Read Sangir MANGA IMANG 27 Bible Online

MANGA IMANG 27 - Sangir bible

MANGA IMANG 27

¹MAWU e něngonggọ u e

²pělatorange ini si Musa waugu tau Israel. Kereu sěngkatau e isěmba su MAWU waugu ipanubusẹ̌ sěmbaụ diandi tani e, tau ene wotongewe i tubusu roitẹ̌

³tuhụ arěga su Tentaʼm MAWU: — Su wowong 60 su taunge: Manga esẹ — doitẹ̌ sal᷊aka 15 su kal᷊ěpane Manga wawine — doitẹ̌ sal᷊aka 10 su kal᷊ěpane — Su wěllạu 20-60 su taunge: Manga esẹ — doitẹ̌ sal᷊aka 50 su kal᷊ěpane Manga wawine — doitẹ̌ sal᷊aka 30 su kal᷊ěpane — Su wěllạu 5-20 su taunge: Manga esẹ — doitẹ̌ sal᷊aka 20 su kal᷊ěpane Manga wawine — doitẹ̌ sal᷊aka 10 su kal᷊ěpane — Su al᷊ungu 5 taung: Manga esẹ — doitẹ̌ sal᷊aka limang kal᷊ěpa Manga wawine — doitẹ̌ sal᷊aka těllung kal᷊ěpa

⁸Kereu taumata kụ mẹ̌diandi e kawe tumanị u masigěsạ ipěmaehě arěga nikolderẹ̌ e, i sie harusẹ̌ mẹ̌bawa taumata kụ seng bọu nisěmba su MAWU ene, waugu pangangimange. Imang e harusẹ̌ měnantung arěga riọ limembong kasanạ e tuhụ ewe kaumal᷊engu tau ene.

⁹Kereu riandi ene mạanung hal᷊ẹ̌ u binatang kụ hinone i tarimạ makoạ sasěmba su MAWU, taumata kụ piạ diandine ene e tawe wotonge měnal᷊iung binatang bal᷊ine, u patikụ apan nisěmba su MAWU e makoạ tataghuaneng u MAWU. Kereu i sie mang měnal᷊iung ute binatang darua e nakoạ tataghuaneng u MAWU.

¹¹Kaiso kamagengu riandi ene kawe mạanung binatang kụ tawe hinone kụ tawe i katarimạ makoạ sasěmba su MAWU, taumata kụ nẹ̌diandi ene e harusẹ̌ mẹ̌bawa binatang ene su anung imang.

¹²Imang harusẹ̌ měnantung arěgane tuhụ ewe kakakoạ u binatang ene. Kụ arěga seng nitantu ene seng arěga nate.

¹³Kereu tau ene mapulu měnubusẹ̌ binatange, i sie harusẹ̌ měmaehẹ̌ arěgane tambaěngu sěngkalimang kapahiakengu wọu ene.

¹⁴Kereu pẹ̌sěngkatau e měněmbang bal᷊ene su MAWU, imang e měnantu arěgane tuhụ kakakoạ u wal᷊e ene. Arěga kụ seng nitantu e kai arěga nate.

¹⁵Kereu tau ene mapulu měnubusẹ̌ bal᷊ene, i sie harusẹ̌ arěgane tambaěngu sěngkal᷊imang kapahiakenge wọu ene.

¹⁶Kereu pẹ̌sěngkatau e maněmbang sěmbahageang bọu ěntanane su MAWU, arěgane harusẹ̌ itantu tuhụ kal᷊awọu bibitẹ̌ kụ gausang baugu měsuang su ěntana ene. Baugu apang duam pul᷊o su kilone gandung e arěgane roitẹ̌ sal᷊aka mapul᷊ong kal᷊ěpa.

¹⁷Kereu ěntana ene nisěmba ren dokeng Taungu Pěnanul᷊e, arěgane harusẹ̌be waehẹ̌ pakakipẹ̌.

¹⁸Kereu ěntana ene i sěmba samurin Taungu Pěnanul᷊e, imang harusẹ̌ mẹ̌takaserẹ̌ arẹ̌gane kontang tuhụ kal᷊awọu taung kụ bědang ene sarang Taungu Pěnanul᷊e tuhụ e mase měnantu arěgane limembong kamurane.

¹⁹Kereu i saing maněmban dahami ene e mapulu manubusẹ̌ e, i sie harusẹ̌ měmaehẹ̌ arẹ̌gane tambaěngu sěngkalimang kapahiakenge wọu ene.

²⁰Kereu i sie mẹ̌bal᷊ụ rahami ene kụ den tawe nạnubusẹ̌ kal᷊imona wọu MAWU e, i sie selain tawẹ hakẹ̌ e manubusẹ̌ dahamine.

²¹Su Taungu Pěnanul᷊e tuhụ e, dahami ene makoạ tataghuanengu MAWU e waugu sarang marěngụ-děngụ, kụ nionggọ su manga imang.

²²Kereu pẹ̌sěngkatau e maněmbang dahami wělline sembaụ, su MAWU e,

²³ute imang harusẹ̌be mẹ̌takaserẹ̌ u arẹ̌gane tuhụ kal᷊awọu Taung Kạdal᷊enge sarangkewe Taungu Pěnanul᷊e tuhụ e. Bọu ene tau ene e harusẹ̌ měmaehẹ̌ arẹ̌gane su ěllo ěndaị ene lai. Doitẹ̌ ene makoạ tataghuanengu MAWU.

²⁴Su ral᷊ungu Taungu Pěnanul᷊e, dahami ene harusẹ̌ isul᷊e su anung taghuange nạung humotong, arau su manga hěntone.

²⁵Patikụ arěga e i tantu tuhụ arěga nạung su Tentam MAWU.

²⁶Binatang kụ piněhana humotonge kai tataghuanengu MAWU, kụ tawe wotonge isěmba waugu sasěmba sukarela. Anạ u sapi, anạ u domba arau anạ u kambing humotong piněhanạ e kai tataghuanengu MAWU.

²⁷Arawe binatang tawe wotonge kinasenge piněhana kahumotongange e wotongewe itubusẹ̌ tuhụ arěga su Tentaʼm MAWU, tambaěngu sěngkal᷊imang kapahiakeng wọu ěndaị ene. Kereu tawe itubusẹ̌ e, binatang ene wotongewe iwal᷊ụ su taumata wal᷊ine tuhụewe arěga su Tentaʼm MAWU.

²⁸ Tawẹu sarang sěngkatau e wotonge mẹ̌balu arau měnubusẹ̌ apan seng nịtatani kụ tawẹ tiahanẹ[10] su MAWU, baewe ene taumata, binatang arau ěntana. Ene kai tataghuanengu MAWU sarang marěngụ-děngụ.

²⁹Saral᷊aing taumata kụ seng nitani waugu MAWU mědeạu ipakawinasa e tawe wotonge i tubusẹ̌, i sie harusẹ̌ pateěng.

³⁰ Sěngkatahạpul᷊o wọu kạguwạ u ghẹ̌sing ěntana e, waẹbe gandung arau lai mangu wua-bua e, ene kai waugu MAWU.

³¹Kereu sěngkatau e mapulu měnubusẹ̌ sěmbahageang bọu hasilẹ̌ ene, i sie harusẹ̌ měmaehẹ̌ arěgane kụ sen tinantu e tanbaěngkol᷊ain sěngkatahạ limang bahageange.

³²Sembaụ bọu apam binatang pẹ̌tahạ pul᷊o suwaụ e kai tataghuaneng u MAWU. Kereu binatang ene rekenang, ute apang binatang kapul᷊one ute makoạ tataghuaneng u MAWU.

³³Taghuang binatang ene tawe wotonge měngkai měmile sudẹ e mapia ringangu sudẹ e ralaị. I sie lai tawe wotonge měnal᷊iu. Kereu i sie mang měnal᷊iu ene lai, binatang darua ene e makoạ tataghuanengu MAWU e kụ tawe wotonge itubusẹ̌.

³⁴Seng ene e kal᷊awọu tita nionggọ u MAWU e su wowom Bul᷊udu Sinai si Musa e waugu tau Israel.