Read Sangir DAL᷊ĚMPASIANG 3 Bible Online

DAL᷊ĚMPASIANG 3 - Sangir bible

DAL᷊ĚMPASIANG 3

¹Seng iạ e taumata kụ bọu nakapěndang sunsara ual᷊ingu kinahinoěngu ral᷊angehu Ruata.

²Kakạdaune iạ e sẹ̌suhudangʼE sol᷊ong dal᷊ungu tampạ marěndung pinẹ̌kětunge.

³Iạ e měngkai hanesẹ̌ bẹ̌bẹ̌bahenge, kanandung ěllo e tạ kadiongeng tatal᷊ěntụ e.

⁴I Sie napakariading badangku e naral᷊esẹ matědụ kụ manga ruhiku e napapědi.

⁵I Sie nělikụ u susa naung dingangu sigěsạ e si siạ.

⁶Iạ e nisihasanʼE nipẹ̌tanạ su ral᷊ungu kararěndung kere taumata nate su tempo nạung napaghohẹ̌.

⁷Dingangu wawěntunge matoghasẹ̌ e tangu nịlaikịʼE iạ, hakị u tawẹ apa ral᷊eng mẹ̌deạu iạ e makakasěbang.

⁸Iạ e sụsiki mědẹ̌dorong tul᷊ung, kaiso Mawu Ruata e mạdiri rumaringihẹ̌.

⁹I Sie měnẹ̌nahaghe ral᷊engku e ringangu manga meselẹ̌ batu.

¹⁰Kere běruang i Sie mạngampal᷊ẹ̌, kere singa, i Sie mělẹ̌hěgạ si siạ e.

¹¹Sẹ̌sahusuangʼE iạ e sarang mělenga wọu ral᷊eng, bọu e iạ e gẹ̌gaghehekang dingangu tẹ̌těntangeng.

¹²I Sie měngěngěnạu papitịʼE, ringangu mapakariading iạ e pěnarangengu horom papitịʼE.

¹³Horom papitịʼE tụtěpasu wadangku e, sarang makasusụ pẹ̌pusoku.

¹⁴Kanandung ěllo iạ e lẹ̌lěgeěng u kěbị taumata, kụ kẹ̌koateng bisarang pěnanindirẹ̌.

¹⁵Kětạeng sunsara nionggọʼE si siạ makoạ kaěngku ringangu inumangku.

¹⁶Gatiku e kẹ̌kasaěngʼE su ěntana, isiku e tẹ̌tanggutangʼE su watu sarang pakapědị.

¹⁷Seng marěngụ iạ e ta nakapěndang karal᷊unsemahẹ̌; seng miwul᷊e iạ měnsang kereapa pěndangu mal᷊unsemahẹ̌ e.

¹⁸Si siạ e sen tawẹ lai kawawantugẹ̌, kụ napuạ e pělaharapẹ̌ku su MAWU.

¹⁹Mẹ̌tiněnnang daral᷊eng dingangu soeku e ute tabidạu kụkaěng doti mapapaị e.

²⁰Měngkate hanesẹ̌ hal᷊ẹ̌ ene takụ tiněnnaěng, hakị u naungku e měngkai apạ ikẹ̌katělidẹ̌.

²¹Manimbeng kerene pělaharapẹ̌ku e mẹ̌bangung kapia, piạ e iạ mẹ̌tẹ̌tahěndung hal᷊ẹ̌ ini:

²²Kakěndagu MAWU e tawẹ pangěnsueěnge, tatal᷊ěntụʼE tawẹ kasueěnge,

²³mambeng hanesẹ̌ buhu apang kamal᷊ukadẹ̌ e, MAWU e masatia kahěngang!

²⁴MAWU e ute kai arětạku samatang. Ual᷊ingu ene, iạ e mělẹ̌harapẹ̌ si Sie.

²⁵MAWU e mapia su taumata kụ mělẹ̌harapẹ̌ si Sie, ringangu su taumata kụ mědẹ̌deạ si Sie.

²⁶Kụ mapiawe i kitẹ měngampal᷊ẹ̌ pakatatapẹ̌ sarang MAWU e ruměnta měngonggọu tul᷊umang;

²⁷mapiawe i kitẹ měngěndung mẹ̌dararagẹ̌ su tempong bědang mangudạ.

²⁸Su tempong MAWU e nẹ̌gěllịu sigěsạ e, mapiawe i kitẹ mạiang sěsa pakarěmmasẹ̌.

²⁹I kitẹ e mapiawe mẹ̌těngkasanạ u watangeng kụ měnarakang, batụ u i sai masingkạ bědangbe piạ harapang.

³⁰Maningbe peruang dingangu hinakaneng, mapiawe kěbị ene e tarimakeng i kitẹ e.

³¹Watụ u MAWU e tawe měnuhudʼi kitẹ e sarang marěngụ-děngụ.

³²Sarangke i Sie nẹ̌gěllịu kasasigěsạ e, i Sie mal᷊aing kụkěndagẹ̌, ual᷊ingu i Sie mang tatapẹ̌ kụkěndagʼi kitẹ e, dingangu kakěndagẹ̌ tawẹ apa kẹ̌takenge.

³³I Sie tawe měngkai mapakawalang kitẹ e masunsara ringangu naung pakasusa.

³⁴Kereu himukudʼi kitẹ e kẹ̌kaẹ̌pisang su ral᷊ungu tahungkụ e,

³⁵kereu i kitẹ e kailangengu wuạ e kụ nionggọu MAWU,

³⁶ual᷊ingu kạadilẹ̌ e nipẹ̌kakal᷊iu, nal᷊ahẹu MAWU e masingkạ u ene ringangu mang tụtitị.

³⁷Kereu MAWU e tawe mapulung apa-apa e, nal᷊ahẹu taumata e tawe makakoạ manga apa waugu ene.

³⁸Mapia arau ral᷊akị e rẹ̌dal᷊engang kětạeng ual᷊ingu laorom MAWU e.

³⁹Unụ e taumata kawe harusẹ̌ lụl᷊ahunsusa e tangu? kereu i sie ihukung ual᷊ingu manga rosane? [2]

⁴⁰Mapiawe i kitẹ e měnanẹ̌suiko pẹ̌bawiahʼi kitẹ e, ringangu mẹ̌sul᷊e sol᷊ong anum MAWU Ruata su sorga. Bọete i kitẹ měmuka naung dingangu mẹ̌kal᷊iomaneng,

⁴¹

⁴²”I kami e nẹ̌dosa ringangu nělibutu si Kau, MAWU, kụ i Kau e tawe nẹ̌gěllịu kal᷊aampung.

⁴³I kami e sẹ̌sahusuang dingangu pẹ̌pateěngʼU, kakěndagʼU e kạbawuni su ral᷊ungu ral᷊angehʼU.

⁴⁴Dal᷊angehʼU e mẹ̌sul᷊ungu winawa masuwene-suwenehẹ̌ hakị u tawe katẹ̌telangu manga raroang kami e.

⁴⁵I kami e seng kinoạʼU kere onasẹ̌, su mata su kạguwạu dunia.

⁴⁶I kami e lẹ̌hinakanengu kal᷊awọu sědụ i kami e ringangu lělẹ̌geěng;

⁴⁷i kami e lẹ̌hombangengu silakạ dingangu kawawihua, ore lai měbẹ̌biahẹ̌ su ral᷊ungu hombang dingangu katatakụ.

⁴⁸Akẹ u mataku e lụelehẹ̌ kere sal᷊ụ ual᷊ingu bansaku e seng nawihua.

⁴⁹Iạ e sarung sumangị tawẹ kahěpusange,

⁵⁰sarang i Kau, o MAWU su sorga e tumatingang si kami.

⁵¹Naungku e nasusa nakasilo pẹ̌bawiahu manga wawine su soang kami.

⁵²Mẹ̌sul᷊ungu manụ u winalangeng, iạ e sẹ̌sahusuangu sekẹ kụ tawẹ alasangu mẹ̌binsị u iạ.

⁵³I sire měmẹ̌munsal᷊u iạ e wiahẹ̌ sol᷊ong dal᷊ungu pahighi mamara, bọu e iạ e lẹ̌ambungangu watu.

⁵⁴Akẹ e mẹ̌bẹ̌bawị sarang těmbọku, kụ iạ e mạngěnna u, — ’Nasuẹ e wẹ̌keng iạ e!’

⁵⁵O MAWU! iạ e gụgahiorọ si Kau, wọu wal᷊ang pahighi maral᷊ung ene e.

⁵⁶Iạ e mẹ̌dẹ̌dorong sěngapam botonge abe pěnakạ tul᷊i-Nu e baugu kakindoạku e tadeạu i Kau e mẹ̌tul᷊ung u iạ. Tangú kakal᷊iomanengku e raringihangʼU e wue, kụ i Kau e ramahi mẹ̌těngkarani; i Kau e něhengetang, ’Abe ghaghiantang.’

⁵⁷

⁵⁸I Kau e riměnta mẹ̌tatětol᷊u pěrěkaraku e MAWU! niawaku e sen niapakasal᷊amatʼU.

⁵⁹I Kau e nakasilo karal᷊akisẹ̌ kụ nikoạ baugu iạ, karakin sekẹ kụ dal᷊akisẹ̌ e mẹ̌bẹ̌binsị u iạ e. Ual᷊ingu ene MAWU! tatawange wue pěrěkaraku e.

⁶⁰

⁶¹I Kau e MAWU, makạdingihẹ̌ si siạ e lẹ̌hinakaneng; i Kau e masingkạ u patikụ karakin sire e.

⁶²I sire e měmpạhumbisara mạanung iạ e kanandung ěllo. Mědeạu mapakasilakạ u iạ e i sire mẹ̌kẹ̌koạ karaki mẹ̌tingkaị.

⁶³Bọu mal᷊ukadẹ̌ sarang hěbi, iạ e kẹ̌koateng parahul᷊ěge.

⁶⁴Hukungko i sire pẹ̌takạeweng kakanoạ i sire MAWU!

⁶⁵Aneiko i sire, kụ balạekere i sire e kạtatanạ su ral᷊ungu ral᷊ěmpasiang.

⁶⁶Sahusueko ringangu pakawinasako i sire kěbị, sarang i sire nasue tawẹ dise wọu dunia.”