Read Sangir YEREMIA 43 Bible Online

YEREMIA 43 - Sangir bible

YEREMIA 43

¹Angkuěngu MAWU, Ruatang Israel, kụ harusẹ̌ takụ i habarẹ̌ su kawanua sen takụ nihabarẹ̌ kěbị.

²Bọu ene i Azarya anạ i Hosaya ringangi Yohanan anạ i Kareah ringangu kěbị taumata wal᷊ine kụ mal᷊aobotẹ̌ ene e nẹ̌bera si siạ, ”I kau e makonti. MAWU Ruatang kami e tawe něngoro si kau pẹ̌sěding i kami mẹ̌deạu patamai pẹ̌tanạ su Misirẹ̌.

³I Barukh anạ i Neria ene e seng něnahowong si kau mẹ̌deạ u pěndokạ si kami, tadeạu tau Babelẹ̌ e mẹ̌kawasa si kami ringangu makapate arau měhengkẹ i kami sarang Babel.”

⁴Baẹbe i Yohanan arau kěbị pěrwira ringangu kawanua mạdiri tumuhụ laoroʼm MAWU mědeạu pẹ̌tanạ su Yehuda.

⁵ I Yohanan dingangu kěbị pěrwira ene nẹ̌bawa sarang Misirẹ̌ apan taumata kụ bědang ene su Yehuda, kerene lai kěbị taumata kụ seng nẹ̌sul᷊e wọu wanua wal᷊ine tampạ i sire nakeke.

⁶Esẹ, bawine, manga rariọ, dingangu manga sangiangu ratu kụ nisarakang i Nebuzaradan, su kasingkạ i Gedalya, nasowa l᷊ai iạ dingang i Barukh, kěbị e niwawa sarang Misirẹ̌.

⁷I sire e rimokạ parentaʼm MAWU, kụ nakoạ sarang Misirẹ̌ sarang karaung soang Tahpanhes.

⁸Paị sene MAWU e něhengetang si siạ,

⁹”Pěngal᷊ạko manga watu ghaghuwạ, kụ suangko su ral᷊ungu ěntana su těngon tukadu sasuěkang sarang godoěngu těmbonangu kawanua soa ene. Koạko tadeạu tau Yehuda e makasilo si kau mẹ̌koạ hal᷊ẹ̌ ene.

¹⁰Bọu ene paul᷊ịko si sire u Iạ, MAWU Kụ Limembong Kawasa, Ruatang Israel, sarung maparěntang ěllang-Ku i Nebukadnesar, ratuʼm Babel sarang tampạ ene. Kụ su wowong manga watu kụ nisuangu su ral᷊ungu ěntana ene, i sie sarung mapararisị u kararatuange ore lai měmatedu tentang kararatuange.

¹¹I Nebukadnesar sarung duměnta kụ měmatạ Misirẹ̌. Dingangu taumata kụ seng nitantu waugu mate ual᷊ingu sahindạ ute sarung mate ual᷊ingu sahindạ. I sire kụ seng nitantu waugu hengketang kere tinaweng sarung hengketang kere tinaweng, dingangu apan nitantu waugu mawihua su pẹ̌seketange sarung mawihua su pẹ̌seketang.

¹²Iạ[25] sarung maparěllịu putung su manga pěnanal᷊eěng su manga mahang duata su Misirẹ̌, dingangu ratuʼm Babel sarung měnutung kal᷊awọu tul᷊adang manga mahang duata su manga pěnanal᷊eěng arau měhengkẹ sarang banuane. Mẹ̌sul᷊ungu sěngkatau měndal᷊ukadẹ̌ mạmurěsi pakeange wọu kutu, kerene lai ratuʼm Babel sarung mangěmụ Misirẹ̌ bọu e sarung mẹ̌buạ kapia ringangu selain tawẹ apa měnanahaghene.

¹³Manga rihiʼn tul᷊ada su Heliopolis[26] su Misirẹ̌ e, sarung gagholokang, kụ bọu manga rihing manga tul᷊ada su Misirẹ̌ e takụ tutungang pakasue.”