Read Sangir ROMA 2 Bible Online

ROMA 2 - Sangir bible

ROMA 2

¹ Ual᷊ingu ene, manga anạ u sěmbaụ kai isai tangu i kau e hakịu i kau mapẹ̌sal᷊an taumata wal᷊ine? I kau tawẹ apang hinong ikapẹ̌tahutěndạ baugu watangengu! U kamagengu i kau kawe mapẹ̌sal᷊an taumata wal᷊ine, kutẹu i kau sěsanu mẹ̌kẹ̌koạbelai kere kẹ̌koateng i sire, ute i kau mělẹ̌hukung u watangengu hala.

²I kitẹ masingkạ kereu Mawu Ruata mapakanawong hukumang e si sai-saịewen kakanoạ e kerene ute, putusang u Mawu Ruata e kahěngang.

³Arawe i kamene, manga anạ u sěmbaụ mal᷊aing měmpẹ̌kẹ̌koạ kal᷊awọu apan ipạngěnsilʼi kamene si sire wal᷊ine! Dingangu i kamene mẹ̌tẹ̌tiněnna u i kamene makatal᷊ang bọu hukumang u Mawu Ruata e?

⁴Arau i kamene kai tawe měngarěgang kakěndagʼu Ruata, ringangu kakalạu ral᷊ungu naung ore lai kasěllahu pẹ̌sasabarʼE? Těngadẹ̌ i kamene masingkạu Mawu Ruata e mělahẹu kapian naungʼE ual᷊ingu i Sie mapulu tadeạu i kamene mẹ̌tobatẹ̌ bọu kal᷊awọu rosang kamene.

⁵Kutẹu těmbọ i kamene kawe makakětị dingangu mạdiri měmal᷊ui. Ual᷊ingu ene i kamene hala nakatambang kawěhạe hukumang su Ěllong Kiamatẹ̌ kereu Mawu Ruata e mapakarěntan dal᷊angehʼE ringangu mapakanawong hukumang maadilẹ̌.

⁶ U Mawu Ruata e sarung mamal᷊isẹ̌ suapan taumata ituhụ su kakanoạe.

⁷Mawu Ruata mangonggọʼu pěbawiahẹ̌ tutune ringangu kakalẹ̌ si sire apang makạkědang měmpẹ̌koạ hal᷊ẹ̌ mapia tadeạu makaěbạ kawawantugẹ̌, adatẹ̌, dingangu kakoạ kakalẹ̌.

⁸Arawe i sai-saing kětạeng kụkěndagu watangenge ringangu madiri tumuhụ Mawu Ruata, kaiso kawe tụtol᷊e karal᷊akisẹ̌ e, ute i sire ene e sarung makal᷊angehẹ̌ Mawu Ruata marasai.

⁹Apan taumata mẹ̌kẹ̌koạ dal᷊akịe sarung masunsara ringangu masigěsạ, kahumotongange su tau Yahudi, kerene lai su manga wansa wal᷊ine.

¹⁰Kai kěbị taumata apang mẹ̌kẹ̌koạ mapia e sarung kapusakateng u kawawantugẹ̌ dingangu adatẹ̌ dingangkewen katatul᷊ende wọu Mawu Ruata kahumotongange su tau Yahudi kerene lai si sire wansa wal᷊ine.

¹¹ Batụu Mawu Ruata e mẹ̌koạ kěbị taumata e mẹ̌sul᷊ung.

¹²Taumatam banua wal᷊ine e němpẹ̌dosa kụ bẹ̌gawen toratʼu Yahudi. Kụ i sire ihukung sul᷊iung toratẹ̌. Arawe taumatan Yahudi němpẹ̌dosa samurin nakakasingkạ u toratẹ̌ e; ual᷊ingu ene i sire sarung l᷊ai tuntukang u toratẹ̌ e.

¹³Batụu taumata kụ saụ mẹ̌těngkapia ringangu Ruata, bal᷊inewe ual᷊ingu tau ene seng masingkạ u toratu agaman Yahudi kaiso kawe ual᷊ingu mẹ̌kẹ̌koạ apang kụ mạbawohẹ su ral᷊ungu toratẹ̌ e.

¹⁴Taumatam bansa wal᷊ine e wěgawen toratʼu Yahudi. Kai kereu i sire su kapulun sire hala e měmpẹ̌kẹ̌koạbe apang ilẹ̌atoru toratẹ̌ ute naung i sire hala e nẹ̌koạbe tiahaʼn sire, maningbe i sire wěgan toratʼu Yahudi.

¹⁵Kakanoạ i sire e měmpẹ̌nodẹu apan ilẹ̌atorʼu toratẹ̌ mạbawohẹ su naung i sire. Kasingkạ u naung i sire e mal᷊aing měmpẹ̌sẹ̌sahidin hal᷊ẹ̌ ene, u i sire hala kạdingạ ipẹ̌sẹ̌sal᷊a ringangu kạdingạ l᷊ai nẹ̌tatahino ual᷊ingu tiněnnan sire.

¹⁶Kerene sarung mariadi su ěllone kụ seng nitantu ene. Su ěllo ene — tuhụewe Injilẹ̌ takụ nịbawombeng — Mawu Ruata sural᷊ungken Yesus Kristus, sarung měhukung kal᷊awọu rahasian dal᷊ungu naung dingangu sipirang u kěbị taumata.

¹⁷Kai orasẹ̌ ini e kereapạe i kamene manga anạ u sěmbaụ? I kamene něngakuwen batangeng i kamene tau Yahudi. I kamene mạngumbalang toratʼu Yahudi ringangu i kamene lụl᷊uasu pẹ̌kakauhʼi kamene ringangu Mawu Ruata.

¹⁸I kau nakaěbạ manga těntiro wọu tita ene, hakịu i kau mạsingkạ u kapulun Mawu Ruata e ringangu i kau masingkạ mẹ̌tilakehu sude mapia.

¹⁹I kau e mạngiaking u i kau kai měngangahạ tau wuta ringangu tualagẹ̌ baugi sire sumarěndung;

²⁰i kau e mananěntiro taumata l᷊ongong dingangu mananěntiro taumata wodo. I kau mangiaking u su ral᷊ungu toratʼu Yahudi e, i kau mạnaghuang patikụ kasingkạ dingangu těntiro kahěngang.

²¹I kau mạněntiro taumata wal᷊ine; kụ unụe i kau tawe mananěntiro watangeng u hala? I kau mẹ̌sẹ̌sěding taumata mědeạu kumbahang mẹ̌tako, kụ unụe i kau sẹ̌sanu mẹ̌tẹ̌tako!

²²I kau mạněntiro taumata kumbahang mawuang, ral᷊iune i kau sẹ̌sanu nawuang! I kau e mẹ̌bẹ̌binsịu mahang duata e, sumbal᷊iau kawe i kau sẹ̌sanu měngẹ̌ngal᷊ạ manga apal᷊iwụ bọu wal᷊eng mahan duata.

²³I kau lụl᷊esạ u i kau mạnaghuangbe torati Musa, ral᷊iune kawe i kau něhinakang Duata mase tawe timuhụ hengetangʼE.

²⁴ Su ral᷊ungu Winohẹ Susi e mạbawohẹ kere ini: ”Ual᷊ingu i kamene taumatan Yahudi, ute areng u Mawu Ruata sẹ̌samedang sutal᷊oaran manga wansa wal᷊ine.”

²⁵Kamageng i kau matuhụ su toratʼu Yahudi ute sunatʼu e mal᷊aing piạ gunane. Kai kereu i kau měngkate lai lụlampa toratẹ̌ ene, ute sunatʼu e semben tawẹ ual᷊ine.

²⁶Kereu sěngkatau wal᷊ine Yahudi e kụ tawe nisẹ̌sunatẹ̌, kai měsẹ̌sěmpị toratʼu Yahudi, kụ bal᷊inewe irekeng u Mawu Ruata e kere sěngkatau wọu nisunatẹ̌ ngae?

²⁷Kụ i sire apan ta nịsasunatẹ̌ e sarung mapẹ̌sal᷊ang kau sěngkatau tau Yahudi u i kau kai mạnaghuang toratʼu Yahudi ringangu i kau kawe nisunatẹ̌, kutẹu i kau kawe limampa toratẹ̌ ene. I sire tawe nisunatẹ̌, kutẹu i sire mẹ̌gěngganapẹ̌be toratʼu Yahudi.

²⁸Batụu tau Yahudi patutune e, bal᷊inewe kětạeng arenge tau Yahudi e dingangu taumata kụ kahěnga-hěngang nisunatẹ̌ e bal᷊inewe taumata kụ nisunatẹ̌ tuhụ mạbadang samatang.

²⁹ Ral᷊iune tau Yahudi tutune e, i sie kai piạ naungu Yahudi, ringangu sunatẹ̌ tutune ute kai sunatʼu ral᷊ungu naung nipẹ̌karadiahang u Rohkẹ̌ u Ruata, wal᷊inewe kětạeng kạbawohẹ su ral᷊ungu bukẹ̌. Taumata kerene tangu makatarimạ daralo wọu Mawu Ruata, wal᷊inewe wọu taumata.