Read Sangir YEHEZKIEL 35 Bible Online

YEHEZKIEL 35 - Sangir bible

YEHEZKIEL 35

¹ MAWU e něhengetang si siạ,

²”Ei taumata wal᷊ine kakalẹ̌, aneiko wanuang Edom!

³Paul᷊ịko su apan tumanạ e apang kụ Iạ e MAWU Kụ Limembong Karangetange seng něhengetang si sire, ’Iạ ini e sědụ u, e i kamene ral᷊ohong bawul᷊urangu Edom! Ěntananu e sarung Takụ i pakariadi makạl᷊airo tạ taune, ringangu manga soanu sarung makoạ ěnạ e. Tangu nasingkạ e i kamene u Iạ e kai MAWU.

⁵Dokeng nạung kal᷊imona e i kamene mạnědụ Israel dingangu mapakạwalan sire e potokang su tempong i sire e kahombangengu silakạ kere hukumang pěngěnsueěnge waugu rosan sire e.

⁶Ual᷊ingu ene, waugu Iạ Duata kụ biahẹ̌, MAWU Kụ Limembong Karangetange, papate ene wuạu, ringangu i kamene e tawe makakatal᷊ang bọi sie. I kamene seng nẹ̌sal᷊a watụ u[72] nẹ̌koạ pěmamate, tangu pěmamate ene mal᷊aing sarung měnahusu si kau.

⁷Manga soanu e su wawul᷊urangu Edom sarung Takụ i pakariadi tawẹ taune kụ apan taumata kụ lumiu sene Takụ pateěng.

⁸Manga wul᷊ude sarung Takụ takatengu manga kasuang i kamene, manga wukide ringangu manga wal᷊ane Takụ peneěngu kasuang suwụu sekẹ.

⁹Banuanu sarung Takụ i pakariadi wanua l᷊inggi sarang marěngụ-děngụ, dingangu manga soanu e tawe lai sarung pẹ̌tanakengu taumata. Tangu nasingkạ e i kamene u Iạ e kai MAWU.

¹⁰I kamene e nẹ̌bera u baewe Yehuda arau Israel dingangu ěntanane sěmbaụ-sěmbaụ e ene kai tataghuanengu, ringangu i kamene e kai sarung měnaghuang ene e manilaing Iạ e MAWU kai Ruatan sire e.

¹¹Ual᷊ingu ene, waugu Iạ e, Ruata kụ biahẹ̌, MAWU Kụ Limembong Karangetange, Iạ e sarung měmal᷊isẹ̌ une si kau, ual᷊ingu i kamene kai němpẹ̌pědu, sụsingking dingangu mạběnsingu umatẹ̌-Ku. I sire e sarung masingkạ u i kamene Takụ i hukung ual᷊ingu pẹ̌kakoạ i kamene e si sire.

¹²Tangú nasingkạ e i kamene u Iạ e MAWU seng nakaringihẹ̌ laheghesi kamene su tempong i kamene nẹ̌bera u: Manga wawul᷊urangu Israel seng nakoạ tawẹ taune ringangu nisarakang nakoạ batạ i kitẹ.

¹³Ei tau Edom, i kamene e mataghunalangu mohong dingangu wisarang kamene e mal᷊aobotẹ̌ si Siạ. Iạ e seng nakaringihẹ̌ kěbị ene.

¹⁴Iạ e MAWU Kụ Limembong Karangetange nẹ̌bera: Kasěllahu dunia e sarung mal᷊uasẹ̌ su tempong kasěllahu wanuang kamene e Takụ i pakariadi tampạ tạ taune,

¹⁵kerẹewe i kamene e mal᷊uasẹ̌ su tempong i kamene makasilo Israelẹ̌ e tataghuaneng-Ku e mariadi tawẹ taune. Manga wul᷊udu Seir, sarang kal᷊awọu ěntanang Edom, sarung makoạ tawẹ taune. Tangu kěbị taumata e sarung masingkạ u Iạ e kai MAWU.’ ”