Read Sangir PẸ̌TATIẠ 34 Bible Online

PẸ̌TATIẠ 34 - Sangir bible

PẸ̌TATIẠ 34

¹MAWU e něgěllịu

²manga tita ini si Musa waugu tau Israel, ”Kadodọ tempo lai i kamene sumuẹ̌ su wanuang Kanaan, banua e Takụ nionggọ si kamene kere ěntana pusakạ. Seng ini e pẹ̌saraěngu manga ěntanang kamene.

³Su sěmběkan timuhẹ̌, pẹ̌saraěng ene nanětạ bọu Kěhu L᷊inggin Zin nẹ̌batụ Edom. Su sěmběkan daki pẹ̌saraěng ene nanětạ bọu kapondol᷊angu Laudẹ̌ Nate watuhu sěmběkan timuhẹ̌,

⁴měmiku sarang timuhẹ̌ mẹ̌timona Ral᷊engu Akrabim matěpasu Zin sarang Kades-Barnea su sěmběkan timuhẹ̌. Bọu ene měmiku sarang sěmběkam pol᷊ong bahẹ sarang Hazar-Adar, dingangu matěpasu Azmon.

⁵Sene měmiku sarang bal᷊ane su pẹ̌saraěngu Misirẹ̌ dingangu mahěpusẹ̌ su L᷊audẹ̌ Tal᷊oara.

⁶Laudẹ̌ Tal᷊oara nakoạ kere pẹ̌saraěng u wanuang kamene su sěmběkam bahẹ.

⁷Su sěmběkan sawěnahẹ̌, pẹ̌saraěng ene nanětạ bọu Laudẹ̌ Tal᷊oara sarang Bul᷊udu Hor,

⁸dingangu wọu ene sarang Dal᷊engu Hamat, bọu ene matěpasẹ̌ sarang Zedad,

⁹dingangu sarang Zifron kụ mẹ̌kětạ su Hazar-Enan.

¹⁰Su sěmběkan daki, pẹ̌saraěng nanětạ bọu Hazar-Enan sarang Sefam.

¹¹Bọu ene duměsung sarang Ribla su sěmběkan daki wọu Ain, mase turusẹ̌ sarang manga wěntihe su apengu Ranong Galilea,

¹²buhụ e sarang sěmběkan timuhẹ̌ mẹ̌batụ Sal᷊ụ u Yordan sarang Laudẹ̌ Nate. Kai ene wanuang kamene tuhụ apam pẹ̌saraěng mangělikụ.”

¹³ I Musa nẹ̌bera su tau Israel, ”Seng ěndaị ene ěntana sarung ikatarimạ i kamene kahiang lahurị, ěntana e tuhụ parentam MAWU e harusẹ̌ pakipahiạ su ghal᷊ipohon tau Israel siong kamonaěng sitenga.

¹⁴Manga ghal᷊ipohong Ruben dẹ̌duang Gad dingangu sěmbahageang bọu ghal᷊ipohong Manasye seng bọu něnarimạ bahageang i sire, ringangu ěntana ene mal᷊aing seng bọu nipahiạ su manga walagʼi sire.

¹⁵Ěntana pusakạ i sire ene su sěmběkan dakị wọu Sal᷊ụ u Yordan, maraning soan Yerikho.”

¹⁶MAWU něhengetang si Musa,

¹⁷”I saing harusẹ̌ měmahiạ ěntana ene sutal᷊oarang kamene ute kai Imang i Eleazar, dingangu i Yosua anạ i Nun.

¹⁸Lahẹko l᷊ai sěngkatau pangahạ e bọu apang ghal᷊ipoho waugu mẹ̌tul᷊ung si Eleazar dẹ̌duang Yosua pěmahiạ ěntana ene.”

¹⁹Areng i sire ene ute kai: [Hěntoʼn] — [Pangahạ e] Yuda — Kaleb anạ i Yefune Simeon — Samuel anạ i Amihud Benyamin — Elidad anạ i Kislon Dan — Buki anạ i Yogli Manasye — Haniel anạ i Efod Efraim — Kemuel anạ i Siftan Zebulon — Elisafan anạ i Parnah Isakar — Paltiel anạ i Azan Asyer — Ahihud anạ i Selomi Naftali — Pedael anạ i Amihud

²⁹Kai ene i sire kụ niorong MAWU apẹ̌mahiạ ěntana pusakạ su tau Israel su wanuang Kanaan.