Read Sangir YUNUS 3 Bible Online

YUNUS 3 - Sangir bible

YUNUS 3

¹Baugu karua sul᷊ene MAWU e nẹ̌bisara si Yunus.

²AngkuěngʼE, ”Dakọ e sarang Niniwe soa ghẹ̌guwạ ene, ringangu paul᷊ịko su kawanuane, tatanata kụ Takụ nihabarẹ̌ si kau e.”

³Tangú i Yunus dimaringihẹ̌ MAWU kụ nakoạ sarang Niniwe, soa sěmbaụ kụ gẹ̌guwạ kahěngang; hakịu gẹ̌gausang těllu ěllo waugu makakal᷊ikụ.

⁴ I Yunus nakakasuẹ̌ su soa ene kụ nal᷊iụeng daral᷊eng kanandung ěllo tangú nanětạ e něnasẹ̌, angkuěnge, ”Ěpạ u pul᷊o su ěllone lai, Niniwe e sarung magholang!”

⁵Tumanạu Niniwe e nangimang su tatanatan Duata ene. Kal᷊awọu kawanua němutusu waugu mẹ̌tingkědang, dingangu kal᷊awọu taumata e, baẹbe ghaghuwạ arau lai rarodọ, měpakẹ u papedetẹ̌ karong baugu mapatodẹ u i sire e němpẹ̌sasěsilu manga rosan sire.

⁶Su tempon datun Niniwe nakaringihẹ̌ habarẹ̌ ene, i sie masahawụ limintụ bọu kal᷊aianenge. Nipěllọ e pakeangu kararatuange kụ nipakẹ e kahiwu karong, mase naiangke i sie su wowong atụ.

⁷I sie mal᷊aing němohangu habarẹ̌ ini, ”Tita ini e nisěbang su Niniwe ual᷊ingu putusangu ratu ringangu manga měntěri: Kěbị taumata, sapi, domba ringangu binatang bal᷊ine e isěding kumaěng dingangu měnginung.

⁸Taumata ringangu binatang e harusẹ̌ mẹ̌pakẹ u pedetẹ̌ karong. Nakoạ tatialang pẹ̌sasěsilu kěbị taumata e ute harusẹ̌ mẹ̌doa ringangu kasěllahu ral᷊ungu naung su Mawu Ruata. I sire harusẹ̌ měmal᷊ui lulune ral᷊akisẹ̌ e ringangu kakanoạ kụ napenẹ u rosa e.

⁹Aramanung Duata e sarung měmal᷊ui kapulu-Ne ringangu semben tawe lai mẹ̌pẹ̌du hakịu i kitẹ e sen tawe misěhụ mawinasa!”

¹⁰Duata e makạsilo kakanoạ i sire; i Sie nakasilo u i sire e seng něněntangu lulun sire ral᷊akisẹ̌ e. Tangú i Sie němal᷊ui putusangʼE, kụ tawe nisěhụ něhukung si sire.