Read Sangir MIKHA 1 Bible Online

MIKHA 1 - Sangir bible

MIKHA 1

¹ I Mikha e asal᷊e wọu soa kadodọ sěmbaụ arenge Moresyet. Su tempong banuang Yehuda e pẹ̌parentaěng u ratu mẹ̌tẹ̌tatuhụ, i Yotam, i Ahas dingangu i Hizkia, i Mikha e rimaẹ tatanatang MAWU mạanun Samaria ringangu Yerusalem.

²Daringihẹ̌ko, ei manga wansa! Tatingangko, ei patikụ tumanạ u kasěllahu dunia. MAWU e Limembong Karangetange riměnta kere sahidi rumokạ si kamene kěbị! Daringihẹ̌ baweranʼE bọu Wal᷊enʼE kụ susi e su sorga.

³I Sie limintụ bọu kal᷊aianengʼE kụ susi ringangu rụdal᷊eng su wowom manga pusigu wul᷊ude su dunia.

⁴Manga wul᷊ude natuno su al᷊ungu pal᷊edʼE kere liling su ral᷊ungu putung kụ dụděllị; ěntanane natěnehẹ̌ nawunsal᷊ẹ̌ su manga wal᷊ane, kere akẹ su wowong bul᷊ude lụelehẹ̌ tanaẹ.

⁵Kěbị ene sarung mariadi ual᷊ingu tau Israel němpẹ̌dosa ringangu nẹ̌pahuwungkadẹ̌ su těngon Duata. Kai i sai tangú nakawodaị Israel nẹ̌baradosa? Kai wal᷊inewe niupunangu soane hala Samaria e tangu? I sai nakawodaị Yehuda e naněmba mahang duata e tangu? Bal᷊inewe Yerusalem hala ngae?

⁶Ual᷊ingu ene MAWU e něhengetang, ”Iạ e sarung mapakariading Samaria e niěndukang u manga gholange su wal᷊ane, ringangu tampạ u taumata mẹ̌suang anggorẹ̌. Manga opehu soa ene sarung Takụ děmekang sol᷊ong dal᷊ungu wal᷊ane, ringangu manga pinẹ̌bukuange Takụ těnehang.

⁷Manga tul᷊adane mal᷊aarěga e sarung Takụ goghaheng, dingangu měnsang apạe Takụ gělikang su manga wawine apang mělẹ̌hal᷊ẹ̌ su pangkunange sarung tutungang, dingangu kal᷊awọu tul᷊adane sarung ipakawinasa. Sabarangkewe tamai ene e ute kai letạu pẹ̌kakal᷊iomanengange su mahang duatang tawang ěntana. Kụ orasẹ̌ ini e kěbị e sarung hengketangu manga sědụ e waugu sasěmba tatarimakasẹ su manga mahang duatan sire e.”

⁸Ual᷊ingu ene iạ, i Mikha e, masusa su naung, dingangu kụkěndung. Iạ e sarung dumal᷊eng těntol᷊e ringangu tawẹ sapatune mělẹ̌lahẹu enẹ e kasusane naungku e. Iạ e sarung huměbu kere asung kěhu ringangu humuang kere manụ onta.

⁹Batụu manga lesẹ u Samaria e tawe ipakaul᷊e kapia, ringangu Yehuda e sarung kahombangengu kakakoạu pẹ̌bawiahe mẹ̌sul᷊ung. Hombang masaria e seng nịdating sarang Yerusalem, tukadu pasěllangengu wanua pinamitingang puidu wansaku e.

¹⁰Kumbahang měhabarẹ̌ su manga sekẹ i kitẹ e su Gat mạanung kawawihua si kitẹ e; kumbahangbe ipakawala i sire e makasilo si kamene sumangị. Ei tumanạ u Bet-Le-Afra,[1] pẹ̌těngkal᷊usị e su awul᷊ẹ̌ tatialang napěndụ.

¹¹I kamene tumanạ u Safir, pẹ̌buạ e sol᷊ong pinamembangeng e těntol᷊e ringangu pěndangu piạ meane! Tau Zaanan tawe wahani suměbang bọu soang sire. Sasiking tumanạ u Bet-Haezel měnẹ̌nodẹ si kamene u paị sene selain tawẹ apa pẹ̌kakěllungang.

¹²Hombang masaria wọu MAWU e seng nahumpạ su těngon tukadu pasěllangeng u Yerusalem! Ual᷊ingu ene, tawe mariadi tau Marot mělẹ̌harapẹ̌ tul᷊umang.

¹³I kamene tumanạu Lakhis, pěnakẹkong kawal᷊o su karetan sekẹ! I kamene mẹ̌těno manga rosa kụ nikoạ su Israel hakịu nakariadi Yerusalem mal᷊aing nẹ̌dosa.

¹⁴Ini e, ei tau Yehuda i kamene sarung kailangengu soang Moresyet-Gat. Manga ratung Israel sarung tawe makaěbạ lai tatongka wọu soang Akhzib.

¹⁵Ei tau Maresya, MAWU e sarung měnarakang i kamene su sědụ kụ sarung měmul᷊aho soanu. Manga těmbonangu Israel kụ kawasa e sarung mẹ̌kěmbuni su ral᷊ungu manga liange su Adulam.

¹⁶Ei tau Yehuda, potọko utạu e pakakoạ tatialang mělutu waugu manga anạu kụ ikẹ̌kěndagʼi kamene. Kul᷊ụko těmbọu sarang mal᷊ungguhẹ̌ kere manụ u winalangeng kụkinạ kasuang, u manga anạu e sarung hengketang sol᷊ong piněmembangeng.