Read Sangir PẸ̌TATIẠ 2 Bible Online

PẸ̌TATIẠ 2 - Sangir bible

PẸ̌TATIẠ 2

¹MAWU e něhengetang si Musa rěduang Harun:

²”Su tempon tau Israel něndarisị u pẹ̌darasengang, apan taumata harusẹ̌ mẹ̌daseng marěduhu wanehang komol᷊ang i sire ringangu lambang u hěntone sẹ̌sane. Kal᷊awọu pẹ̌darasengang ene harusẹ̌ ipararisị su rěduhu Tenta-Ku, kụ diọ pakarau kadodọ bọi sire.”

³Su sěmběkan daki, sordado kụ mẹ̌tẹ̌těngkasěllung su al᷊ungu wanehang kasasěmbaụ u Yehuda e harusẹ̌ měmpẹ̌daseng tuhụ komol᷊ang dingangu pangahạ e sěmbaụ-sěmbaụ su ral᷊ungu hunduge kere ini: [Hěntoʼn] — [Pangahạ e] — [Kal᷊awọu taumata] Yehuda — Nahason anạ i Aminadab — 74.600 Isakar — Netaneel anạ i Zuar — 54.400 Zebulon — Eliab anạ i Helon — 57.400 — Kěbị e: — 186.400 Kasasěmbaụ u Yehuda e harusẹ̌be mẹ̌buạ bọu kakal᷊imonaěnge.

¹⁰Su sěmběkan timuhẹ̌, sordado kụ kạsasělung su al᷊ungu wanehang komol᷊ang i Ruben harusẹ̌ mẹ̌daseng tuhụ komol᷊ang dingangu pangahạ e sěngkatau-sěngkatau su pohọ u ini: [Hěntoʼn] — [Pangahạ e] — [Kal᷊awọu taumata] Ruben — Elizur anạ i Syedeur — 46.500 Simeon — Selumiel anạ i Zurisyadai — 59.300 Gad — Elyasap anạ i Rehuel — 45.650 — Kěbị e: — 151.450 Komol᷊ang i Ruben harusẹ̌ mẹ̌buạ kere karuane.

¹⁷Bọu ene, sutal᷊oarang kal᷊awọu sordadong Israel, němpahundal᷊engke hěnton Lewi kụ němpěmikulẹ̌ Tentaʼm MAWU. Mẹ̌sul᷊ungu i sire měmpẹ̌dẹ̌daseng kerene lai i sire mạhundal᷊eng, sěmbaụ-sěmbaụ e su tampạ e tuhụewe wanehan sire.

¹⁸Su sěmběkaʼm bahẹ, sordado kụ mẹ̌tẹ̌těngkasěllung su al᷊ungu wanehang kasasěmbaụ i Efraim harusẹ̌ mẹ̌daseng tuhụ komol᷊ang dingangu pangahạ e, sěngkatau-sěngkatau su ral᷊ungu pohọ e ini: [Hěntoʼn] — [Pangahạ e] — [Kal᷊awọu taumata] Efraim — Elisama anạ i Amihud — 40.500 Manasye — Gamaliel anạ i Pedazur — 32.200 Benyamin — Abidan anạ i Gideoni — 35.400 — Kěbị e: — 108.100 Komol᷊ang i Efraim harusẹ̌ dumal᷊eng su l᷊ikudʼu hěnton Lewi.

²⁵Su sěmběkan sawěnahẹ̌, sordado kụ mẹ̌tẹ̌těngkasěllung su al᷊ungu wanehang buntuang i Dan harusẹ̌ mẹ̌daseng tuhụ komol᷊ange ringangu pangahạ e sěngkatau-sěngkatau e su ral᷊ungu pohọ e ini: [Hěntoʼn] — [Pangahạ e] — [Kal᷊awọu taumata] Dan — Ahiezer anạ i Amisyadai — 62.700 Asyer — Pagiel anạ i Okhran — 41.500 Naftali — Ahira anạ i Enan — 53.400 — Kěbị e: — 157.600 Komol᷊ang i Dan mẹ̌buạ kere pěngěnsueěnge.

³²Kal᷊awọu tau Israel kụ narol᷊ẹ̌ su ral᷊ungu apang kasasěmbaụ tuhụ pasukangu sěmbaụ-sěmbaụ, ute 603.550 su kataune.

³³Kerẹewe niorong MAWU si Musa, tau Lewi tawe nirol᷊ẹ̌ dingangu kal᷊awọu tau Israel bal᷊ine.

³⁴Tau Israel nẹ̌koạ kal᷊awọu apan niorong MAWU si Musa. Sěngkatau-sěngkatau e mẹ̌dẹ̌daseng mạngělikụ banehane sěsane, ringangu mẹ̌buạ dumal᷊eng tuhụ gal᷊ipohone ringangu anạ u sěmbaụ e.