Read Sangir PẸ̌TATIẠ 30 Bible Online

PẸ̌TATIẠ 30 - Sangir bible

PẸ̌TATIẠ 30

¹I Musa něngonggọ manga tiahane ini su manga těmbonangu apang ghal᷊ipohon tau Israel.

² Kereu sěngkatau esẹ mẹ̌kědo arau mẹ̌diandi piạ salune su MAWU, hakịu i sie mangikị u watangenge su riandi sěmbaụ, ute i sie harusẹ̌ mẹ̌koạ apan niriandine ene, ringangu tawe wotonge mẹ̌sunial᷊ẹ̌.

³Kereu sěngkatau mahuala kụ mạtanạ su wal᷊eng amange mẹ̌diandi su MAWU, ringangu mangikị u watangenge su riandi sěmbaụ, dingangu i amange tawẹ kạbaratange su tempong nakaringihẹ̌ hal᷊ẹ̌ ene, tangú mahuala ene harusẹ̌ mapakasěhụ u kal᷊awọu kědo ringangu riandine ene.

⁵Kaiso kereu su tempong nakaringihẹ̌ hal᷊ẹ̌ ene i amange piạ kabaratange, tangú mahuala ene tawe maikị su kědo ringangu riandine. MAWU sarung mangampung si sie, ual᷊ingu i sie isẹ̌sěding i amange.

⁶Kereu sěngkatau wawine kụ tawe nẹ̌kẹ̌kawing mẹ̌kědo arau mangikị u watangenge su riandi sěmbaụ, walạewe měnsang deng tahuěnnang kal᷊imona arau walạe, kụ i sie kạl᷊aikị su kědo arau riandine ene. Kereu su ěllo samuri i sie mẹ̌kawing, i sie tatapẹ̌ kạl᷊aikị u kědo ringangu riandine ene, asal᷊u kawinge tawẹ kạbaratange su tempong makaringihẹ̌ hal᷊ẹ̌.

⁸Kaiso kereu kawinge su tempong makaringihẹ̌ mẹ̌sěding i sie tangú i sie tawe maikị su kědone ringangu riandine ene. MAWU e sarung mangampung si sie.

⁹Kereu sěngkatau wal᷊u arau wawine kụ seng nipungkạ bọu pẹ̌kakawing kụ mẹ̌kědo arau mẹ̌diandi kụ měngikị batangenge, i sie maikị su kědo arau riandi ene dingangu harusẹ̌ mapakasěhụ u ene.

¹⁰Kereu sěngkatau wawine kụ seng bọu nẹ̌kawing mẹ̌kědo arau mẹ̌diandi kụ měngikị u watangenge,

¹¹i sie harusẹ̌ mapakasěhụ u kal᷊awọu apang nikědone ene, asal᷊u kawinge tawẹ kabaratange su tempong i sie makaringihẹ̌ hal᷊ẹ̌ ene.

¹²Kaiso kamagengu su tempong makaringihẹ̌ hal᷊ẹ̌ ene kawinge mẹ̌sěding i sie, tangu wawine ene sen tawe naikị lai su kědo arau riandine. MAWU sarung měngampung si sie, ual᷊ingu i sie isẹ̌sědingu kawinge.

¹³Kawinge piạ kapulune waugu kumire arau měmungkạ apang kědo arau rianding marehokange.

¹⁴Kaiso kereu su tempong makaringihẹ̌ hal᷊ẹ̌ ene kawinge tawẹ kabaratange, bawine ene harusẹ̌ mitụ kal᷊awọu kědo arau riandine. Kawinge piạbe karal᷊uase su kědo arau riandi ene ual᷊ingu i sie tawẹ kạbaratange su tempong makaringihẹ̌ ene.

¹⁵Kereu su ěllo samuri kawinge ene měmungkạ kědo arau rianding marehokang, ute tau esẹ e ene harusẹ̌ měnal᷊udẹ̌ aị u pěmamungkạ ene.

¹⁶Kai tamai ene kal᷊awọu pělatorang nionggọu MAWU si Musa mạanung kědo ringangu riandi kinoạ u sěngkatau wawine kụ matanạ su wal᷊eng amange, arau sěngkatau wawine kụ seng bọu nẹ̌kawing.