Read Sangir YOSUA 16 Bible Online

YOSUA 16 - Sangir bible

YOSUA 16

¹Manga kěhịu pẹ̌saraěngu ěntana kụ nitěbọ baugu pal᷊ahěnton Yusup, nanětạ bọu Sal᷊ụ u Yordan maraning Yerikho sěmběkan daki wọu manga simbul᷊u akẹ u Yerikho sarang banua l᷊inggi. Bọu Yerikho běhị ene nasaka sarang Betel su wanua wawul᷊urange.

²Bọu Betel běhị e ene natěpasu Lus, simaheng Atarot, kụ kai katatakengu tau Arki.

³Bọu ene běhị e ene riměsung sarang sěmběkam Bahẹ su wanuan tau Yaflet, sarang Bet-Horon-Tol᷊ene turusẹ̌ u Gezer, bọu ene nahěpusẹ̌ su L᷊audẹ̌ Tal᷊oara.

⁴Kai ene e wanua nionggọ su ghal᷊ipohong Manasye ringangu Efraim, hiten Yusup, mẹ̌deạu makoạ ěntana pusakạ i sire.

⁵Tuhụe ute kai manga pẹ̌saraěngu ěntana kụ nionggọ su manga walagẹ̌ su ral᷊ungu ghal᷊ipohong Efraim. Su sěmběkan daki, běhịu pẹ̌saraěngu ěntanan sire nanětạ bọu Atarot-Adar sarang Bet-Horon-Ul᷊une,

⁶bọu ene turusẹ̌ nẹ̌timona sarang Laudẹ̌ Tal᷊oara. Mikhmetat napěllọ su sěmběkan sawěnahẹ̌. Su sěmběkan daki wọu kěhịu pẹ̌saraěng ene nělenga sarang Taanat-Silo, bọu ene nělenga wọu sěmběkan daki nẹ̌timona sarang Yanoah.

⁷Bọu tampạ ene běhịe ene narěsung sarang Atarot dingangu Naharat, mase simělle Yerikho, kụ nahěpusẹ̌ su Sal᷊ụ u Yordan.

⁸Su sěmběkam bahẹ běhịu pẹ̌saraěngu Efraim ene nanětạ bọu Tapuah sarang anạ u Sal᷊ụ u Kana bọu e nahěpusẹ̌ su L᷊audẹ̌ Tal᷊oara. Kụ kai ene ěntana nionggọ su manga walagẹ̌ bọu hěntong Efraim, mẹ̌deạu makoạ tataghuaneng i sire,

⁹narekeng lai soa rarodọ pira-pira ringangu kamponge su wanuang Manasye.

¹⁰ Kai hěntong Efraim tawe nakatokol᷊u tau Kanaan bọu wanuang Gezer. Kụ kai ual᷊ingu ene sarang orasẹ̌ ini tau Kanaan bědang mạtanạ su Gezer sěngkakatanạ dingangu tau Efraim, kaiso i sire nisihasa piněhal᷊ẹ̌ kere ěllang baugu tau Efraim.