Read Sangir YEREMIA 41 Bible Online

YEREMIA 41 - Sangir bible

YEREMIA 41

¹ Su wul᷊ang kapitune taung ene i Ismael anạ i Netanya ringangu pulung i Elisama rimal᷊eng sěngkaral᷊eng dingangi sire mapul᷊ong katau sarang Mizpa mẹ̌deạu mẹ̌sombang i Gedalya. (Ismael e kai sěngkatau turunangu ratu, sěngkatau wọu pěrwirang kararatuang marangẹ.) Těntal᷊ang i sire kěbị e wẹ̌dang kụkaěng sěngkakaěng,

²i Ismael dingangu i sire mapul᷊ong katau ene něnawụ pedan sire e ringangu němate si Gedalya, guběrnurẹ̌ kụ nihengkẹ u tau Babelẹ̌ ene.

³I Ismael němate lai patikụ tau Yehuda kụ ene ringang i Gedalya su Mizpa, ringangu patikụ sordadong Babel kụ natarang ene sene.

⁴Ěllo tuhụ e, kal᷊imonang pěmamate si Gedalya, kinasingkatengu taumata,

⁵diměntạ e i sire ual᷊um pul᷊o su kataune wọu Sikem, Silo ringangu Samaria. I sire seng něngul᷊ụ bianggụ, něnggaghehẹ pakeang, něngangěhị badang i sire. I sire němpẹ̌bawa gandung dingangu kamania, mẹ̌deạu i sěmba su Wal᷊em MAWU.

⁶Tangu siměbangke Ismael bọu Mizpa, kụ tamai nẹ̌sombang i sire. Apidu kạkiạ e, i sie nẹ̌bera, ”Wọete i kitẹ tamai kumakělla si Gedalya.”

⁷Tanararěnna sarětạeng i sire nahumpạen tal᷊oarang soa e, Ismael dingangu taumatane nanětạ e němate si sire. Kaiso mapul᷊o wọu tal᷊oaran sire e, nẹ̌bera si Ismael, ”Abe pate i kami! Si kami wědang piạ gandung gahị e rarua, lanang zaitun dingangu madu. Kěbị e niwuning kami e su l᷊ikudu soa.” Ual᷊ingu ene i Ismael tawe němate si sire, katewe apang bal᷊ine e nipate ringangu maieti sire e nirěmmẹ su ral᷊ungu sumu.

⁹Sumu ene ute kai sumu ghẹ̌guwạ kụ nikoạ u Ratu i Asa su tempong i sie nialoěng i Baesa ratung Israel.

¹⁰Bọu ene i Ismael něnamẹ manga sangiangu ratu ringangu kěbị taumata kụ bědang ene su Mizpa kụ seng nisarakang i Nebuzaradan su kasingkạ i Gedalya. Ismael něnaweng si sire wọu ene nẹ̌buạ dingang i sire nẹ̌timona ěntanang Amon.

¹¹I Yohanan anạ i Kareah, ringangu kěbị pěrwira kụ sěngkapẹ̌daringihẹ̌ hal᷊ẹ̌ u karal᷊akisi Ismael.

¹²Tangu i sire ringangu manga taumatan sire tamai němpěnahusu si sie, ringangu nakaěbạ si sie su mal᷊ang Gibeon masaria.

¹³Nakasilo si Yohanan dingangu manga pěrwira ene němpahunděnta, apan tawengi Ismaelẹ̌ e enẹ e mal᷊uasẹ̌,

¹⁴bọu e němpẹ̌sul᷊e kụ němpẹ̌tal᷊ang naněnsomahẹ̌ buntuang i Yohanan.

¹⁵Arawe i Ismael dingangu taumatane nakal᷊ěsọ kụ, dingangu nakatal᷊ang sarang banuang Amon.

¹⁶Bọu ene i Yohanan dingangu manga pěrwirane něnampungu manga prajuritẹ̌, manga wawine, manga rariọ, dingangu manga sawohị u istana kụ nitaweng i Ismael samurin němate si Gedalya.

¹⁷I sire kěbị něngkatakụ su tau Babel, ual᷊ingu i Ismael seng němate si Gedalya kụ nạung nihengkẹ u ratuʼm Babel nakoạ guběrnurẹ̌ u wanua ene. Kụ i sire timal᷊angu watangeng i sire e sarang Misirẹ̌. Kạpahundal᷊enge, i sire němpěngirul᷊e su Kimham, su rěduhu Betlehem.