Read Sangtam Naga LIPOH 36 Bible Online

LIPOH 36 - Sangtam Naga bible

LIPOH 36

¹Hiri hi Esau süde Edom püsü dsicho, abi chahnü trahchocho.

²Esaunü Kananlarü hiri khyücho: Hit-rü Elon tsulatpü Ada, ko Hivlarü Oholibama Anah tsulatpü ko Zibeon shümtsurü.

³Adesü Ishmael tsulatpü Nebaiot nirü Basemat.

⁴Adanü Elifaz surojücho, Basematnü Reuel surojücho,

⁵ko Oholibamanü Jeush, Jelam ko Kora nümüsucho. Esau tsurü hiri apüm Kanan lih la nümüsucho.

⁶Hütsüpü Esaunü anitpürüti, atsurüti, atsularüti ko abi kuh la lirü atümung, kanglungrü ko Kanan lih la khyübülungcho kuthsi apüm hipü ani Jakob tenü za limih palang tsicho.

⁷Anyüh liba limih la tsü anyüh müthangcho, tunüo anyüh kanglungrü drongra kangcho ko hütsü khu anyüh müjang linung mükohcho.

⁸Hütsünü Esaunü wü azong lih Edom la licho.

⁹Hiri hi Edomrü jümürü Esau chahnü trahchochoti:

¹⁰Esau nitpü Ada chahnü adhrerü khüdu Elifaz licho ko Elifaz chahnü atsurü münga licho:

¹¹Teman, Omar, Zefo, Gatam ko Kenaz.

¹²Ko anitpü apa khüdu Timna chahnü adhrerü khüdu Amalek licho.

¹³Esau nitpü Basematnü Reuel nümüsujücho, ko Reuel chahnü atsurü müyü licho: Nahat, Zera, Shama, ko Mizza.

¹⁴Esau nitpü Oholibama, Zibeon tsurü Anah tsulatpünü azarü asang nümüsujücho: Jeush, Jalam ko Kora.

¹⁵Hiri hung hi Esau chahnü trahchocho. Esau tsurü aukhuba Elifaz tsü hung hiri jümürü kangcho: Teman, Omar, Zefo, Kenaz,

¹⁶Kora, Gatam ko Amalek. Hiri apüm Esau nitpü Ada chahnü trahchocho.

¹⁷Esau tsurü Reuel tsü hung hiri jümürü kangcho: Nahat, Zera, Shama, ko Mizza. Hiri apüm Esau nitpü Basemat chahnü trahchocho.

¹⁸Hung hiri Esau nitpü Anah tsulatpü Oholibama chahnü trahchocho: Jeush, Jelam ko Kora.

¹⁹Hung hiri apüm Esau chahnü trahchocho.

²⁰Edom la alih abüdongrü tsü ahung-ahung changnahcho ko hiri tsü Hor-rü, Seir chahnü trahchochoti: Lotan, Shobal, Zibeon, Anah, Dishon, Ezer, ko Dishan.

²²Lotan tsü Hori ko Hemanrü tsutpu jümürü. (Lotan ani khingkurü Timna licho.)

²³Shobal tsü Alvan, Manahat, Ebal, Shefo ko Onamrü tsutpu jümürü.

²⁴Zibeon tsurü adhrerü anyüh licho, Aiah ko Ana. (Ana hinü au gadu nyah rachide lipilih la kih-dhsa kihna nguchehcho.)

²⁵Ana tsü Dishon au ko abi tsü Hemdan, Eshban, Ithran ko Cheranrü tsutpu jümürü licho. Ana tsurü yola khingkurü khüdu Oholibama licho.

²⁷Ezer tsü Bilhan, Zavan ko Akanrü tsutpu jümürü licho.

²⁸Dishan tsü Uz ko Aranrü tsutpu jümürü licho.

²⁹Hiri hi Edom la Hor hung licho: Lotan, Shobal, Zibeon, Ana, Dishon, Ezer ko Dishan.

³¹Israel la yangthsarü süsü müchürode, Edom la yangthsarü hirinü mülita yangthsa rocho: Dinhaba lanü Beor tsurü Bela Bozra lanü Zera tsurü Jobab Teman lih lanü Husham Avith lanü Bedad tsurü Hadad (abinü Moab la khatade Midianrü kohcho,) Masreka lanü Samla Eufrates yongkhi shündhün Rehoboth lanü Shaul, Akbor tsurü Baal Hanan, Pau lanü Hadad, (anitpü tsü Mehetabel, Matred tsulatpü ko Mezahab shümtsurü).

⁴⁰Esau tsü Edomrü hiri jümürü thsacho: Timna, Alva, Jethet, Oholibama, Elah, Pinon, Kenaz, Teman, Mibzar, Magdiel ko Iram. Hiri hung papa licho müdüm tsü arüh hung nengnü dsicho.