Read Sangtam Naga LIPOH 6 Bible Online

LIPOH 6 - Sangtam Naga bible

LIPOH 6

¹Khode amüi tsurü lihküp jeng suhchehcho ko khingkurüzarü nümüsucho,

²ninglangrünü nyitsarü tsularüti tsü tsa ngucho, achotsü arühnü arüh müru khyücho.

³Hütsüde ABÜDONGBAnü yocho, “Ihnü nyitsarü amüsüde mülisohnung; arüh asüba nyitsarü. Ade tinü arüh kang thsih khüdu-pü mükyü chah alaa mülisohnung.”

⁴Hütsüri nyümong la ko akhanglang mii ninglangrü ko limih khingkurüti chahnü trahchocho akurongrü (Nifilim) licho. Papade arüh akurahrü ko anengkhong licho.

⁵ABÜDONGBAnü limih la nyitsarü mütsacho ko bekhyah apüm la arüh amünyi lümlong ngude,

⁶abinü arüh külüp limih la yohpücho wah lümcho.

⁷Abinü dira wah lümchonü yocho, “Ihnü thricho nyitsarü hiri ko kanglungrü ko uzatisü, Ihnü wohpehnung, tunüo Ihnü arüh külüpcho dee wah lümre.”

⁸Ta Noa telü ABÜDONGBA künyang licho.

⁹Noa yukheh tsü hiroh-i lile. Abi tsurü Shem, Ham ko Jafet arüh asang licho.

¹⁰Noa amüsarü thsacho ko abi chichah nyitsarü atsalü abi du licho. Noanü Tsingrangba te tsehcho,

¹¹ta aparü atümung Tsingrangba jingte amünyi licho ko apümlang shühkhatohnü jeng licho.

¹²Tsingrangbanü alimih chah dhengcho ko amünyi du ngucho, tunüo nyitsarü apüm amünyi la akang licho.

¹³Tsingrangbanü Noa te yocho, “Ihnü amüi tsurü apüm changsohnung dhrongchehko. Ihnü arüh riri changsohnung, tunüo limih tsü arüh shühkhatoh nguchinü jengko.

¹⁴Nühnü nüpu nengdang cypres singzinü Singkong khüdu külüpm; ayonglang achongnah yohng ko amilang ko ayonglang amünatisingnü münating.

¹⁵Hütsü ashenglang khehap 300, adilang khehap 50, ko athsenglang khehap khehap 30 külüpm.

¹⁶Singkong nengdang kuhmung külüpm ko kumunge züdi nyüh kahla tsü kuthrung 18 vieng. Achung asang külüpm ko nangolang trahtri vieng.

¹⁷Ihnü limih la akang liba lüpcho changsohnung kihmülüm müthehnung.

¹⁸Limih la lüpcho sünung, ta Ihnü nü telü azengtaba khüdu külüpnung. Singkong la tsü nüh, nü nitpü, nü tsurüti ko arüh nitpürü nüpü züdung.

¹⁹Arüh müchangsohnung nü yola singkong la tsü kanglungrü ahung apüm ko uza ahung apüm lanü, atrüh apung khüdu-khüdu nüng.

²¹Nührü ko kanglungrü shulüm tsuyongnung adhangpi kükyo hieng.”

²²Noanü Tsingrangbanü mülacho lüpcho nguchicho.