Read Sangir YEREMIA 45 Bible Online

YEREMIA 45 - Sangir bible

YEREMIA 45

¹ Su taung kaěpạ e pẹ̌paparentan Yoyakim anạ i Yosia su Yehuda, i Barukh němohẹ u apan takụ pakị daringihe si sie. Buhụ e iạ měhabarẹ̌ si sie

²baweraʼm MAWU e, Ruatang Israel. MAWU e nẹ̌hengetang, ”Barukh,

³i kau e kụkakindoạ kirini, ’Ah, apạ e kasoe iạ ini! Kasasigěsạku e enẹ e mal᷊awọ, ringangu MAWU e něnambang lai sigěsạ. Iạ e seng narul᷊ěpe kimakindoạ, mamben tawẹ apa kạdiongeng tiwạ e!’

⁴Ei Barukh! Iạ e MAWU, kạpěngẹ̌ngopehe apan sen Takụ niwangung, dingangu kạpěngẹ̌ngěbụ e apan sen Takụ nisuang. Kasěllahu dunia e sen Takụ kinoạ kerene.

⁵Unụ e i kau e mẹ̌měnningu kẹ̌kapiaěng? Kumbahang kerene Barukh! Kal᷊awọu taumata e Takụ i hukungu hombang, kaiso mạanung kau e, mamben tawẹ dal᷊enge wal᷊ine e i kau e sarung masal᷊amatẹ̌. Baewe sarang apa i kau e, kai mang tatapẹ̌ biahẹ̌. Iạ e kai MAWU kụ seng něhengetang.”