Read Sangir YEREMIA 25 Bible Online

YEREMIA 25 - Sangir bible

YEREMIA 25

¹ Su taung kaěpạ e samuring Yoyakim ahusi Yosia nakoạ datung Yehuda e, iạ nakaěbạ tatanata wọu MAWU, mạanung kal᷊awọu kawanuang Yehuda e. Tempo ene e taung kahumotongange samuring Nebukadnesar nakoạ datuʼm Babel.

²Iạ e mẹ̌bera su kal᷊awọu tau Yehuda e ringangu tumanạu Yerusalem,

³”Karěngụ u ruam pul᷊o těllu su taunge, dongkeng taung kapul᷊o těllune su parentan Datu i Yosia ahusi Amon su Yehuda, sarang ěllo ini MAWU e seng nẹ̌bisara si siạ, ringangu tawẹ běke kụ iạ e tawẹ agise měhabarẹ̌ si kau e apang kụ seng nipẹ̌bera-Ne. Kaiso i kamene e tawe mẹ̌papandung.

⁴MAWU e mal᷊aing turusẹ̌-turusẹ̌ mẹ̌děndolohu manga nabi ěllangʼE, kaiso i kamene e tawe mapulu rumaringihẹ̌ dingangu měmpěnaung si sire e.

⁵I sire e něngoro si kamene e apẹ̌něntangu luluʼm pẹ̌bawiahu ral᷊akisẹ̌ e, dingangu kal᷊awọu kakanoạu warạdosa e tadeạu i kamene wotongewe makakatanạbe tatapẹ̌ su wanua ini kụ seng nionggọu MAWU e si kamene ringangu su manga i upung i kamene e kere pusakạ tataghuanenge.

⁶Manga nabi e mẹ̌sěding i kamene měněmba ringangu mẹ̌kal᷊iomaneng su manga ruata wal᷊ine e. I sire e mẹ̌sěding i kamene meněmba manga patong kinoạ i kamene hala, u hal᷊ẹ̌ ene makạdiadi MAWU e lumangehẹ̌. Kereu i kamene tumuhụ parentang MAWU e, i Sie tawe měhukung si kamene.

⁷Arawe MAWU e hala, nẹ̌bera u i kamene e tawe rumararingihẹ̌ si Sie. I kamene e katewe makạbětị dal᷊angehʼE ual᷊ingu kal᷊awọu mahang duatang kamene ene. I kamene hala naparěntang hukumang baugu watangeng i kamene e.

⁸Ual᷊ingu ene i kamene e mạdiri rumaringihẹ̌ kal᷊awọu wawera-Ne, tangu MAWU Kụ Limembong Kawasa e nẹ̌hengetang,

⁹’Iạ e mẹ̌kui kal᷊awọu wansa e wọu sěmběkan sawěnahẹ̌, ringangu l᷊ai ěllang-Ku e i Nebukadnesar datuʼm Babel. I sire e sarung Takụ i pasẹ̌bang pẹ̌sekẹ apěndokạ Yehuda ringangu manga tumanạ e ore kal᷊awọu wansa mạngělikụ e. Tau Yehuda ringangu manga wansa i pělẹ̌lampung e Takụ i pakawinasa ringangu Takụ i wala kaghagholange sarang marěngụ. Apan taumata kụ makasilo e sarung huměkosẹ̌ dingangu měngkawintogẹ̌. Iạ e kai MAWU, seng nẹ̌bisara.

¹⁰ Kal᷊awọu tingihi sire kụ maral᷊uasẹ̌ dingangu marameng sal᷊imbangu pẹ̌kakawing e Takụ i pěngědo. Si sire sarung tawẹ lana waugu sol᷊o e, ringangu gandung i sire e sarung masue.

¹¹ Kasěllahu wanua ene e sarung Takụ i wala kaghagholọ e ringangu walạ e pělahione. Manga wansa mạngělikụ e sarung měmpẹ̌samal᷊ẹ su ratuʼm Babel pitum pul᷊o su taunge karěngụ e.

¹²Bọu ene Iạ e sarung měhukung tau Babel dingangu ratune ual᷊ingu rosan sire e. Banuang Babel Takụ i pakaopehẹ̌ dingangu Takụ i wala kaghagholọ e sarang marěngụ.

¹³Babelẹ̌ e Takụ pahangengu kal᷊awọu hombang kụ seng Takụ i lẹ̌antagẹ̌ baugu manga wansa ringangu sen Takụ nihabarẹ̌ limiung Yeremia — kụ kai kěbị hombang kụ niwohẹ su ral᷊ungu bukẹ̌ ini.

¹⁴Kal᷊awọu kakanoạ u tau Babelẹ̌ sarung Takụ bal᷊isang; i sire e sarung i pẹ̌tahuěllangu apan datu ghaghaghuwạ dingangu kahiang bansa l᷊awọ e.’ ”

¹⁵MAWU, Ruatang Israel, nẹ̌bera si siạ, ”Al᷊ạko galasẹ̌ u anggorẹ̌ ini e kụ seng Takụ nilohoěngu anggoru ral᷊angehẹ̌-Ku. Bawạ e sarang patikụ bansa walạewe i kau sarang tampạ sude i kau Takụ i rolohẹ̌, kụ oroko i sire pěnginung anggorẹ̌ ini.

¹⁶Kereu i sire e měmpanginung ene, i sire e kai mẹ̌bẹ̌bal᷊insuhụ dingangu kẹ̌kailangengu tiněnna ual᷊ingu pẹ̌sasekẹ kụ Takụ niaparěnta waugi sire.”

¹⁷Iạ e měnarimạu galasẹ̌ u anggorẹ̌ ene wọu l᷊imang MAWU, ringangu makoạ sarang patikụ bansa e suapang MAWU e něndolohu iạ e, bọu ene iạ e napěnginung i sire anggorẹ̌ ene.

¹⁸Yerusalem dingangu kěbị soa su Yehuda e, ringangu manga ratu arau lai mapapangkatẹ̌ e, takụ nionggotangu anggorẹ̌ ene, hakịu i sire e nakoạ kere wimbaenge kụ mahusụ dingangu makạtatakụ. Sarang ěllo ini e areng i sire e nipakẹ baugu laane.

¹⁹Ini e kai rol᷊ẹ̌ u arengu taumata wal᷊ine kụ hinong měnginung bọu galasẹ̌ u anggoru MAWU ene: datung Misirẹ̌ dingangu manga sawohị dingangu manga mapapangkate; kěbị tau Misirẹ̌ e ringangu taumata raghị su Misirẹ̌ e; patikụ datu su wanuang Us; patikụ datung manga soang Pilistin su Askelon, Gasa, Ekron; kěbị taumata apang bědang biahẹ̌ su Asdod; patikụ tau Edom, Moab, dingangu Amon; patikụ datu su Tirus dingangu Sidon; patikụ datu su wiwihu Laudu Tal᷊oara; kal᷊awọu soang Dedan, Tema, ringangu Bus; patikụ taumata apang měmpạmotọ utạ e; patikụ datung Arabẹ̌; patikụ datung manga ghal᷊ipoho kal᷊aukang apang mạtanạ su wanua l᷊inggi; patikụ datu su Zimri, Elam, dingangu Madai; patikụ datu su sěmběkan sawěnahẹ̌, marau ringangu marani sěngkatau-sěngkatau. Kal᷊awọu wansa su kasěllahu wowon dunia ini e harusẹ̌ měnginung anggorẹ̌ ene. Dingangu taumata pěngěnsueěnge kụ harusẹ̌ měnginung anggorẹ̌ ene ute kai ratu(...)

²⁷Bọu e MAWU, nẹ̌bera si siạ, ”Pẹ̌berako su kal᷊awọu taumata ene, u Iạ e kai MAWU Kụ Limembong Kawasa, Ruatang Israel, něngoro si sire nipěnginung sarang niwukang dingangu nitahamuta. Takụ nipakanawo dingangu seng tawe nakapẹ̌bangung kạpia ual᷊ingu pẹ̌sasekẹ kụ Takụ niaparěnta si sire.

²⁸Dingangu kamagengu i sire e mạdiri mẹ̌narimạ u galasẹ̌ ene e, wọu l᷊imanu waugu měnginung anggorẹ̌ e, i werạe u MAWU Kụ Limembong Kawasa e seng nẹ̌parentang hal᷊ẹ̌ ene.

²⁹Iạ e sarung manětạu pěnggagholọ ene, su soa-Ku e hala. Kumbahangbe sarang i sire e měngěnna u i sire e tawe sarung i hukung. I sire e nal᷊ahẹ u sarung i hukung ual᷊ingu Iạ e sarung maparěntang pẹ̌sasekẹ su patikụ bansa e su kasěllahu wowon dunia ini. Iạ e, MAWU Kụ Limembong Kawasa, seng něhengetang.

³⁰Kěbị apan Takụ piněhengetang si kamene e, Yeremia, hinong i habaru. Pẹ̌berako si sire e, ’Tingihu MAWU e mẹ̌gẹ̌gaghal᷊ěgehẹ̌ bọu sorga; wọu katatanakengʼE kụ susi i Sie e ghụgal᷊ědụ u rumokạ umatʼE. Kal᷊awọu tumanạu dunia e nakaringihẹ̌ i Sie e němansagẹ̌ kere mělahal᷊ẹ̌ kụ měmpěměhạ anggorẹ̌ su tampạu pěmaměhaěng.

³¹Sarang pondol᷊u dunia tingihʼE němal᷊ěmbeng; MAWU nẹ̌koạ pěrkara waugu manga wansa. Patikụ taumata e sarung i hukung dingangu apang dal᷊akisẹ̌ e sarung i hukungu papate.’ ”

³²MAWU Kụ Limembong Kawasa e nẹ̌bera, ”Wọu manga pondol᷊u dunia e anging maihạ ghụgal᷊ědụ; hombang nahumagẹ̌ su manga wansa sěmbaụ-sěmbaụ e.”

³³Su ěllo ene maietu apan taumata kụ nipakawihuang MAWU e sarung měmpělimbatang su kasěllahu wowon dunia ini e. I sire e tawe sarung lungkaneng dingangu tawe hengketang mẹ̌deạu lẹ̌bingang, kaiso i wala kerene su ěntana e kere ěndukangu onasẹ̌.

³⁴Ei manga těmbonange, ei manga lukadu kawanuang MAWU e! Pěmpẹ̌lungkangke pakaihạ-ihạ! Pěmpẹ̌těngkal᷊unggịe su ral᷊ungu awul᷊ẹ̌ e, u kai seng narěnta tempone i kamene e pateěng, dingangu apang mal᷊iu e sarung i pẹ̌kal᷊iaesẹ̌. I kamene e sarung mẹ̌sul᷊ungu wěnsadẹ̌ maarěga e kụ manawo e ringangu mạběka.[14]

³⁵I kamene e nal᷊ahẹu tawe makakatal᷊ang.

³⁶I kamene e rụdal᷊umpasiang dingangu sụsangị u susa naung ual᷊ingu MAWU e su ral᷊ungu ral᷊angehʼE seng napakawinasang bansanu e ore napakagholọu wanuang kamene kụ mal᷊enehẹ̌ ene e.

³⁷

³⁸Mẹ̌sul᷊ungu singa siměbang bọu liange, kerene lai MAWU e siměbang baugu měhukungu umatʼE. Katatingkaịu pẹ̌sasekẹ e ringangu ral᷊angehu MAWU e seng němal᷊ui wanua ini e nakoạ banua l᷊inggi e.