Read Sangir YOSUA 19 Bible Online

YOSUA 19 - Sangir bible

YOSUA 19

¹Pahiạ karuane ute kai ěntana waugu manga walagẹ̌ su ral᷊ungu hěnton Simeon. Pẹ̌saraěngu ěntanan sire kai nasuẹ̌ sarang pẹ̌saraěngu ěntana tataghuanengu hěnton Yehuda.

² I sire nighělikangu soa mapul᷊o těllu ringangu manga kampong su rěduhe: Bersyeba, Syeba, Molada, Hazar-Sual, Bala, Ezem, Eltolad, Betul, Horma, Ziklag, Bet-Hamarkabot, Hazar-Susa, Bet-Lebaot, dingangu Saruhen.

⁴

⁵

⁶

⁷Piạ lai soa ěpạ dingangu manga kampong su rěduhe: Ain, Rimon, Eter, dingangu Asan.

⁸Nasowa l᷊ai kal᷊awọu manga kampong su rěduhu manga soa ene, sarạeweng karaung Baalat-Beer (kụ kai Rama) su ěntana su sěmbekan timuhẹ̌. Inie wanua nighěllị su manga walagẹ̌ bọu ghal᷊ipohong Simeon nakoạ bahageang i sire e.

⁹Ual᷊ingu ěntana waugu hěnton Yehuda e tumanịu ghẹ̌guwạ tangu sěmbahageang nionggọ su ghal᷊ipohong Simeon e.

¹⁰Pahiạ katěllune ute kai ěntana nawahageang su manga walagu ghal᷊ipohong Zebulon. Pẹ̌saraěngu ěntana kụ nionggọ si sire ute nịdating sarang Sarid.

¹¹Bọu Sarid, kěhịu pẹ̌saraěng sěmběkam bahẹ mẹ̌tẹ̌timona sarang Marala, mase nịdatingu Dabeset dingangu lelangu sal᷊ụ su sěmběkan daki wọu Yokneam.

¹²Kěhịu pẹ̌saraěng su sěmběkan daki e nanětạ bọu Sarid sarang pẹ̌saraěngu Khislot-Tabor, turusẹ̌ sarang Dobrat, bọu e simaka sarang Yafia.

¹³Bọu ene kěhịu pẹ̌saraěng ene e turusẹ̌ u sěmběkan daki sarang Gat-Hefer dingangu Et-Kazin, mase nělenga sarang Nea nahumpạu Rimon.

¹⁴Su sěmběkan sawěnahẹ̌, pẹ̌saraěngu ěntana ene nělenga sarang Hanaton dingangu nẹ̌kětạu Wal᷊ang Yiftah-El.

¹⁵Su weọ u ghal᷊ipohong Zebulon e nataho l᷊ai: Katat, Nahalal, Simron, Yidala, ringangu Betlehem. Banuan sire ene e nanahiangkung soa mapul᷊o dua ringangu manga kampong mạngělikụe.

¹⁶Kal᷊awọu soa ringangu manga kampong ene tangu nataho su ral᷊ungu wanua kụ nionggọ su manga walagẹ̌ su ral᷊ungu hěnton Zebulon nakoạ ěntana pusakạ i sire e.

¹⁷Pahiạ kaěpạ e kai ěntana nakoạ su manga walagẹ̌ su ral᷊ungu ghal᷊ipohong Isakar.

¹⁸Nasowa su ral᷊ungu wanuan sire e kai: Yisreel, Khesulot, Sunem,

¹⁹Hafaraim, Sion, Anaharat,

²⁰Rabit, Kisyon, Ebes,

²¹Remet, En-Ganim, En-Hada, ringangu Bet-Pazes.

²²Pẹ̌saraěngu ěntanan sire nịdatingu Tabor, Sahazima, Bet-Semes, mase nahumpạu Sal᷊ụ u Yordan. Banuan sire ene něnahiangkung soa mapul᷊o ěnnung dingangu manga weọ e nangělikụ.

²³Kal᷊awọu manga soa ringangu manga kampong ene kaěbakeng su ral᷊ungu wanua nionggọ su manga walagẹ̌ ghal᷊ipohong Isakar tadeạu makoạ ěntana pusakạ i sire.

²⁴Pahiạ kal᷊imane e kai ěntana makoạ su manga walagẹ̌ ghal᷊ipohong Asyer e.

²⁵Banuan sire nanahiangkung: Helkat, Hali, Beten, Akhsaf,

²⁶Alamelekh, Amad, dingangu Misal. Pẹ̌saraěngu ěntanan sire su sěmběkam bahẹ nịdatingu Wul᷊udu Karmel dingangu Sal᷊ụ u Libnat.

²⁷Bọu ene kěhịu pẹ̌saraěng i sire e nělenga sarang sěmběkan daki sarang Bet-Dagon, bọu ene nịdatingu pẹ̌saraěngu Zebulon dingangu Wal᷊ang Yiftah-El nẹ̌timona sawěnahẹ̌ sarang Bet-Emek dingangu Nehiel. Mase kěhịu pẹ̌saraěng ene e turusẹ̌ lai nẹ̌timona sawěnahẹ̌ sarang Kabul,

²⁸Ebron, Rehob, Hamon, dingangu Kana, sarang karaun Sidon.

²⁹Bọu ene kěhịu pẹ̌saraěng ene e němiku sarang Rama turusẹ̌ sarang soan Tirus, kụ kai soa sěmbaụ piạ těndạ e; bọu ene kěhị u pẹ̌saraěng ene e nělenga sarang Hosa kụ nahěpusẹ̌ su L᷊audu Tal᷊oara. Su ral᷊ungu manga pẹ̌saraěng ene nataho Mahalab, Akhzib,

³⁰Uma, Afek, dingangu Rehob. Kasěllahu wanuan sire něnahiangkung soa ruam pul᷊o ringangu manga kampong su rěduhe.

³¹Kal᷊awọu soa ringangu manga kampong ene, kaěbakeng su ral᷊ungu wanua kụ nionggọ su manga walagu ghal᷊ipohong Asyer mědeạu makoạ ěntana pusakạ i sire.

³²Pahiạ kaěnnunge ute kai ěntana waugu manga walagẹ̌ su ral᷊ungu hěnton Naftali.

³³Pẹ̌saraěngu ěntanan sire e nanětạ bọu Helef, sarang kalung ek su Zaananim, turusẹ̌ u Adami-Nekeb, mase sarang Yabneel, nẹ̌kětạ u Lakum, mase nahumpạu Sal᷊ụ u Yordan.

³⁴Bọu tampạ ene kěhịu pẹ̌saraěngu ěntana ene nělenga sarang bahẹ sarang Aznot-Tabor, dingangu wọu tampạ ene sarang Hukok. Su sěmběkan timuhẹ̌ bọu wanua ene mẹ̌sẹ̌sara ringangu wanuan Zebulon, su sěmběkam bahẹ dingangu Asyer, dingangu su sěmběkan daki, ringangu Sal᷊ụ u Yordan.

³⁵Kal᷊awọu soa piạ těndạe ute kai: Zidim, Zer, Hamat, Rakat, Kineret,

³⁶Adama, Rama, Hazor,

³⁷Kedes, Edrei, En-Hazor,

³⁸Yiron, Migdal-El, Horem, Bet-Anat, dingangu Bet-Semes. Kasěllahu wanuan sire nanahiangkung soa mapul᷊o sio ringangu manga kampong su rěduhe.

³⁹Kal᷊awọu soa ringangu manga kampong ene kaěbakeng su ral᷊ungu wanua kụ nionggọ su manga walagẹ̌ su ral᷊ungu hěnton Naftali waugu makoạ ěntana pusakạ i sire.

⁴⁰Pahiạ kapitune ute kai ěntana makoạ su manga walagẹ̌ ghal᷊ipohong Dan.

⁴¹Banuan sire ene nanahiangkung Zora, Esytaol, Ir-Semes,

⁴²Saalabin, Ayalon, Yitla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yehud, Beneberak, Gat-Rimon,

⁴⁶Me-Yarkon, Rakon, dingangu l᷊ai wanua mạngělikụ Yope.

⁴⁷ Taumatang hěnton Dan seng kinailangengu sěmbahageang bọu wanuan sire,[8] kụ i sire nakoạ sarang Lesem, dingangu něnekẹ soa ene. I sire němul᷊aho, němate tumanạ e ringangu nakakaiang su soa ene. Mase natanạ e i sire sene kụ němal᷊ui arengu soang Lesem, ene nakoạ soang Dan tuhụewe arengi upung i sire.

⁴⁸Kal᷊awọu manga soa ringangu manga kampong ene kaěbakeng su ral᷊ungu wanua kụ nionggọ su manga walagu hěnton Dan baugu makoạ pusakạ i sire.

⁴⁹Sarangke pěmamahiạu ěntanan tau Israel nasuẹe su wanua ene i sire něngonggọu ěntana sěmbahageang si Yosua anạ i Nun baugu makoạ pusakạ e.

⁵⁰Kerẹewe seng niparentan MAWU, i sire něngonggọu soa rẹ̌dorongange si sie kụ kai: Timnat-Serah su wawul᷊urangu Efraim. I Yosua němangung kapia soa ene, bọu ene nẹ̌tanạ sene.

⁵¹Kerene i Imang Eleazar, i Yosua e anạ i Nun, dingangu manga matimadu walagẹ̌ su ral᷊ungu manga hěnton tau Israel nẹ̌papahiạu ěntana su tampạ ene ringangu něnawụ lotẹ̌ baugu mẹ̌dorong laahạ bọu anun MAWU. I sire nẹ̌koạ ene su Silo, su těngon tukadu Tentam MAWU. Kụ nauadipe pẹ̌papahiạu ěntana ene.