Read Sangir ZAKHARIA 4 Bible Online

ZAKHARIA 4 - Sangir bible

ZAKHARIA 4

¹Malạekatẹ̌ e seng nẹ̌bisara ringangku e kụ seng diměnta kapia němangung si siạ kere němangung taumata kạtikị e.

²”Kai apa kinasilonu?” kakiwal᷊one. ”Dal᷊aedu sol᷊o sěmbua wọu wul᷊aeng,” sasimbangku. ”Su pondol᷊e rasị piạ tampạ u l᷊anane, ringangu su sěndihange mạngělikụ piạ sol᷊o pitu, kụ sěmbaụ-sěmbaụ e piạ tampạu sobune pitu.

³ Su sěmběkane kaihi ringangu koaneng bọu ral᷊aedẹ̌ sol᷊o ene e piạ kalun zaitun darua.”

⁴Bọu ene iạ nakiwal᷊o su malạekatẹ̌ ene, ”Kai apa nilahẹ u manga sạbarang ene, Tuang?”

⁵”Kai wěga i kau?” kakiwal᷊one si siạ. ”Tala Tuang,” sasimbangku.

¹⁰ Malạekatẹ̌ ene nẹ̌bera si siạ, ”Sol᷊o pitu ene ute kai matang MAWU pitu e mạnitị kasěllahu wowon dunia e.”[5]

¹¹ Bọu ene iạ e nakiwal᷊o kapia si sie, ”Apa mangal᷊eng bal᷊unangu kalun zaitun darua e su koaneng dingangu kaihi wọu ral᷊aedu sol᷊o ene?

¹²Apa lai mangal᷊eng lelangu zaitun darua su sěndihangu pipa wul᷊aeng darua kụ mạpaelehu lanan zaitun ene e?”

¹³Angkuěnge si siạ, ”Kai wěga i kau tangú?” ”Běga Tuang,” sasimbangku.

¹⁴I sie e mal᷊aing nẹ̌bera, ”Ene e kai ruang katau kụ seng nipilem MAWUN dunia patikụ dingangu tiněbọ baugu pẹ̌tangkiang si Sie.” Diandim MAWU su Zerubabel Malạekatẹ̌ ene něngoro si siạ pělẹ̌habarẹ̌ su Zerubabel tatanatang MAWU ini, ”Wal᷊inewe ringangu katoghasu militerẹ̌ dingangu wal᷊inewe lai ual᷊ingu katoghasu e hala i kau e makaual᷊i, kaiso kawe ual᷊ingu rohkẹ̌-Ku. Sasahaghe kasěllahu wul᷊ude mal᷊aing ilunggine wọu těngonu. I kau e sarung měmangung Bal᷊e-Ku kapia, ringangu su tempong i kau e měměllọu watu humotong su tampạ e, taumata e sarung makawera u, ’Kai apạ e kal᷊ěnggihe!’ ” Bọu ene riměntạ e kapia tatanata wal᷊ine wọu MAWU, AngkuěngʼE, ”Zerubabel seng něměllọ u wawěntam Bal᷊e-Ku, ringangu i sie sarung měngěnsue kasěllahu wal᷊e ene. Kereu ene mariadi, tangú umatẹ̌-Ku e sarung masingkạ u kai Iạ e sen něndolohʼi kau e Zakharia sarang anun sire. Piạ tawẹ pandungange su hal᷊ẹ̌ ini. Arawe i sire e sarung makasilo Zerubabel měnurusẹ̌ u pěmamětị Bal᷊e-Ku, ringangu i sire e(...)