Read Sangir 2 TIMOTIUS 1 Bible Online

2 TIMOTIUS 1 - Sangir bible

2 TIMOTIUS 1

¹ Timotius, anạku ikẹ̌kěndagẹ̌! Iạ, i Paulus němohẹ u suratẹ̌ ini e si kau, ringangu kụkạkindoạ u karimạko Ruata i Amang dingangu Mawung kitẹ i Yesus Kristus měngonggọu al᷊amatẹ̌, tatal᷊ěntụ dingangu karal᷊unsemahẹ̌ si kau. Ual᷊ịeng kapulun Duata ute, iạ e nihengkẹ nakoạ darolohang i Kristus Yesus dingangu nirolohẹ̌ pělẹ̌habarʼu pẹ̌bawiahẹ̌ kinẹ̌don Duata. Pẹ̌bawiahẹ̌ ene kai kinatarimạ i kitẹ ual᷊ingu kasasěmbaụ i kitẹ e ringangi Kristus Yesus.

³Iạ makitarimakasẹ su Mawu Ruata takụ nitangkianengu naung burẹ̌si kere nạung seng nawahẹ̌ta kal᷊amona wọʼi i upung. Iạ e měngkai hanesẹ̌ makitarimakasẹ su Mawu Ruata apạeweng kasaune iạ makatahěndung si kau su ral᷊ungu kal᷊iomaneng, baẹ ěllo arau waẹbe hẹ̌bi.

⁴Iạ e makạtahěndung kasasusan dal᷊ungu naungu. Kai ene hakịu mang měkẹ̌kahumangu saụ mẹ̌sombang i kau tadeạu naungku e měngkai mal᷊uasẹ̌.

⁵ Iạ e nakatahěndungke pěngangimangu masěga-sěgadẹ̌ si Kristus, kerẹewelai nạung pangangimangi nenẹ u i Lois dẹ̌duan ninangu i Eunike. Kụ iạ e mạngiral᷊ingu i kau e mal᷊aing mangimang kerene.

⁶Hakịu ene iạ e mapẹ̌tahěndung si kau tadeạu mapẹ̌biahʼu tatal᷊ěntụ laonggọ u Mawu Ruata e si kau su tempong iạ e naněllịdu l᷊imaku e su pusigu.

⁷U Rohkẹ̌ u Ruata niapakawuạ u Mawu Ruata si kitẹ e, wal᷊inewe, Rohkẹ̌ kụ makạkatal᷊o si kitẹ. Kaiso kawe Rohkẹ̌ napenẹu kakěndagẹ̌ dingangu pẹ̌tatingkẹ̌dang.

⁸Ual᷊ingu ene tangu abe kamea mẹ̌sahiding Mawung kitẹ e ringangu abe lai kameang iạ e natahungkụ ual᷊ingu i Sie. Kaiso, kawe i kau ringangu kuatʼu Mawu Ruata, měngkai pẹ̌dararagʼu sunsara waugʼu Injilẹ̌.

⁹Duata e měngambang si kitẹ dingangu mẹ̌kui si kitẹ e tadeạu makoạ taumatane sẹ̌sane. I Sie mẹ̌kẹ̌koạ kerene wal᷊inewe ual᷊ingu apan seng kinoạ i kitẹ e, kaiso kawe ual᷊ingu tingirange hala ringangu tatal᷊ěntụʼE nilahẹʼE wọʼi Kristus Yesus kal᷊amonan dunia e reng tawe nịdiadi.

¹⁰Kụ orasẹ̌ ini e, Ruata e seng nělahẹu tatal᷊ěntụʼE si kitẹ naparěntan Datu Mananal᷊amatʼi kitẹ i Kristus Yesus. I Yesus e namatạ kawasan papate ringangu napakal᷊ahẹu pẹ̌bawiahẹ̌ tutune e su ral᷊ungu Injilẹ̌ ene.

¹¹ Kai waugu měhabaru Injilẹ̌ e Ruata něnduị u iạ e nakoạ darolohang dingangu mananěntiro.

¹²Kai ene hakịu iạ nẹ̌tatahangu kěbị ini, kaiso iạ e těbewe mạngiaking, u iạ e masingkạ-singkạbeng i sain takụ pẹ̌ngimangeng. Iạ e mangimang bue u apạeweng seng niumbalane si siạ e,[1] i Sie mang makariagạ u ene sarang Ěllong Kiamatẹ̌.

¹³Tuhukeweng kasěllahu naung těntirong katěngadẹ̌ kụ seng takụ nionggọ si kau. Kụ i kau měngkai pạngumpaedẹ̌be pangangimang dingangu kakěndagẹ̌ kụ seng nakoạ tataghuaneng i kitẹ ual᷊ingu nasěmbaụ dingangi Yesus Kristus.

¹⁴Dingangu tul᷊umangu Rohkẹ̌ u Ruata e kụ seng biahẹ̌ su ral᷊ungi kitẹ e, ute měngkai pakal᷊ukare pakapia patikụ munara mal᷊aarẹ̌ga kụ seng niumbala si kau.

¹⁵I kau masingkạ u patikụ taumata su kaguwạu Asia e seng timal᷊ikudẹ̌ si siạ, su ral᷊unge i Figelius dingangi Hermogenes.

¹⁶Kai arawe ral᷊ohon bal᷊en Onesiforus seng masau mapakahaěngu naungku e. Mal᷊owọko Mawu e mělahẹu kakěndagʼE si sire. Manịeng iạ e su ral᷊ungu tahungkụ kai i Onesiforus tawe mamameang kakakoạku.

¹⁷Ene iạ narěntạe su Roma e, i sie měngkatewe nědeạ dal᷊engu makapẹ̌sombangu iạ.

¹⁸Dingangu i kau masingkạ u su Efesus, i sie měngkatewe mẹ̌tẹ̌tul᷊ung siạ. Karimạko Mawu e mělahẹu kakěndagʼE si sie su ěllon Mawu e mapatiral᷊ang kaadile su patikụ umatẹ̌ e.