Read Sangir PẸ̌TATIẠ 1 Bible Online

PẸ̌TATIẠ 1 - Sangir bible

PẸ̌TATIẠ 1

¹ Su tanggalẹ̌ humotong bul᷊ang karuane su taung karuane samurin tau Israel naněntangu Misirẹ̌, MAWU e nẹ̌bisarang Musa e su ral᷊ungu Tentaʼm MAWU su kěhu l᷊inggin Sinai. AngkuěngʼE,

²”I kau ringangʼi Harun harusẹ̌ pẹ̌koạ pẹ̌darol᷊ẹ̌ su kasěllahu umatʼu Israel, tuhụ ghal᷊ipoho ringangu walagu sěngkatau-sěngkatau. Pẹ̌koạko rol᷊ẹ̌ u kěbị manga esẹ

³umure su wowong duam pul᷊o su taunge kụ botonge makoạ sordado. I sire harusẹ̌ irol᷊ẹ̌ tuhụ komol᷊ange sěmbaụ-sěmbaụ.

⁴Bọu apang hěnto, pẹ̌dorongko sěngkatau tuměllangu ghal᷊ipoho mědeạu pẹ̌sumbala si kamene.”

⁵Seng ini e areng u taumata pinile wọu kal᷊awọu umatẹ̌ mẹ̌deạu apaontol᷊ẹ̌ si Musa rẹ̌duan Harun dingangu makoạ těmbonangu apang hěnto kụ tangu: [Hěntoʼn] — [Pangahạ e] Ruben — Elizur anạ i Syedeur Simeon — Selumiel anạ i Zurisyadai Yehuda — Nahason anạ i Aminadab Isakar — Netaneel anạ i Zuar Zebulon — Eliab anạ i Helon Efraim — Elisama anạ i Amihud Manasye — Gamaliel anạ i Pedazur Benyamin — Abidan anạ i Gideoni Dan — Ahiezer anạ i Amisyadai Asyer — Pagiel anạ i Okhran Gad — Elyasap anạ i Rehuel Naftali — Ahira anạ i Enan

¹⁷Kahian tatongkang sire mapul᷊o dua ene, i Musa rẹ̌duang Harun

¹⁸něngoro kal᷊awọu umatẹ̌ pinẹ̌tampung su tanggalẹ̌ humotong bul᷊ang karuane, bọu e salakẹ̌boěng i sire nihundugẹ̌ tuhụewe manga ghal᷊ipoho kụ ene su apang hěnton sire. Arengu kěbị manga esẹ umure ruam pul᷊o su taunge taraị niwohẹ dingangu nirekenang,

¹⁹kerẹewe niparentam MAWU. Kěbị ene kinoạ i Musa su wanua l᷊inggin Sinai.

²⁰Manga esẹ umure ruam pul᷊o su taunge taraị kụ botonge makoạ sordado nirol᷊ẹ̌ arenge tuhụ gal᷊ipoho ringangu walage, nanětạ bọʼi Ruben anạ i Yakub kaiakanenge ringangʼi Naftali. Kakěpal᷊i sire ute: [Hěntoʼn] — [Kal᷊awọu taumata] Ruben — 46.500 Simeon — 59.300 Gad — 45.650 Yehuda — 74.600 Isakar — 54.400 Zebulon — 57.400 Efraim — 40.500 Manasye — 32.200 Benyamin — 35.400 Dan — 62.700 Asyer — 41.500 Naftali — 53.400 — Kěbị e: 603.550

⁴⁷Taumatan Lewi tawe nirol᷊ẹ̌ dingangu manga hěnto wal᷊ine,

⁴⁸batụu MAWU e seng něhengetang si Musa,

⁴⁹”Su tempong i kau němohẹ arengu apan taumata kụ botonge makoạ sordado, hěnton Lewi tawahal᷊uasu wohekang.

⁵⁰Oroiko i sire pẹ̌padul᷊i Tenta-Ku ringangu kal᷊awọu apal᷊iwụ e. Hal᷊ẹ̌ i sire ute apěmikul᷊ẹ̌ Tenta-Ku ringangkeweng kal᷊awọu apal᷊iwụ e ore lai mẹ̌kakakěllane. I sire harusẹ̌ mẹ̌daseng su tampạ ene mạngělikụ.

⁵¹Kereu i kamene měngal᷊ing, taumatan Lewi e harusẹ̌ měnggolang Tenta-Ku, bọu ene měnakẹ kapia su apan tampạ u pẹ̌darasengang buhu. Sul᷊iun sire, walạewe i sai kụ mẹ̌těngkaranin Tenta e harusẹ̌ ihukungu papate.

⁵²Taumatang Israelẹ̌ bal᷊ine e harusẹ̌ měndarisị u tentan sire mẹ̌kẹ̌kamonaěng, apan taumata su ral᷊ungu kamonaěnge sěngkatau-sěngkatau e marěduhu wanehane sẹ̌sane.

⁵³Arawe tau Lewi e harusẹ̌ mẹ̌daseng pěngělikụ Tenta-Ku. I sire harusẹ̌ měndiagạ ene tadeạu tawẹ apa taumata kụ dumani si sie, kụ makakariading Iạ lumangehẹ̌ dingangu měhukungu umatʼu Israel.”

⁵⁴Tangú tau Israel mẹ̌kẹ̌koạewe kal᷊awọu apang niorong MAWU e si Musa.