Read Sangir PẸ̌TATIẠ 31 Bible Online

PẸ̌TATIẠ 31 - Sangir bible

PẸ̌TATIẠ 31

²”Pěmal᷊isẹ̌ko su tau Midian ual᷊ingu apan seng kinoạ i sire su Israel. Bọu ene i kau sarung mate.”

³Tangú i Musa nẹ̌bera su tau Israel, ”Pěmpẹ̌dariahi e pẹ̌sekẹ; i kamene harusẹ̌ pěnekehẹ̌ tau Midian baugu měkoạ pělahukungu MAWU si sire.

⁴Bọu apang ghal᷊ipohon tau Israel, i kamene harusẹ̌ pěndiahing sordado sěhiwu su kataune mědeạu tamai mẹ̌sekẹ.”

⁵Tangú němilẹ e sěhiwu su kataune bọu apang ghal᷊ipohong tau Israel kěbị kal᷊awọe mapul᷊o dua hiwu su kataune apang kụ sadia mẹ̌sekẹ.

⁶I Musa něngoro si sire pẹ̌sekẹ sěngkapẹ̌sekẹ dingang i Pinehas anạ u Imang i Eleazar. I Pinehas nẹ̌bawa apal᷊iwụ susi ringangu slompretẹ̌ baugu měngonggọ manga tanda.

⁷Natuhụ kere su titaʼm MAWU si Musa, tau Israel něnekẹ tau Midian kụ němate kal᷊awọu manga esẹ e,

⁸nasowa l᷊ai ratu i sire lima, i Ewi, i Rekem, i Zur, i Hur dingangu i Reba. I Bileam anạ i Beor, mal᷊aing nipate.

⁹Kal᷊awọu tau Israel něnaweng manga wawine ringangu manga rariọ u tau Midian, dingangu něhampasẹ̌ kal᷊awọu binatang ore lai binatang u rul᷊unge, ringangkeweng kal᷊awọu kakakalạ i sire.

¹⁰Manga soa ringangu pẹ̌darasengang i sire mal᷊aing nitutung.

¹¹Bọu ene kal᷊awọu tau Israel něngal᷊ạ kal᷊awọu lětạ u pěmamul᷊aho ene, kerẹewe apan tinaweng dingangu manga binatang,

¹²mase niwawane su anung Musa ringangu Imang i Eleazar ringangu su patikụ umatʼu Israel. Su tempo ene i sire kapẹ̌dẹ̌dasenge su wal᷊ang Moab, su wiwihu Sal᷊ụ u Yordan maraning soang Yerikho.

¹³Tangú i Musa, Imang i Eleazar dingangu kal᷊awọeweng pangahạ e wal᷊ine bọu umatʼu Israel siměbang bọu pẹ̌darasengang baugu maněnsomahẹ̌ sordadong Israel.

¹⁴I Musa limangehẹ̌ su manga pěrwira, tuměllangu ghopol᷊ange ringangu těmbonangu sordado kụ buhu kawawal᷊ị bọu pẹ̌seketang.

¹⁵Angkuěnge si sire, ”Unụe i kamene nipakawalang kěbị bawine ene wiahẹ̌?

¹⁶ Kai wal᷊inewe i sire manga wawine ene rimaringihẹ̌ sasasang Bileam, hakịu něngologẹ̌ umatʼu Israel su Peor mědeạu maněntangu MAWU? Kụ kawe ene makạkaděntang silakạ su umatʼu MAWU!

¹⁷Kụ ini patẹ e apang manga rariọ esẹ dingangu apang manga wawine kụ seng bal᷊ine lai parawang.

¹⁸Kaiso kěbị manga wawine bědang parawang botonge al᷊ạ baugʼi kamene.

¹⁹Kụ i kamene kěbị apan seng němatạ taumata arau něnenggehẹ̌ maietẹ̌ ute harusẹ̌be katanạ su l᷊ikudu pẹ̌darasengang karěngụ u pitu ěllo. Su ěllo katellune ringangu kapitune i kamene ringangu kal᷊awọu manga wawine kụ nitaweng i kamene ene, harusẹ̌ pẹ̌koạ tundung pěnanusi watangeng.

²⁰Balạewe apan dirisu pakeang arau měnsang apa kụ bọu pisị, rukụ u kambing arau kalu, harusẹ̌ lai ipakasusi.”

²¹Bọu ene Imang i Eleazar nẹ̌bera su apan taumata kụ buhụ e nawal᷊ị bọu pẹ̌seketang ene, ”Ini e kai kal᷊awọu tita nionggọ u MAWU si Musa.

²²Patikụ sabarang kụ makědang su putung, kere wul᷊aeng, sal᷊aka, tambaga, uase, timběha mawira, timběha mitung harusẹ̌ ipakasusi kụ koateng su ral᷊ungu putung. Bọu ene apal᷊iwụ tamai ene harusẹ̌ ipakasusi lai ringangu akẹ u ral᷊anisu pananusi tadeạu semben tawẹ turạ e lai. Kěbị barang bal᷊ine kụ tạ kědange su putung harusẹ̌ i pakasusing akẹ u tundung pěnanusi.

²³

²⁴Su ěllo kapitune i kamene harusẹ̌ pěngunsạ pakeang i kamene, kụ buhụ e i kamene sen tawẹ lai lamuhụ e, dingangu seng botonge sumuẹ̌ su ral᷊ungu pẹ̌darasengang.”

²⁵MAWU něhengetang si Musa,

²⁶”I ruang Imang i Eleazar dingangu apạewen pangahạ e wal᷊ine wọu umatʼu Israel, harusẹ̌ měndekeng kěbị ual᷊ing pěmamul᷊aho, narekeng lai apang kinataweng dingangu binatang.

²⁷Apal᷊iwụ pul᷊aho ene harusẹ̌ pahiạ i kamene ruang kamonaěng mẹ̌sul᷊ung kal᷊awọe; sěngkamonaěng baugu manga sordado, apan seng tamai nẹ̌sekẹ, dingangu sěngkamonaěng lai ute waugu umatẹ̌ lěmbene.

²⁸Baugu laonggọ těntani si Siạ, MAWU e, bọu wahageangu manga sordado ene harusẹ̌ al᷊ạ u pẹ̌sěmbaụ bọu tahạ lima hasụ — baẹ bọu taumatan taweng arau lai wọu manga sapi, kalide, domba ringangu manga kambing.

²⁹Sarakangke ene su Imang i Eleazar kere sasěmba těntani waugu Iạ, MAWU.

³⁰Bọu wahageang kụ nionggọ su umatʼu Israel, harusẹ̌ al᷊ạ u pẹ̌sěmbaụ bọu pẹ̌tahạ limam pul᷊o, baẹ bọu taumatan taweng, baewe lai wọu manga sapi, kalide, domba ringangu kambing. Sarakangko kěbị tamai ene su tau Lewi kụ mětẹ̌tangkiang tenta-Ku.”

³¹I Musa ringangu Imang i Eleazar mẹ̌kẹ̌koạ kere niorom MAWU.

³²Su l᷊iung apan seng nial᷊ạ u manga sordado waugʼi sire hala, lěnạ u pul᷊aho ene kal᷊awọe domba ringangu kambing 675.000 su waụ e, sapi 72.000 su waụ e, kalide 61.000 su waụ e, ringangu mahuala parawang 32.000 su waụ e.

³³

³⁴

³⁵

³⁶Sěngkapahiakeng bọu kěbị e nionggọ su manga sordado pinẹ̌tiạ kere ini: domba ringangu kambing 337.500 su waụ e, kụ bọu kal᷊awọe ene 675 su waụ e ghaghěllị těntani su MAWU; sapi 36.000 su waụ e, ghaghěllị těntani su MAWU 72 su waụ e; kalide 30.500 su waụ e, ghaghěllị těntani su MAWU 61 su waụ e arawe mahuala parawang 16.000 su kataune, ghaghěllị těntani su MAWU e 32 su kataune.

³⁷

³⁸

³⁹

⁴⁰

⁴¹Mase i Musa něnarakangu ghaghěllị těntani ene su Imang i Eleazar baugu sasěmba su MAWU, kerẹewe niorong MAWU.

⁴²Bahageangu kawanua e mẹ̌sul᷊ung kal᷊awọe ringangu wahageangu sordado: domba ringangu kambing 337.500 su waụ e, sapi 36.000 su waụ e, kalide 30.500 su waụ e, ringangu mahuala parawang 16.000 su kataune.

⁴³

⁴⁴

⁴⁵

⁴⁶

⁴⁷Kerẹewe niorong MAWU, i Musa něngal᷊ạ pẹ̌sěngkatau wọu taumata tinaweng limam pul᷊o su kataune ringangu wọu manga binatang, mase nisarakange su taumatan Lewi mělẹ̌hal᷊ẹ̌ su Tentaʼm MAWU.

⁴⁸Bọu ene kal᷊awọu pěrwira apam bọu němpěngahạ sordadong Israel, němpẹ̌těngon Musa

⁴⁹kụ naul᷊ịu, ”Tuang, i kami seng bọu něndekeng manga sordado su al᷊ung i kami. Nal᷊ahẹ nạung kal᷊awọe i sire natimu, kụ tawẹ u sarang sěngkatau nailang.

⁵⁰Ual᷊ingu ene i kami e nẹ̌bawa manga ral᷊ěgahẹ̌ bul᷊aeng, gal᷊angu pul᷊aeng, gal᷊ang u laedẹ̌, sinsing, anti-anti ringangu kalong kụ seng nial᷊ạ sěngkatau-sěngkatau. Kěbị sabarang ini e nisarakang i kami su MAWU kere sasěmbang kami, tadeạu i Sie tatapẹ̌be manirung si kami.”

⁵¹Mase i Musa ringangu Imang i Eleazar něnarimạ u wul᷊aeng ene kěbị kinoạ e awẹ u ral᷊ěgahẹ̌.

⁵²Sasěmbang kal᷊awọu pěrwira ene wěhạ e maraning dua hasụ su kilone.

⁵³Arawe manga sordado ene sěngkatau-sěngkatau e seng němpěngal᷊ạ lěnạ u pul᷊aho ene waugʼi sire hala.

⁵⁴Tangú i Musa ringangu Imang i Eleazar nẹ̌bawa wul᷊aeng ene sol᷊ong Tentaʼm MAWU tadeạu MAWU e mangěllung tau Israel.