Read Sangir MANGA MĚLAHUKUNG 20 Bible Online

MANGA MĚLAHUKUNG 20 - Sangir bible

MANGA MĚLAHUKUNG 20

¹Tangú narěntạ e patikụ umatʼu Israel wọu Dan su sěmběkan sawěnahẹ̌ sarang Bersyeba su sěmběkan timuhẹ̌, dingangu Gilead su sěmběkan daki, waugu mitụ kakui ene. I sire nẹ̌tampung dingangu nẹ̌těngkasěmbaụ su Mizpa su těngom MAWU.

²Kal᷊awọe kai manga 400.000 su kataune sordado wọu wuntuangu rumal᷊ěngang. Těmbonange wọu apang hěntong Israel mal᷊aing něngkasongo sene.

³Těntal᷊ang ene tangu taumatang hěnton Benyamin seng nakaringihẹ̌ u kal᷊awọu apan tau Israel bal᷊ine e kai seng němpẹ̌tampung su Mizpa. Tangú nakiwal᷊oko tau Israelẹ̌ e su tau Lewi kụ dokạ e ene kinapatẹ e, ”Kěnnangko pẹ̌běke si kami kereapa karal᷊akise ene nariadi!” Tau Lewi ene simimbang, ”Iạ dingangu rokạku e notong su Gibea su ěntanam Benyamin kụ nẹ̌tikị sene.

⁴

⁵Bọu ene tau Gibea riměnta su tempong hěbi kụ mẹ̌deạ si siạ. I sire něliwung bal᷊e pẹ̌tatanakengku piạ timonane měmate si siạ, kai wọu ene i sire nẹ̌kabasarang dokạku e sarangkewe nate.

⁶Kụ iạ něngal᷊ạ maiete kụ takụ nipẹ̌papapotọ, bọu e takụ niringọ si sire hitene mapul᷊o dua wansang kitẹ sěngkatau-sěngkatau pẹ̌sěmpotọ. Iạ nẹ̌koạ hal᷊ẹ̌ ene ual᷊ingu tau Gibea e kawe seng nẹ̌koạ hal᷊ẹ̌ dal᷊akisẹ̌ makạmamea sutal᷊oarang kawanuang Israel.

⁷I kamene kěbị apang sini e kai tau Israel. Kụ ini e iạ mẹ̌dorong tadeạu i kamene makatimbang!”

⁸Tangú sěngkahindọ i sire apang němpẹ̌tampung sene e dimarisị kụ nẹ̌bera, ”I kitẹ kěbị e tawe wotonge piạ u mapul᷊ẹ sol᷊ong pẹ̌darasengang su tenta arau sol᷊ong bal᷊e.

⁹Seng ini e sarung koateng i kitẹ: I kitẹ seng nẹ̌gagholọu lahurị pěnantuangu i sai hinong pěngalo Gibea.

¹⁰Sěngkatahạpul᷊one wọu kěbị manga esẹ u Israelẹ̌ e harusẹ̌ měnadiang kaěng baugʼi sire apang mẹ̌sekẹ. Bal᷊ine e wue tangu tamai měngalo Gibea mědeạu pěhukung si sire ual᷊ingu karal᷊aị seng nikoạ i sire, sutal᷊oarang kawanuang Israelẹ̌ e.”

¹¹Kerene kakoạ e tau Israel nẹ̌těngkasěmbaụ měngalo Gibea.

¹²Bọu ene umatʼu Israel něndolohu taumata sol᷊ong patikụ banuang hěnton Benyamin baugu apạul᷊ịu habarẹ̌ ini: ”Kai karal᷊akisẹ̌ apa nạung seng nariadi si kamene?

¹³Sarakangke kal᷊awọu taumata matatingkaị e wọu Gibea si kami, tadeạu i kami e měmate si sire, kụ ual᷊ingu kawe kerene tangu i kami e měmate si sire ringangu měngupu karal᷊akisẹ̌ ene e wọu tal᷊oarang Israel.” Arawe hěntom Banyamin e tawe nẹ̌pandung baweran sire tau Israel bal᷊ine e.

¹⁴Sal᷊a anune wọu patikụ soa su wanuam Benyamin ene e taumatam Benyamin diměnta su Gibea kụ měmpanekẹ taumatang Israel bal᷊ine e.

¹⁵Ěllo ene tangú i sire něnampungu sordado wọu apan soa e kụ kakẹ̌pal᷊e i sire 26.000 su kataune. Sul᷊iung ene tangú, tumanạu Gibea hala e seng bọu něnampung i sire nipile kal᷊awọe pitu hasụ su kataune. Kěbị e taumata mělahal᷊ẹ̌ u limane kaihi kụ pelesa su hal᷊ẹ̌ u měmahungu watu piạ pahụ e utạ. Sěngkatau-sěngkatau wọu i sire e makawahung u watu pẹ̌tahạ sěmbaụ e kụ tawe mananawo sarang kadodọ.

¹⁶

¹⁷Arawe su sěmběkan tau Israelẹ̌ bal᷊ine e seng nakomol᷊ẹ̌ sordado e kal᷊awọe ěpạ u hasụ su hiwune su kataune apan seng narapal᷊ẹ̌.

¹⁸Sordadong kawanuang Israelẹ̌ e nakoạ sol᷊ong tampạ pẹ̌kakal᷊iomanengang su Betel, ringangu nakiwal᷊o su Mawu Ruata, ”O MAWU, kai pal᷊ahiten sai wọu i kami e harusẹ̌ kahumotongange tamai měnekẹ hěntom Benyamin?” MAWU e simimbang, ”Hěnton Yehuda.”

¹⁹Sěngkariọěllone mal᷊ukadẹ̌ nẹ̌buạ e i sire kụ nẹ̌daseng su rẹ̌duhu soang Gibea.

²⁰I sire seng naměllọu ghapaěng u mẹ̌sasekẹ i sire e mẹ̌tẹ̌těngon soa ene e kụ něngalọ e.

²¹Tangú wuntuang u sekẹ i Benyamin mal᷊aing nahunsěbang kụ něnekẹ lai apidu němate ruam pul᷊o dua hiwu su kataune sordadong Israelẹ̌ e su ěllo ene lai.

²²Ual᷊ingu ene kinawatạ e, kụ tau Israelẹ̌ e nahunsuẹ̌ e su ral᷊ungu tampạ u pẹ̌kakal᷊iomanengang kụ němpẹ̌sangị su MAWU paị sene sarangkewe nahěbi. I sire nakiwal᷊o, ”MAWU, unụe i kami kai harusẹ̌ lai tamai měnekẹ manga anạ u sěmbaụ i kami hěntom Benyamin tangu?” MAWU e simimbang, ”Ho, tamaịe.” Ual᷊ingu ene wuntuang u sekẹ u Israelẹ̌ e saụewe napia ihạ e, kụ i sire saụ e něhundugẹ̌ buntuang i sire pinakapia kere su ěllo humotong.

²³

²⁴Baugu karua sul᷊ene i sire tamaị e wue něnekẹ buntuangu sekẹ u hěntom Benyamin ene.

²⁵Kụ su karua sul᷊ene lai pal᷊ahěntom Benyamin ene němpahunsěbang něngalo. Sěnsul᷊e ini i sire němpěmate sordadong Israelẹ̌ 18.000 su kataune maral᷊intoị e.

²⁶Tangú saụewe kapia kawanuang Israel nakoạ sol᷊ong Betel dingangu nahungkiạ su MAWU. Sene i sire němpẹ̌puasa sarang nahěbi kụ němpěnarakangu sasěmbam pẹ̌darame ringangu sasěmba tẹ̌tongkateng baugu MAWU e.

²⁷Su tempo ene Petim Pẹ̌dariandim Mawu Ruata e ene su Betel, dingangu i Pinehas anạ i Eleazar, pulung i Harun, mạmunarang karadiahang u sěngkatau imang. Tangú nakiwal᷊ọe tau Israel su MAWU, ”MAWU, unụe i kami e harusẹ̌ lai tamai tangu měnekẹ manga anạ u sěmbaụ i kami pal᷊ahěntom Benyamin ene, arau kai harusẹ̌ měngědungu pẹ̌sasekẹ ini?” MAWU e simimbang, ”Alo e i sire! Dịěllo Iạ e hědong měngonggọu kal᷊auntu si kamene.”

²⁸

²⁹Nakaringihe sasimbangu MAWU e kerene, tau Israel naměllọu sordadon sire suapan tampạ mapěnisẹ̌ su Gibea nal᷊ikụ.

³⁰Bọu e su ěllo katěllune i sire němpěngalo wuntuangu mẹ̌sasekẹ i Benyamin dingangu atoru wuntuange tụtatěngo Gibea, kerẹewe seng nịkakoạ i sire suapạeweng ěllo kal᷊imona.

³¹Taumatam Benyamin mal᷊aing němpěngalo, ringangu nikasahowongangu mahunsěbang bọu soa. Kerẹewe seng bọu nariadi e, i sire nanětạ e němpamate tau Israel su wanua nawuka sul᷊ikudʼu soa su ral᷊eng mẹ̌timona sol᷊ong Betel dingangu su ral᷊eng mẹ̌tẹ̌timona sol᷊ong Gibea. Těllum pul᷊o su kataune tau Israel kinapate.

³²Ual᷊ingu ene ghal᷊ipohom Benyamin mạngěnna u i sire kai seng nakawatạ tau Israel ene kapia kerẹ e nạung kal᷊imona. Kaiso sordadong Israel seng něhingidẹ̌ u mahunsohọ tadeạu měnahowong sordadong Benyamin ene mahunsěbang sol᷊ong manga ral᷊eng gěguwạ, maraun soa.

³³Ene piạ e wuntuangu Israel sahị e němpẹ̌sohọ, dingangu saụ něhundugẹ̌ buntuange kapia su Baal-Tamar, taumatan sire kụ nipěllọ su Gibea mạngělikụ e, měngkawe lighạ nahunsěbang bọu tampạ u pẹ̌kakěmbuniang i sire su l᷊ikudʼu soa.

³⁴I sire ene e kai taumata pinile wọu kal᷊awọu tau Israel; kụ kakěpal᷊e 10.000 su kataune. Ene nariadị e pẹ̌sasekẹ marehe su piạ i sire 10.000 su kataune ene něnekẹ Gibea e. I sire ghal᷊ipohom Benyamin tawẹ apawe konsangu i sire kawe tạ kararěngụ e i kawatạ.

³⁵MAWU e něngonggọu kal᷊auntu su tau Israel nakawatạ ghal᷊ipohom Benyamin, hakịu su ěllo ene tau Israel němate si sire 25.100 su kataune sordadom Benyamin.

³⁶Buhụewe ghal᷊ipohom Benyamin e nakahěngang u i sire kai seng kinawatạ. Buntuangu sekẹ u Israel sahị e nẹ̌tatudẹ nahuntal᷊ang bọu anun sire ghal᷊ipohong Benyamin ual᷊ingu i sire mạngumbalang taumatan sire e suapan tampạ pẹ̌kẹ̌kěmbuniang i sire su Gibea mạngělikụ e.

³⁷I sire měmpẹ̌kẹ̌kěmbuni e masahawụ-sahawụ němpẹ̌suẹ̌ něngalo Gibea; i sire němpẹ̌sasahawụ suapan tampạ su ral᷊ungu soa ringangu němpěmate kal᷊awọu taumata sene.

³⁸Kai i sire seng sěngkanaung kal᷊imona u kamagengu piạ tipu masuwenehẹ̌ taraị timiol᷊ẹ̌ bọu tal᷊oaran soa,

³⁹buntuange sahị kụ němpẹ̌sohọ e harusẹ̌ mẹ̌bihu kụ měnekẹ dokạ. Su tempo ene ghal᷊ipohom Benyamin seng němate sordadong Israel těllum pul᷊o su kataune ringangu mạngiral᷊ingu i sire kawe seng němatạ tau Israel kapia kere kal᷊imona.

⁴⁰Kai sěngkělěndịu tipu e nanětạ e timiol᷊ẹ̌ taraị bọu tal᷊oarang soang Gibea. Ghal᷊ipohom Benyamin himěkosẹ̌ piạ i sire němpẹ̌bihu kụ němanda kasěllahu soan sire natutung.

⁴¹Kụ su tempo ene lai wuntuangu Israel sahị e nẹ̌bihu něnekẹ, hakịu sordadom Benyamin ene e nipẹ̌bimbonge ual᷊ingu i sire kawe nakahěngang u i sire nal᷊ahẹ u ikawatạ.

⁴²Kụ i sire němpahuntal᷊ang bọu anun tau Israel mẹ̌tẹ̌timona wanuang kěhu l᷊inggi, kai i sire tawe nakal᷊ěsọ. I sire kai kinal᷊iwungang su wěllạu wuntuangu Israel sahị dingangu wuntuange kụ su tempo ene kạpahunděntane wahageang u soa e. Taumatang ghal᷊ipohong Benyamin kinawatạ marasai.

⁴³Taumatang Israelẹ̌ e němpěliwung dingangu němpěnahusu si sire sarang nahumpạu sěmběkan daki wọu Gibea. Kạsahusune, i sire němpěmate si sire

⁴⁴18.000 su kataune sordado maral᷊intoị e wọu wuntuang u sekẹ i Benyamin.

⁴⁵Sordadong Benyamin bal᷊ine e nẹ̌bihu kụ bọu ene němpẹ̌tal᷊ang limiu wanua l᷊inggi mẹ̌tẹ̌timona wawul᷊urangu watu su Rimon. Lima hiwu su kataune wọu i sire e nipate sutal᷊oaran dal᷊eng. Bal᷊inẹ e wue ute měngkate sẹ̌sahusuang sarang nahumpạu Gideom.[20] Bọu i sire ene piạ 2.000 su kataune nipate.

⁴⁶Kụ sordadong Benyamin nipate su ěllo ene e kal᷊awọe 25.000 su kataune — kěbị e sordado maral᷊intoị bawahani.

⁴⁷Arawe wọu tal᷊oaran sire nahuntal᷊ang e limiu wanua l᷊inggi sol᷊ong bawul᷊urangu watu su Rimon, kal᷊awọe 600 su kataune nakatal᷊ang. I sire němpẹ̌tanạ su Rimon ěpạ u wul᷊ang karěngụ e.

⁴⁸Bọu ene tau Israel nẹ̌sul᷊e kapia kụ něnekẹ dingangu němate kal᷊awọu lěmbeng ghal᷊ipohong Benyamin — manga esẹ, bawine, manga rariọ dingangu lai manga binatang. Kal᷊awọu soa su wanua ene nasueng tutunge si sire.