Read Sangir YEHEZKIEL 27 Bible Online

YEHEZKIEL 27 - Sangir bible

YEHEZKIEL 27

¹MAWU Kụ Limembong Karangetange něhengetang si siạ, ”Ei taumata wal᷊ine kakalẹ̌, pẹ̌kantarịkong kakantarị u pěndal᷊ěbing ini e waugu Tirus, soa su raruruhange kụ mẹ̌dẹ̌dagang dingangu tumanạu patikụ daruruhange: Tirus, i kau ringangu kararangẹ u naungu e nẹ̌bera u, ’Kal᷊aholẹku e mamben nasukụ!’

⁴Si kau e taghal᷊oang al᷊ingkai wal᷊e. Kụ nipětị kere kapal᷊ẹ̌ mapapaelẹ̌.

⁵Darěndungu e wọu kakaluangu arasẹ̌ Wul᷊udu Hermon, palalahengu e kalun cěmara wọu Libanon.

⁶Manga ral᷊ungu e kinoạ bọu kakaluang gaghuwạ su Basan. Bal᷊ahuangu kapal᷊u e kinoạ bọu kalun cěmara, wọu tahanusang Siprus asal᷊e, ral᷊ẹ̌gahe nitaha wọu sunge maral᷊ẹ̌gadẹ̌.

⁷Senggọ dingangu tatialang pẹ̌kiral᷊aěngu e wọu leneng koạu Misirẹ̌, bọu haghin sujị. Maal᷊usẹ̌ kahěngang kakakoạu manga tentanu, hekạ e wọu tahanusang Siprus awạ e kamumụ.

⁸Měndaralungu e wọu Sidon dingangu Arwad. Masanaenu hala e kai tahapotọ loange, wawahani.

⁹Manga tukangu kalu kụ mělẹ̌hal᷊ẹ̌ su kapal᷊ẹ̌ e kai apan tahamunara wọu Gebal. Kai wọu apaʼm banua kapal᷊ẹ̌ mạhunděnta mẹ̌deạu makapahumbal᷊ụ.

¹⁰Manga tahapẹ̌sekẹ bọu Persia e, Lidia ringangu Libia e natakidẹ̌ dingangu wuntuangu pẹ̌seketangu. I sire měmpẹ̌nang e u kěllung dingangu sapeọ i sire uada e su manga meselu soanu e. I sire selaing lụontol᷊ẹ̌ měmatạ kal᷊awọu rokạ mẹ̌deạu sahuneng tumeleng.

¹¹Buntuangu pẹ̌seketang bọu Arwad měmpẹ̌dẹ̌dal᷊ukadẹ̌ su manga meselu soa e; apạeweng měnara e lẹ̌lukadengu tau Gamad. Kěllung i sire e mạsasangẹ mẹ̌tẹ̌tente su meselu e. Seng i sire e mạpakasukụ u kal᷊enggihu e.

¹²I kau e mẹ̌bẹ̌bal᷊ụ manga apal᷊iwụu mạhěmpal᷊iung kal᷊awọe su Spanyol, kụ nakoạ kere wawaehe tangú i kau e měnẹ̌narimạ u sal᷊aka, uase, timběha mawira, ringangu timběha mitung.

¹³I kau e mạhumbal᷊ụ su Yunani, su Tubal, dingangu su Mesekh, dingangu nakoạ bawaehe tangu i kau e nakatarimạ bọi sire manga ěllang, dingangu manga apal᷊iwụ bọu witụ.

¹⁴I kau e měnẹ̌nal᷊iung apal᷊iwụu ringangu kawal᷊ong kareta, kawal᷊o sasakeěng dingangu wagal᷊ẹ̌ bọu Bet-Togarma.

¹⁵Tumanạu Rodus[58] měmpạhumbal᷊ụ lai ringangu, mase tumanạu wanuan daruruhange měmpamělli apal᷊iwụ bal᷊ụu ringangu sunge ore lai kalu mitung.

¹⁶Apam mal᷊ahumbal᷊ụ bọu wanuan Siria e měmpamělli apal᷊iwụ bal᷊ụu e ringangu manga wuan saghedu mal᷊awọ ene. I sire e mạmaehu paramata wọu watuʼm paramata ido, hekạ kamumụ, hekạ piạ sujịe, leneng al᷊usẹ̌, paramata wọu kohasẹ̌ gaghuwạ dingangu watu mahamụ kere kahamụu wuan dělima.

¹⁷Yehuda ringangu Israel měnẹ̌nal᷊iung apal᷊iwụ bal᷊ụu e ringangu gandung, madu, lanan zaitun, dingangu mangạ e rampa.[59]

¹⁸Tumanạu Damsyik němpěmělli apal᷊iwụ bal᷊ụu e ringangu manga patikụ ěbạu e kụ baehangu anggorẹ̌ bọu Helbon, rukụ u domba wọu Sahar, uase sěsal᷊ẹ̌, dingangu manga rampa.[60]

²⁰Tumanạu Dedan, měmaehẹ̌ apal᷊iwụu ringangu manga hekạ laěmping kakaianeng su wowong kawal᷊o e.

²¹Tau Arabẹ̌ dingangu apang měngangawasa ěntanang Kedar němpěmělli manga apal᷊iwụ dingangu anạ u domba, domba esẹ dingangu kambing, baugu měmělli manga apal᷊iwụ u mal᷊ahumbal᷊ụ bọu Syeba ringangu Raema nẹ̌bawa manga paramata, wul᷊aeng dingangu manga rampa kapiaěnge.

²³Manga soang Haran, Kane, Eden, mal᷊ahumbal᷊ụ bọu Syeba, manga soang Asyur dingangu Kilmad, kěbị e mạhumbal᷊ụ dingangu e.

²⁴I sire měmpẹ̌bẹ̌bal᷊ụ pakeang maral᷊ěnggihẹ̌ e, hekạ mahamụ kamumụ, hekạ piạ sujị e, bawilạ maral᷊enggihẹ̌ e mẹ̌kẹ̌kananginang, dingangu haghin tal᷊i matatoghasẹ̌ e.

²⁵ Apal᷊iwụ bal᷊ụu e i wawa ringangu ghihingangu kapal᷊u ragang gaghaghuwạ e, I kau e al᷊ingkai kapal᷊ẹ̌ kụ natihubẹ̌ lurange, kapal᷊ẹ̌ kụ mạmotọ loange.

²⁶Apang mẹ̌daralunge mẹ̌bawa si kau e sarang taghal᷊oang. I kau e humagengu angingu raki e mẹ̌tondaisẹ̌ e.

²⁷Kal᷊awọu apal᷊iwụ bal᷊ụ lurangu e, apạeweng tahasakaeng dingangu manga timbangu e, kal᷊awọu apang tukangu kalu e, ringangu mal᷊ahumbal᷊ụu e, apang sordado su kapal᷊ẹ̌ ene e, i sire ene kěbị e nailang nal᷊emisẹ̌ su tempong i kau e nẹ̌pal᷊intakubẹ̌.

²⁸Tahasakaengu e měmpẹ̌kẹ̌kiaratagu takụ sasikin sire e piạ bal᷊ěmbenge su manga wiwihu apeng.

²⁹Ini e kapal᷊ẹ̌ e seng nitěntang, kěbị apan tahasakaengu e seng nasue nahunsohọ němpẹ̌deạ dul᷊unge.

³⁰I sire e měmpạhunsangị u pẹ̌bawiahu e, rụdal᷊umpasiang, sụsangị dingangu rụdal᷊airo. I sire měmpěnẹ̌nawuhu awul᷊ẹ̌ su těmbọ dingangu měmpẹ̌tẹ̌těngkal᷊unggi su ral᷊ungu awul᷊ẹ̌ tatialang měmpělẹ̌lutu.

³¹Ual᷊ingu i kau e i sire němpělungguhẹ̌ těmbọ i sire e, měmpẹ̌pakẹ u kahiwun sire e karong napenẹ u susa naung. I sire e měmpạhunsangị u susa naung dingangu lụhuangu kakakoạ u pẹ̌bawiahu.

³²Wọu e i sire měmpẹ̌kẹ̌kantarị u kakantarịu pěhampugang. ’Tirus, kai i sai makaal᷊ung si kau? Tirus su laudẹ̌ i kau e orasẹ̌ ini e němou.

³³Su tempong taghal᷊oange lẹ̌liuangu ringangu lurangu e natihubu ral᷊ohone, niapakawatụ u e kapuluʼm manga wansa e; mararatu e mal᷊aing pinakariadinu e kalạ.

³⁴Ini e i kau seng nawul᷊usẹ̌, nahenẹ su wěntaʼn laudẹ̌. Kal᷊awọu tumatimbangu e ringangu kal᷊awọu lurange nasue nailang dingangu su tal᷊oarang laudẹ̌ e.’

³⁵Kal᷊awọu taumata apan natěntang su wiwihu apenge ghụgěnggang u nakaringihẹ̌ kakakoạu pẹ̌bawiahu e. Manga ratun sire e mal᷊aing něngkawintogẹ̌; katatakụ e mạl᷊ahẹ̌ su manga ghatin sire e.

³⁶I kau e mapuạ tawẹ dise sarang marěngụ-děngụ. Mal᷊ahumbal᷊ụ su kasěllahu dunia e nasěsahẹ̌ kahian takụ e sarung makahombang kakakoạ e mẹ̌sul᷊ung ene.”