Read Sangtam Naga 1 ROHTHAP 4 Bible Online

1 ROHTHAP 4 - Sangtam Naga bible

1 ROHTHAP 4

¹Hiri hi Juda chahnü trahchocho: Perez, Hezron, Karmi, Hur ko Shobal.

²Shobal tsurü Reaia, Reaia tsurü Jahat, Jahat tsurü Ahumai ko Lahad, arüh tsü Zora la lirü jümürüti.

³Hur tsü Kaleb ko Efrath nyüh chahnü aukhuba licho ko abi shümtsurütinü Bethlehem yangdi tsü thricho.

⁴Hur tsurü asang licho: Etam, Penuel ko Ezer. Etam tsurü asang licho: Jezrel, Ishma ko Idbash ko khingkurü khüdu Hazelelponi. Penuelnü Gedor yangdi ko Ezernü Husha yangdi thricho.

⁵Tekoa yangdi thriba Ashur tsü anitpü anyüh licho, Hela ko Nara.

⁶Nara chahnü adhrerü müyü licho: Ahuzam, Hefer, Temeni ko Hahashtari.

⁷Hela chahnü atsurü asang: Zereth, Izhar ko Ethnan licho.

⁸Koz tsü Anub ko Zobeba nyüh au ko hiba hung tsü Harum tsurü Aharhel chahnü trahchocho.

⁹Nyüh khüdu anengnü Jabez, abi hung la dee atungte khüdu licho. Abi surode khura thsachonü abi neng Jabez dsicho.

¹⁰Ta Jabeznü Israel Tsingrang te dangkhidangnangcho, “Tsingrangba, Ih müwajüng ko alih khütang jüng. I te lieng ko Ih thsasohnung amünyi lanü Ih khümchoung.” Ko abinü kihchicho kyo Tsingrangbanü jücho.

¹¹Shuha amung Kaleb tsurü khüdu Mehir licho. Mehir tsü Eshton au,

¹²ko Eshton tsurü asang licho: Bethrafa, Pasea ko Tehina. Nahash yangdi tsü Tehinanü thricho. Hiri chahnü trahchochoti tsü Reka la licho.

¹³Kenaz atsurü anyüh licho, Othniel ko Seraia. Othniel atsurü anyüh licho, Hathah ko Meonothai.

¹⁴Meonothai tsü Ofra au licho. Seraia tsü Joab au ko abinü sih nguchirü liba, “Sihthrirü Ngah” tsü thricho.

¹⁵Jefune tsurü Kaleb atsurü asang licho: Iru, Ela ko Nam. Ko Ela tsü Kenaz au licho.

¹⁶Jehallelel tsurü müyü licho: Zif, Zifa, Tiria ko Asarel.

¹⁷Ezra tsurü müyü licho: Jether, Mered, Efer ko Jalon. Merednü Ijip Yangthsaba tsularü khüdu Bithia khyücho, atsurü khingkurü khüdu Miriam ko adhrerü anyüh Shamai ko Ishba licho. Ishbanü Eshtemoa yangdi tsü khyücho. Mered nüsü Juda lanü khingkurü khüdu khyücho ko anyüh tsurü asang licho: Gedor yangdi thriba Jered, Soko yangdi thriba Heber ko Zanoa yangdi thriba Jekuthiel.

¹⁹Hodianü Naham ani khyücho. Ko arüh trahnü Keila yangdi la Garm hung kangcho.

²⁰Shimon tsurü müyü licho: Amnon, Rinna, Benhanan ko Tilon. Ishi tsurü anyüh licho: Zoheth ko Benzoheth.

²¹Shela tsü Juda tsurüti yola khüdu licho. Abi chahnü trahchocho yola Leka yangdi thriba Er, Maresha yangdi thriba Ladah licho. Beth Ashbea yangdi la liba shü kyahrüti,

²²Jokim ko Kozeba yangdi la lirüti, ko Moablarü khyüpü Bethlehem la bebürü Joash ko Saraf. (Hiba yukheh hi dee ahi lile.)

²³Arüh tsü Yangthsaba nguchi la fühtangrü ko Netam ko Gedera yangditi la licho.

²⁴Simeon tsurü münga licho: Nemuel, Jamin, Jarib, Zera ko Shaul.

²⁵Shaul tsurü Shalum ko ashamtsurü Mibsam ko ashamtsurü anyüh ko abi tsurü Mishma.

²⁶Hütsüpü Mishma chahnü hiri trahcho tsicho: Hamuel, Zakur ko Shimei.

²⁷Shimei tsurü adhrerü dhüre-dhüroh ko khingkurü dhüroh licho, ta abi tsurüti tsuzarü adükeh du licho ko Simeon hung tsü Juda hung roh-ilü müsucho.

²⁸Simeon chahnü trahchochoti tsü yangditi hiri la Yangthsaba David bekhyah chii licho: Bersheba, Molada, Hazarshual,

²⁹Bilha, Ezem, Tolad,

³⁰Bethuel, Horma, Ziklag,

³¹Beth Markaboth, Hazarsusim, Bethbiri ko Sharim.

³²Arüh tsü apa müdüm münga lasü licho: Etam, Ain, Rimon, Token ko Ashan,

³³ko kihjing lahpi nyüzüdu Balat yangdi chii mükangmüshü yangdongti la licho. Hiri tsü arühnü arüh lichah thrahyohchoba lile.

³⁴Nyitsarü hiri tsü arüh hung michah athah licho: Amazia ko Joel nyüh tsurü, Meshobab Jamlet ko Joshan, Jehu (Joshibia tsurü, Seraia tsurü, Asiel tsurü,) Elioenai, Jakoba, Jeshohaia, Asaia, Adiel, Jesimel, Benaia, Ziza (Shiphi tsurü, Allon tsurü, Jedaia, Shimri ko Shemaia.) Arüh tsutpu mütozah zichonü,

³⁹arühnü nyüzüdulang thring Gerar chii shupishuzacho ko arüh santi tsü nyüchürolang thring yangdi te chikeh liba ngah chii lamungsohcho.

⁴⁰Hütsüla asehsa la tsü lamungji anaying ko atbachi asu lih ngucho. Hütsüla akhulang Hamit-rü licho.

⁴¹Juda la Yangthsaba Hezekia chichah, athahlang jo liba nyitsarüti tsü Gerar lang chüducho ko hütsüla lirü kuh ko shükuh thsangnyangjücho. Arühnü hütsüla lirü arühtoh nengdang iipehcho, tunüo hütsüla arüh santi nengdangsü tsuyongchah thangchi licho.

⁴²Simeon hung lanü adesü aparü nyüh thsih münga Edom nyüchürolang wücho. Arüh tsü Ishi tsurü hirinü nücho. Pelatia, Nearia, Refaia ko Uziel.

⁴³Hütsüla arühnü anyingcho Amalekrü tsü kyüsehcho ko hütsütinü arüh hütsüla licho.