Read Sangtam Naga 1 ROHTHAP 2 Bible Online

1 ROHTHAP 2 - Sangtam Naga bible

1 ROHTHAP 2

¹Jakob tsurü dhüre-anyüh licho: Reuben, Simeon, Levi, Juda, Isakar, Zebulun,

²Dan, Josef, Benjamin, Naftali, Gad ko Asher.

³Juda tsurü apümnü arüh münga licho. Anitpü Kananlatpü Bathshua chahnü arüh asang licho. Er, Onan ko Shela. Au tsurü aukhuba Er tsü khura mütsachonü ABÜDONGBAnü abi mapsehcho.

⁴Atsunyahlatpü Tamar chahnü Juda adesü atsurü anyüh licho, Perez ko Zera.

⁵Perez tsurü anyüh licho, Hezron ko Hamul.

⁶Ani Zera atsurü münga licho: Zimri, Ethan, Heman, Kalkol ko Darda.

⁷Zera trah lanü Karmi tsurü Akhan-nü Tsingrangba khyang mübücho kuthsi khürü rangpücho khu Israelrü michah achangba hirojücho.

⁸Ethan atsurü khüdu du Azaria licho.

⁹Hezron tsurü asang licho: Jeramel, Ram ko Kaleb.

¹⁰Ram chahnü Jesse chii tsutpu chung tsü hiroh-i licho: Ram, Aminadab, Nashon (Juda hung la anengkhong khüdu,)

¹¹Salmon, Boaz,

¹²Obed ko Jesse.

¹³Jesse tsurü dhünyeh licho. Arüh kang achunglangnü: Eliab, Abinadab, Shama,

¹⁴Nethanel, Radai,

¹⁵Ozem ko David.

¹⁶Atsularü anyüh licho, Zeruia ko Abigail. Jesse tsulatpü Zeruia tsurü adhrerü asang licho: Abishai, Joab ko Asahel.

¹⁷Atsulatpü Abigail tsü Ishmael shümtsurü Jether te kukangcho ko anyüh tsurü khüdu du aneng Amasa licho.

¹⁸Hezron tsurü Kalebnü Azubah khyücho ko arüh tsularü khüdu Jerioth licho. Abükyü chahnü azarü asang licho: Jesher, Shobab, ko Ardon.

¹⁹Azubah süpü, Kalebnü Efrath khyücho ko azarü khüdu Hur licho.

²⁰Hur tsurü Uri licho ko ashamtsurü Bezalel licho.

²¹Hezron kang rohre thsade, abinü Gilead ani Makir tsulatpü khyücho.

²²Anyüh tsurü khüdu Segub licho ko Segub chahnü azarü khüdu Jair licho. Jairnü Gilead lih la yangdidi mükyüpü asang la yangthsa thsacho.

²³Ta Geshur ko Aram yanglihnü hütsüla Jair ko Kenath yang ko shündhün liba yangditi zeh yangdi rohre kohchehcho. Hütsüla lirü apüm tsü Gilead au Makir chahnü trahchocho.

²⁴Hezron süpü, atsurü Kalebnü au nitpü chomitpü Efrath khyücho. Anyüh tsurü Ashur licho ko abinü Tekoa yangdi thricho.

²⁵Hezron tsurü aukhuba Jeramel tsü atsurü münga licho: Ram (aziba), Buna, Oren, Ozem ko Ahija.

²⁶Ram tsurü asang licho: Maaz, Jamin, ko Eker. Jeramel anitpü apa khüdu Atara licho ko abükyü chahnü azarü khüdu Onam licho.

²⁷

²⁸Onam tsurü azarü anyüh licho, Shamai ko Jada ko Shamaisü atsurü anyüh licho, Nadab ko Abishur.

²⁹Abishurnü khingkurü khüdu Abihail khyücho ko anyüh tsurü anyüh licho, Aban ko Molid.

³⁰Abishur amung Nadab atsurü anyüh licho ko Apaim ko Seled tsü atsurü müthsapü sücho.

³¹Apaim tsü Ishi au ko Ishi tsü Sheshan au ko Sheshan tsü Alai au.

³²Shamai ani Jada tsü atsurü anyüh licho, Jether ko Jonathan ta Jether tsü atsurü müthsapü sücho.

³³Jonathan tsurü anyüh licho, Pelet ko Zara. Hiri apüm tsü Jeramel chahnü trahchocho.

³⁴Sheshan tsurü khingkurü chah khu adhrerü mülicho.

³⁵Abi kulirü Ijiprü khüdu Jarha licho ko abi khyang atsularü yolanü khüdu khyüsohcho. Anyüh chahnü adhrerü khüdu Attai licho.

³⁶Attai tinü Elishama tashi tsutpu chung hiroh-i licho: Attai, Nathan, Zabad,

⁴¹Jekamia ko Elishama.

⁴²Kaleb tsurü aukhuba tsü Jeramel amung Mesha licho. Mesha tsü Zif au, Zif tsü Maresha au ko Maresha tsü Hebron au.

⁴³Hebron tsurü müyü licho: Kora, Tapua, Rekem ko Shema.

⁴⁴Shema tsü Raham au ko Jorkeam amü licho. Shema amung Rekem tsü Shamai au ko Shamai tsü

⁴⁵Maon au ko Maon tsü Bethzur au.

⁴⁶Kaleb ashamlarü khüdu anengnü Efa licho ko abükyü chahnü azarü asang licho: Haran, Moza ko Gazez. Haran tsurüsü khüdu Gazez licho.

⁴⁷(Nyüh khüdu anengnü Jadai, abi atsurü dhüroh licho: Regem, Jotham, Geshan, Pelet, Efa ko Saaf.)

⁴⁸Kaleb ashamlarü apa khüdu Maka licho ko abükyü chahnü azarü anyüh Sheber ko Tirhana licho.

⁴⁹Akhanglang abükyü chahnü azarü apa anyüh licho: Shaaf, sünü Madmana yangdi thricho; ko Sheva, sünü Makbena ko Gibea yangditi thricho. Adesü Kaleb chahnü khingkurü khüdu Aksa licho.

⁵⁰Kaleb chahnü trahchochoti tsü hiri: Hur tsü Kaleb ko anitpü Efrath nyüh chahnü aukhuba. Hur tsurü Shobalnü Kiriat Jearim thricho,

⁵¹atsurü anyüuba Salmanü Bethlehem ko asangu tsurü Harepnü Bethgader thricho.

⁵²Kiriat Jearim thriba Shobal tsü Haroe ko Menuhuth la lirü changsho jümürü licho.

⁵³Kiriat Jearim la liba hiri jümürü: Irithrü, Puthrü, Shumathrü ko Mishrarü. (Zora ko Ishtaol yangdi la lirüti tsü hiri hung khiyoh licho.)

⁵⁴Bethlehem thriba Salma tsü Netofat, Atroth Beth Joab ko Manahat la lirü hung anyüh yola Zori jümürü licho.

⁵⁵(Thrahnung ko thrahchonung la axangcheh hungti hi yangdi hiri la licho: Jabez, Tirath, Shimeath ko Sukath. Arüh tsü Kenrü ko Rekabrü te xengyangpita licho.)