Read Sangtam Naga LIPOH 5 Bible Online

LIPOH 5 - Sangtam Naga bible

LIPOH 5

¹Adam chahnü trahchocho chung tsü hiroh-i licho. Tsingrangbanü nyitsarü thride apu kyocho la thricho.

²Abinü arüh khingkurü ko adhrerü külüpcho, arüh müwajücho ko arüh te “Amüi tsurü” pü dsicho.

³Adam kang 130 thsade, apu kyo azarü khüdu licho ko abinü aneng Seth dsicho.

⁴Hütsüpü Adam kang 800 alaa licho.

⁵Abi tsurü apasü licho ko abi kang 930 thsade sücho.

⁶Seth kang 105 thsade, abi tsurü Enosh licho,

⁷hütsüpü kang 807 alaa licho.

⁸Abi tsurü apasü licho ko kang 912 thsade sücho.

⁹Enosh kang 90 thsade, atsurü Kenan licho,

¹⁰hütsüpü kang 815 alaa licho.

¹¹Abi atsurü apasü licho ko kang 905 thsade abi sücho.

¹²Kenan kang 70 thsade, atsurü Mahalalel licho,

¹³hütsüpü kang 840 alaa licho.

¹⁴Abi atsurü apasü licho ko kang 910 thsade abi sücho.

¹⁵Mahalalel kang 65 thsade, atsurü Jared licho,

¹⁶hütsüpü kang 830 alaa licho.

¹⁷Abi atsurü apasü licho ko kang 895 thsade abi sücho.

¹⁸Jared kang 162 thsade, atsurü Enok licho,

¹⁹hütsüpü kang 800 alaa licho.

²⁰Abi atsurü apasü licho ko kang 962 thsade abi sücho.

²¹Enok kang 65 thsade, atsurü Methusela licho.

²²Hütsüpü Enok Tsingrangba te kang 300 tsehpü atsurü apasü licho.

²³Abi kang 365 licho.

²⁴Abi Tsingrangba te tsehcho hütsüpü chahpehcho, tunüo Tsingrangbanü abi notsicho.

²⁵Methusela kang 187 thsade, atsurü Lamek licho,

²⁶hütsüpü kang 782 alaa licho.

²⁷Abi atsurü apasü licho ko kang 969 thsade abi sücho.

²⁸Lamek kang 182 thsade, atsurü khüdu licho,

²⁹ko yocho, “ABÜDONGBAnü chokehcholaba alih la nguchiba lanü, hiba azarünü akyahshang hirojünung”; hütsünü aneng Noa dsijücho.

³⁰Lamek kang 595 alaa licho.

³¹Abi atsurü apasü licho ko kang 777 thsade abi sücho.

³²Noa kang 500 thsapü khanglang atsurü asang Shem, Ham ko Jafet licho.