Read Sangir IBRANI 8 Bible Online

IBRANI 8 - Sangir bible

IBRANI 8

¹ Banggilu patikụ pal᷊ahumbisara ini ute: I kitẹ kai mạnaghuang Imang i kitẹ Mawantugẹ̌ e kerene, kụ mạiang su koanengu Mawu Kasěllahenge su sorga kụ sěngkapẹ̌parenta ringangʼE.

²I Sie mẹ̌děndal᷊eng u munarang sěngkatau Imang Mawantugẹ̌ e su Huang Kasusiange, kụ su ral᷊ungu Selong Mawu tutune, kụ nirarisị u Mawu e, wal᷊inewe ual᷊ingu kinoạ u taumata.

³Apang imang mawantugẹ̌ e niruị baugu iapạngěntudẹ̌ sasěmba arau laonggọ su Mawu Ruata. Kerene lai Imang i kitẹ Mawantugẹ̌ e; i Sie harusẹ̌be piạ manga apa-apa waugu isěmbane.

⁴Mangạewe i Sie ene su dunia ini, ute i Sie angkeěng tawe nakoạ imang, batụu kai seng piạ imang kụ měngẹ̌ngěntudu sasěmba tuhụewe tilakehu toratʼu agamang Yahudi.

⁵ Hal᷊ẹ̌ kẹ̌koateng i sire manga imang tumuhụ dal᷊enge ute kětạeng sěmbaụ sul᷊unge ringangu kěngkaung apạeweng su ral᷊ungu sorga e. Kụ ene sembeng niul᷊ịu Mawu Ruata e, si Musa nạung kal᷊amona, piạ i Musa nạung mapulu měmětị Selong Mawu e. Mawu něhengetang si Musa kere ini, ”Pakapia wue! Kěbị e harusẹ̌be koạ u tuhụewe umbaghane kere nitodẹ si kamene su wowong bul᷊ude.”

⁶Arawe orasẹ̌ ini tangu Mawu Yesus e kinawuakengu pangkatẹ̌ imang limembong kawantuge marau wọuten nịkakoạ u manga imang ene. Batụu pẹ̌kakakědo nikoạʼE sutal᷊oarang Mawu Ruata ringangu taumata ute kai pẹ̌kakakědo kụ něngalembong kapiane ual᷊ingu niwalang kědo waugu kal᷊awọu munara limembong kapiane.

⁷Mangạewe tawẹ apa sungkal᷊ene su pẹ̌kakakědo humotong e, tangu seng hinong tawahal᷊uasu piạ pẹ̌kakakědo karuane.

⁸ Kai Mawu Ruata e seng nakaěbạ pẹ̌sasal᷊ang manga umatʼE, hakịu Mawu Ruata e něhengetang, ”Ene ěng, sarung mịdating tempone, Iạ sarung mẹ̌koạ pẹ̌kakakědo wuhu su tau Israel dingangu su tau Yehuda.

⁹Bal᷊inewe kere pẹ̌kakakědo kụ seng Takụ nikoạ baugu manga i upung i sire, su tempong Iạ něngahạ i sire niapasěbang bọu ěntanang Misirẹ̌ e. I sire tawẹ satiane su pẹ̌kakakědo Takụ kinoạ baugʼi sire; kụ ual᷊ingu ene tangu Iạ tawe mẹ̌sasěmpị si sire.

¹⁰Arawe orasẹ̌ ini tangu kai ini e pẹ̌kakakědo kụ sarung Takụ koateng baugu kawanuang Israel, suapạeweng ěllo ramahi kạděntane, ungkuěngu Mawu: Iạ sarung mapal᷊ohong tita-Ku e su ěndumang i sire, ringangu wohekang su naung i sire. Iạ sarung makoạ Duatan sire, ringangu i sire sarung makoạ kawanua-Ku.

¹¹I sire ta wahal᷊uasu mẹ̌tatěntiro lawọ sěmbalagheng, arau mẹ̌papaul᷊ị lawọ i sire anạ u sěngkatau, ’Kasingkạko Mawu Kasěllahenge.’ Batụu i sire kěbị, bọu ghaghuwạ sarang darodọ sarung masingkạ u Iạ.

¹²Iạ sarungbe mangampung kal᷊awọu pẹ̌sasal᷊an sire, ringangu sembelaing tawe mẹ̌tahěndung kal᷊awọu rosan sire.”

¹³Dingangu pěmamokạ u pẹ̌dariandi wuhu e sěmbaụ, Duata nẹ̌koạ pẹ̌dariandi humotong ene nakoạ maghurang dingangu natẹ̌be; dingangu apang kụ seng maghurang e sarung mal᷊ighạ lai maparung.