Read Sangir YEHEZKIEL 36 Bible Online

YEHEZKIEL 36 - Sangir bible

YEHEZKIEL 36

¹MAWU e něhengetang, ”Ei taumata wal᷊ine kakalẹ̌, pẹ̌bisarako su manga wawul᷊urangu Israel dingangu pěngoroko si sire pẹ̌daringihẹ̌ hengetangu MAWU Kụ Limembong Karangetange,

²’Su tempoʼm patikụ bansa mạngělikụ e měnekẹ dingangu měhampasẹ̌ si kamene e, i sire e seng něhinakang kasěllahu Israelẹ̌ e. Dingangu mal᷊uasẹ̌ i sire e nẹ̌bera u orasẹ̌ ini e apaʼm bongkone nạung kal᷊imona e nakoạ tataghuaneng i sire e. Ual᷊ingu ene, ei manga wul᷊ude ringangu manga wongkone, manga songe, ringangu wal᷊ane, ei manga soane, kụ seng nakoạ manga opehe ringangu seng nipahuntěntangu apan dal᷊ohone, mase nihampasẹ̌ dingangu lẹ̌heghesangu manga wansa mạngělikụ e, daringiheko apan niwerang MAWU Kụ Limembong Karangetange si kamene: Su sasongkangu ral᷊angehẹ̌-Ku, Iạ něněngkul᷊ẹ̌ patikụ bansa mạngělikụ e, něngalembọ e i kau e Edom, u i sire e ringangu mal᷊uasẹ̌ kutẹu lai piạ lulune mělẹ̌hinakang, kụ seng němpěmul᷊aho ěntana-Ku dingangu němpěhampasẹ̌ manga wimbaengu rěmpuge. Ini e Iạ seng lumangehẹ̌ dingangu měngalo ual᷊ingu manga wansa ene sen tumanị e něhinakang dingangu napakasanạ i kamene.

⁴

⁵

⁶

⁷Iạ e MAWU Kụ Limembong Karangetange nẹ̌salu, u manga wansa mạngělikụ si kamene e sarung lai hinakaneng.

⁸Arawe si kamene e Takụ i wera su manga wul᷊ude su Israelẹ̌ e, manga kakaluangu e sarung měmpẹ̌tumbal᷊ẹ̌ dingangu l᷊ai mẹ̌bua kạpia, waugu umatẹ̌-Ku Israelẹ̌ e kụ seng lighạ měngkapul᷊ẹ.

⁹Iạ e ene su sěmběkanu ei Israel, dingangu Iạ e měnahutěngadẹ̌ u ěntananu e sarung pacolang kapia, ringangu sawuhangu wine.

¹⁰Iạ e sarung mapahuntinambang kal᷊awọ e umatẹ̌-Ku Israelẹ̌ e. I sire sarung měmpẹ̌tanạ su manga soa dingangu měmangung kạpia kal᷊awọu manga ěnạu kinaopehang.

¹¹Tumanạ e ringangu manga binatangu e sarung Takụ pakatamba, hakịu makoạ mal᷊awọ-l᷊awọ něngalembong kal᷊awọ e wọu kal᷊imona, dingangu i sire e sarung měhanạ mẹ̌pulung mal᷊awọ. I sire e sarung mẹ̌biahẹ̌ paị sene kere nạung kal᷊imona, ringangu Takụ i pakariadi wiahe tawe kakawusange, kerẹewe nạung bědang tawe kinạhombangeng i kamene. Tangu nasingkạ e i sire u, kai Iạ e MAWU.

¹²Umatẹ̌-Ku Israelẹ̌ e, sarung Takụ iwal᷊ị kạpia, waugu i pẹ̌tanạ su wanuane kapia. Ěntana ene sarung makoạ tataghuaneng i sire hala, ringangu sarung hanesẹ̌ měngonggọu ghẹ̌sine hakịu manga anạ i sire e tawe lai sarung maten lunusẹ̌.’

¹³Iạ e MAWU Kụ Limembong Karangetange něhengetang, ’Mambeng těngadẹ̌ ěntana ini e nionggotangu sasunggahị e kumakinạ taumata, dingangu mělahampasẹ̌ manga anạ u — apaʼm bansa kụ měmpẹ̌tẹ̌tanạ e.

¹⁴Arawe nanětạ bọu orasẹ̌ ini e ěntana ene tawe lai sarung kuminạ taumata arau měhampasẹ̌ manga anạ i sire e. Iạ e MAWU Kụ Limembong Karangetange seng nẹ̌bisara.

¹⁵Tawe wahal᷊uasu lai ěntana ini e makaringihẹ̌ lahinakangu manga wansa arau měnal᷊udẹ̌ lahinakangu taumata. Ěntana ini e selain tawe sarung i pěngěnsue wansa kụ apan seng nakoạ tumanạ e. Iạ e MAWU Kụ Limembong Karangetange, seng nẹ̌bisara.’ ”

¹⁶MAWU e něhengetang si siạ,

¹⁷”Ei taumata wal᷊ine kakalẹ̌, piạ e tau Israel mạtanạ su wanuan sire hala e, i sire seng napakatelorẹ̌ dingangu kakanoạ ore lai lulun sire e. Iạ e mẹ̌pẹ̌panda lulun sire ene e hinong i pẹ̌tẹ̌tělling, mẹ̌sul᷊ungu manga wawine kụ dẹ̌dal᷊engangu raha e.[73]

¹⁸Takụ nipakatompẹ dal᷊angehẹ̌-Ku e si sire ual᷊ingu i sire seng tumanịu masau měmate su ěntana ene, masene relain napakal᷊amuhụ ual᷊ingu manga mahan duatan sire e.

¹⁹I sire e Takụ i hukung tuhụewe kakakoạu pẹ̌bawiahẹ̌ dingangu lulun sire e, wọu ene i pẹ̌kal᷊iaesẹ̌ sarang manga wanuan tau raghị.

²⁰Baewe sarang apa ral᷊engang i sire e, i sire e měngkate hanesẹ̌ mapakạsamedu areng-Ku susi e. Batụu apan taumata e mẹ̌bẹ̌bera kere ini, ’Bansa ini e ute kai umatu Ruata, katewe i sire e harusẹ̌ měněntangu ěntana kụ nionggọu Ruata e si sire.’

²¹Iạ e masingkạ batụu areng-Ku kụ susi e seng pinakateloru apan tau Israelẹ̌ e baewe i sire sarang manga apa.

²²Ual᷊ingu ene, paul᷊ịko apan Takụ piněhengetang bọu Iạ e MAWU Kụ Limembong Karangetange, su tau Israel, ’Apang kụ hědon sarung Takụ koatenge wal᷊inewe kawe ual᷊ingu i kamene, ei taumatang Israel, kaiso kawe ual᷊ingu areng-Ku e susi, kụ seng pinakal᷊amuhụ i kamene e walạewe měnsang makoạ sarang apa.

²³Iạ e sarung měnodẹ u kasusing areng-Ku nạung masěllahẹ̌ ene e, areng kụ seng pinakal᷊amuhụ i kamene su tal᷊oarang manga wansa, tangu nasingkạ e i sire u Iạ e kai MAWU. Iạ e kai MAWU Limembong Karangetange seng nẹ̌bisara. Iạ e sarung mẹ̌pakẹ i kamene waugu mapakasilo su manga wansa u Iạ ini e kai susi, MAWU Kụ Limembong Kasusiange.

²⁴Wọu apaʼm bansa ringangu manga soa, i kamene e sarung Takụ tampungang dingangu Takụ i pakapul᷊ẹ sarang banuanu e hala.

²⁵Bọu ene i kamene e sarung Takụ pakipěsikeng akẹ matilang, tạdeạu i kamene e wurẹ̌si wọu kal᷊awọu mahan duatanu e ringangu wọu kěbị apang kụ makal᷊amuhụ si kamene e.

²⁶ Tangu i kamene e Takụ onggotangu naung kụ buhu ringangu tiněnna wuhu. Naungu e kakětị e kere watu ene e, sarung Takụ awengangu naung kụ mararingihẹ̌.

²⁷Rohkẹ̌ u e sarung Takụ i wěmbing sarang dal᷊ungu naungu ringangu i kamene hědon Takụ lukadeng tadeạu mẹ̌biahẹ̌ tumuhụ manga toratẹ̌-Ku e ore lai rumaringihẹ̌ kal᷊awọu tita-Ku.

²⁸Tangu i kamene sarung matanạ su wanua kụ seng Takụ nionggọ su manga i upung gaghurangu. I kamene e sarung makoạ umatẹ̌-Ku dingangu Iạ e mal᷊aing sarung makoạ Duatanu.

²⁹I kamene e sarung Takụ i pakal᷊iwirẹ̌ bọu kal᷊awọu karal᷊amuhụ u. Iạ e sarung měngonggọu parenta su gandung tadeạu apatuwo pakatendang hakịu i kamene e selain tawe i kasawědang karal᷊unusẹ̌ e.

³⁰Iạ e sarung mapakahuntawang tatuwong kakaluangu mẹ̌bẹ̌bua e ringangu ghẹ̌sing manga sasuangu e, hakịu i kamene e selain tawe kahombangengu tempong karal᷊unusẹ̌ kụ makaral᷊akisẹ̌ arengu e su tal᷊oarang manga wansa.

³¹I kamene e sarung makatahěndung apang lulunu ral᷊akisẹ̌ e ringangu kakanoạu kụ tawe nẹ̌tatal᷊ahino ene e, wọu ene i kamene e mẹ̌tahamutaʼm batangengu e hala ual᷊ingu kal᷊awọu rosa ringangu katatingkaị u e.

³²Pẹ̌tahěndungko ei Israel, u kěbị ini e Takụ nikoạ e wal᷊inewe ual᷊ingu i kamene e. I kamene e harusẹ̌ makapěndang mamea ringangu mahina ual᷊ingu lulunu. Iạ e MAWU Kụ Limembong Karangetange seng nẹ̌bisara.’ ”

³³MAWU Kụ Limembong Karangetange něhengetang, ”Bọuteng i kamene Takụ pinakawurěsi bọu kal᷊awọu rosanu e, i kamene e sarung Takụ i pakawala pẹ̌tanạ su manga soanu e lai, ringangu pěmětị kapia kal᷊awọu ěnạu manga kaghagholange.

³⁴Nạung kal᷊imona e taumata apang mạhundal᷊eng lumiu manga wimbaengu e makạsilo kai apạe kahusụ e ěntana ene, arawe Iạ e sarung mapakariading kamene e wotonge makahal᷊ẹ̌ ěntana ene kapia.

³⁵Tangu patikụ taumata e sarung dumal᷊inaụ, ual᷊ingu ěntana nạung humotong e kawe mahusụ, ini e kawe seng nẹ̌bal᷊ui nakoạ binal᷊aengu Eden, dingangu kal᷊awọu soa kụ nạung kal᷊imona e nạung lụhio, nagholang dingangu nakoạ manga ěnạ e, orasẹ̌ ini tangu nakoạ manga soa matatoghasẹ̌ bal᷊oarị e, dingangu natimu taumatane.

³⁶Tangu manga wansa i pělẹ̌lampung e wědang ene e, sarung masingkạ u Iạ e MAWU, kụ seng němangung kapia manga soa kụ seng naghagholang, dingangu mẹ̌koạ kapia kal᷊awọu rahami apang mahusụ. Iạ e MAWU, kụ seng nẹ̌bisara, ringangu nal᷊ahẹ sarung mẹ̌koạ ene.”

³⁷MAWU Kụ Limembong Karangetange e, něhengetang, ”Ei tau Israel, i kamene e Takụ i pakawala kạpia makitul᷊ung si Siạ; Iạ e sarung měnamba kal᷊awọu e kere kal᷊awọu domba.

³⁸Apan soa kụ orasẹ̌ ini e seng nagholang, sarung mapenẹu ral᷊ohone kere Yerusalem su tempong manga ěllo ghaghuwạ su tempo tamai, napenẹ u manga domba kụ i sěmba. Tangu nasingkạ e i kamene u kai Iạ e MAWU.”