Read Sangtam Naga 2 ROHTHAP 16 Bible Online

2 ROHTHAP 16 - Sangtam Naga bible

2 ROHTHAP 16

¹Juda la Yangthsaba Asa yangthsacho kang sangrepü dhüroh-u la, Baashanü Juda mahcho ko Juda lanü awü-aro apümlang khangtinung nengdang Israel Yangthsaba ko Rama tbütinung dikehcho.

²Achotsü Asanü Amübükuh ko Yangthsaba kuh lanü hon ko taripi khyo Damaskas lang Syria Yangthsaba Benhadad yang yusi hita müthehcho:

³“Ihjü tpurü kyo, Ihjüsü langthsanung. Hon ko taripi hi nü khyang jiyü lile. Ade I lih lanü Israelrü Yangthsaba Baashanü abi rothsarü yongcheh notsisohnung nüh abi te langthsa tsü drilieng.”

⁴Asanü yoba tsü Benhadadnü khyüchocho ko abi rothsarüti Israel yangditi mahnung müthehcho. Arühnü Ijon, Dan, Abel, Beth Maka ko tsuyongba zahkehji Naftali la yangditi apüm khyücho.

⁵Khode tikeh yaba tsü Yangthsaba Baashanü yuchicho, abinü Rama lungtbü nguchi tsü zahcho.

⁶Hütsüde Yangthsabanü Juda apüm langnü nyitsarü nübülungcho ko Rama la Baashanü bichi yaba lung ko singtpahti hitsinung yuzeng jücho ko Geba ko Mizpa yangditi lungnü tbüticho.

⁷Hütsütade azikehrü Hananinü Yangthsaba Asa yanglang wünü yocho, “Nühnü ABÜDONGBA nührü Tsingrang mülih Syriarü Yangthsaba chah dümpichonü Israel Yangthsaba rothsarüti nü chahnü tsicheh tsiko.

⁸Ethiopiarü ko Libyarü rothsarü, kuri kari ko kuri rothsarü khütang mülicho mah-o? Ta nühnü ABÜDONGBA chah dümpichonü, Abinü arüh michah nü khyang akoh jücho.

⁹ABÜDONGBAnü limih apüm dee tsa dhengyehre, sürü lasih Abi khyang jüro arüh khyang Abinü re jüre. Nühnü müsithsa nguchiko, hütsünü ade tinü nüh lede chita du linung.”

¹⁰Hinü Asa dee zichürosohcho ko abinü azikehba tsü tbolunü xohchingpücho. Hütsü bekhyah tsü Asanü nyitsarü khürü dee mütsa bichinung dikehcho.

¹¹Asa yangthsathsaba la atikehcho adikeh lanü achangka chii apüm tsü Juda ko Israel Yangthsarü yukheh la thrah lile.

¹²Asa yangthsacho kang sangrepü düku-u la, ajing la mathsa chüro abi jahloh-hiloh pehcho; hütsütanye abinü ABÜDONGBA yang müximüla, ta akyangjürü yangchicho.

¹³Kang anyüh lipü abi sücho

¹⁴ko David yangdi la apunü lung la xangkoh yohpücho la abi dhrürangcho. Arühnü abi me rangde, axümlichi ko tuji bichicho ko arühnü abi meshüde michang arangcheh phungcho.