mal᷊amuhụ dingangu kạngerẹ bue tawẹ l᷊amuhụ e, tadeạu i sire tawe mapakal᷊amuhụ u Tentam MAWU kụ ene sutal᷊oarang pẹ̌darasengang i sire su Tenta e. Kereu i sire mělamuhụ Tenta ene, i sire sarung mate.

³²Kerene tiahang manga esẹ kụ mapạsěbang u huakẹ e ual᷊ingu sakị u wadang pělli, arau maněbangu hawolane,

³³mạanung bawine kụ dahane kạdal᷊enge, ringangu mạanung esẹ kụ nẹ̌sěngkapẹ̌tikị dingangu wawine kụ dahane kạdal᷊enge.