Read Sangir MANGA MĚLAHUKUNG 16 Bible Online

MANGA MĚLAHUKUNG 16 - Sangir bible

MANGA MĚLAHUKUNG 16

¹Piạ sěhěllo i Simson nakoạ sol᷊ong Gasa. Sene i sie nẹ̌sombangu sěngkatau tahapẹ̌sundal᷊ẹ̌ bọu e i sie nẹ̌tikị dingangu wawine ene.

²Tangú tumanạ u Gasa e nakaringihẹ̌ u i Simson kai ene sene. Kụ, i sire něhěbagẹ̌ tampạ ene kụ něngampal᷊ẹ̌ si sie karěngụeweng sěhěbi su pasěllangengu soa. Kaiso i sire tawe nakakoạ apa hěbi ene watụ u i sire mạngěnnau, ”Hědoweng kamagengu matangěllo suměpụ, buhụ e i kitẹ měmate si sie.”

³Kai i Simson tawe nẹ̌tikị sene sarang mal᷊ukadẹ̌. Kẹ̌kal᷊oarane i sie nẹ̌bangung kụ himaung tukadʼu pasěllangengu soa. I sie něnawụ tukadẹ̌ ene ringangu manga rihine ore lai manga papal᷊ene, sěngkasawụ. Mase i sie něhengkẹ papal᷊ene, tukadẹ̌ ene nipasaěnge su pal᷊ukane kụ niwawane sol᷊ong pusigu wul᷊ude su sěmběkang Hebron.

⁴Bọu ene i Simson kai piạ naunge masaria su sěngkatau wawine wọu Wal᷊an Sorek. Arengu wawine ene ute i Delila.

⁵Tangú riměntạ e i sire limang katau měngangawasang Pilistin su anun tau wawine ěndaị e kụ nẹ̌bera, ”Ologeko i Simson tadeạu i sie makapaul᷊ị si kau měnsang kai apa rahasiang katoghase, ringangu kereapa kakakoạ e mapakatadiseng katoghase ene. Ual᷊ingu ene tangú i kami e nakarěnta kụ něngikị si sie tadeạu měmatạ si sie. I kami e sěngkatau-sěngkatau něngonggọu roitẹ̌ sal᷊aka sěhiwu mahasụ su kal᷊ěpane.”

⁶Tangú angkuěng i Delila e si Simson, ”Simson kawe unụe i kau e kereng katoghase? Kai ikitang dingangu apa i kau e, tadeạu katoghasu e maul᷊e? Kěnangko habarẹ̌ kai apa rahasiane!”

⁷I Simson simimbahẹ̌, ”Kereu iạ ikitang u tal᷊i kakěting papitị pitum buạ kal᷊awọe kụ den tawe nạhěgu kahěngang kụ dem bědang buhu e, tangú iạ e seng mělome kụ makoạ kere taumata wiasa.”

⁸Bọu e měngangawasang Pilistin nengonggọ u tal᷊i kakěting papitị pitum bua kal᷊awọe kụ deng buhu tawe nạhěgu kahěngang si Delila. Mase těntal᷊ang tau Pilistin deng mạngampal᷊ẹ̌ su huange wal᷊ine, i Delila e něngikị si Simson dingangu manga tal᷊i ene kụ kạkuine, ”Simson! Tau Pilistin narěntạ!” Kụ i Simson apidu nemaměsụ manga tal᷊i ene. Manga tal᷊i ene něngkawěsụ kere banaěng naběsụ kinahinoěngu putung. Dahasiang katoghasi Simson deng tanikẹ̌kasingkateng.

⁹

¹⁰Mase angkuěng i Delila e si Simson, ”Ah, kontinu! I kau kětạeng mẹ̌tẹ̌taghunalang u iạ. Hotede, paul᷊ịko si siạ kai ikitang u apa i kau e tangu!”

¹¹Angkuěng i Simson, ”Kereu iạ ikitang u tal᷊i wuhu kụ bědang tawe nịpakẹ, iạ e mělome kụ makoạ kere taumata wiasa.”

¹²Těntal᷊ang tau Pilistin mạngampal᷊ẹ̌ su huange wal᷊ine, tangú i Delila nẹ̌ngal᷊a tal᷊i wuhu e piram bua, kụ nangikị si Simson. Bọu e i sie němansagẹ̌, ”Simson! Tau Pilistin narěntạ!” Kai i Simson naměsụ manga tal᷊i ene wọu l᷊imane kere tau naměsụ banang.

¹³Mase angkuěng i Delila si Simson, ”Ah, i kau sembeng kewe mẹ̌taghunalangu iạ e wue. Makonti i kau. Hotede paul᷊ịko kai ikitangu apa i kau e!” I Simson simimbang, ”Kereu tal᷊imbukung utạku pitu e takụ kauhang dingangu banang su apal᷊iwụ u kakahiwuang, mase ikitang su kalung apal᷊iwụ u kakahiwuang ene e, iạ e mělome ringangu makoạ kere taumata wiasa.”

¹⁴Tangú i Delila e napẹ̌tikị i Simson kụ bọu ene i sie nangauhẹ̌ tal᷊imbukung utạ i Simson pitum buạ su banang su apal᷊iwụ u kakahiwuange. Wọu ene nịlaikịe su kalung pakakasu kakahiwuang ene mase kimui, ”Simson! Tau Pilistin narěnta!” Tangú nẹ̌bangungke i Simson kụ něnawụ utạ e hakịu napěllọ bọu apal᷊iwụ u kakahiwuang ene.

¹⁵Bọu ene angkuěng i Delila si sie, ”Ah, i kau nẹ̌berạ u i kau e piạ naungu e si siạ, kutẹu naungu e kai marau wọu iạ! Seng katěllu sul᷊ene i kau e mẹ̌tẹ̌taghunalangu iạ, dingangu sarang orasẹ̌ ini e i kau mang tawe mapulu měhabaru kawe unụ e i kau e kawe kereng katoghase.”

¹⁶Ěllo-ěllo i Delila e měngkate hanesẹ̌ mẹ̌tẹ̌tuhědesẹ̌ dingangu mạnihasa, hakịu i Simson nasahẹ e rimaringihẹ̌.

¹⁷Kasueěnge naul᷊ị e i Simson dahasiane. ”Utạku e tawe nipẹ̌potọ sarang sěnsul᷊e,” angkuěng i Simson. ”Iạ e seng nisarakang su Mawu Ruata makoạ tataghuanenge sahị. Deng dokeng iạ kinawantelẹ̌ e, iạ e kai seng nakoạ sěngkatau ghaghěllị.[16] Kereu utạku e potokang, katoghasẹ̌ku e maul᷊e; kụ iạ e mělome, kụ makoạ kere taumata wiasa.”

¹⁸I Delila e nakapěndang u i Simson kai seng něhabaru rahasian dal᷊ungu naunge. Ual᷊ingu ene i sie něndohong habarẹ̌ ini su manga mangangawasang Pilistin, ”Děntako l᷊ai kadiongkate sěnsul᷊e ini. I Simson kai seng něhabaru rahasiane si siạ.” I sire mal᷊aing němpahunděnta kụ němpẹ̌bawa roitẹ̌ baugʼi Delila.

¹⁹Bọu ene i Delila e něndahi si Simson sarang kinahuntikilang su hiwane, bọu e i sie nẹ̌kui taumata kụ něngoro piněmotọ tal᷊imbukung utạ i Simson pitum buạ. Bọu ene i sie nanịgěsạ si Simson, batụu i Simson kai seng kinailangeng u katoghase.

²⁰Mase i sie nẹ̌kui, ”Simson! tau Pilistin narěnta!” I Simson nẹ̌bangung kụ i sie mạngiral᷊ing u i sie kai makatal᷊ang kere nạung su manga tempo napaghohẹ̌. I sie wěga wue u MAWU e kawe seng naněntang i sie.

²¹Tangú tau Pilistin něnamẹ si sie kụ něloẹ matane. I sire nẹ̌bawa si sie sol᷊ong Gasa kụ nilaikị u hante tambaga ruam bua, wọu e nitaho su ral᷊ungu tahungkụ. Paị sene i sie nioro piněnggiling.

²²Kai karěngụ u ene tangu utạ e saụewe nanětạ timuwo.

²³Piạ sahěllo i sire měngangawasang Pilistin kai němpẹ̌tampung nẹ̌sal᷊iwang kụ něgěllị u sasěmba masaria waugʼi Dagon, duatan sire. I sire němpẹ̌kantarị, ”Duatang kitẹ e seng něngonggọu kal᷊auntu nakawatạ si Simson, dokạ i kitẹ!”

²⁴Těntal᷊ang i sire kạpahul᷊uase i sire nẹ̌bera, ”Bawạ e si Simson damahi tadeạu i sie pal᷊ahul᷊ěgeěng i kitẹ!” Tangú i sire něngal᷊ạ e si Simson bọu tahungkụ, kụ i sie nakoạ dal᷊ěgeěng i sire. I sire něngoro si sie niapararisị sutal᷊oarang dihi ghaghuwạ darua. Ene sarangke taumata l᷊awọ e nakasilo si Simson, i sire nẹ̌suba si Dagon kạpẹ̌kantarị e, ”Duatang kitẹ e seng něngonggọu kal᷊auntu si kitẹ nakawatạ sekẹ nạung seng něnggolang banuang kitẹ e ringangu němate taumatang kitẹ e kereng kal᷊awọe!”

²⁵

²⁶Angkuěng i Simson su rariọ esẹ něngahạ i sie, ”Pěllọko l᷊imaku tadeạu iạ deng makaumbelẹ manga rihi tamai ini mạnuilẹ̌ godoěng ini, u iạ e kai mapulu měngunsarehẹ̌ sene.”

²⁷Godoěng ene nasěkidu taumata. I sire lima kawasang Pilistin e mal᷊aing ene sene. Kụ dasị su wowong godoěng ene e, kai piạ manga těllu hiwu su kataune. I sire kěbị e měmpẹ̌bẹ̌biala ringangu měmpẹ̌lẹ̌heghesẹ̌ si Simson.

²⁸Su tempo ene i Simson nẹ̌kal᷊iomaneng; i sie nẹ̌bera, ”O MAWU Karangetange, mal᷊owọko i Kau e rembeng mẹ̌tahěndung siạ. Mal᷊owọko reng saụ makaonggọu kuatẹ̌ lai si siạ kadiongeng den sěnsul᷊e ini e Mawu, tadeạu ual᷊ingu ini e iạ deng makawal᷊isẹ̌ tau Pilistin nạung seng němpěloẹ bakị u mataku ruam běka e.”

²⁹Bọu ene i Simson něngumbelẹ e rihi rarua ene sutal᷊oarane nakoạ tatuilʼu ghodoěng ene. Bọu ene kạpẹ̌nuileng takiahe kaihi su rihine sěmbua ringangu takiahe koaneng su rihinẹewe wal᷊ine e,

³⁰i sie nẹ̌kiạ u, ”Manilaing iạ mate sěngkapate ringangu taumatang Pilistin ini e!” Kụ dingangkeweng kasěllahu ihạ e i sie nanuhudẹ̌ manga rihi ene sarangkewe nahaka, kụ něngěpisẹ̌ si sire lima kawasang Pilistin dingangkewem patikụ taumata wal᷊ine apang ene sene. I Simson tangú mal᷊aing nate. Arawe su tempom papatene ene i sie seng němate taumata limembong kal᷊awọe wọu su tempom pẹ̌bawiahe.

³¹Bọu ene narěntạ e manga anạ u sěmbaụ e kụ něngal᷊ạewe maiete. I sire němpẹ̌bawa maiete ene pinakapul᷊ẹ, kụ nilěbing i sire su ral᷊ungu pěndal᷊ěbingang i Manoah, i amange. Lěbing ene e kaěbakeng su wěllạu Zora ringangu Esytaol. I Simson nakoạ pangahạ u Israel duam pul᷊o su taunge karěngụ e.