Read Sangtam Naga EZRA 8 Bible Online

EZRA 8 - Sangtam Naga bible

EZRA 8

¹Artaxerxes Yangthsaba shikhe Babylon la yangtsi la lirüti ko Ezra yola Jerusalem lang thalirüti tsutputi la athahti:

²Finehas tsutpu lanü Gershom, Ithamar tsutpu lanü Daniel, David tsutpu lanü Shekania tsurü Hatush, Parosh tsutpu lanü Zekaria, abi tsutpu lanü nyüh 150 zeh (arüh jümü yukheh athrahcho lile) Pahat Moab tsutpu lanü Zerahia tsurü Elihonai, nyüh 200 zeh Zatu tsutpu lanü Jahazel tsurü Shekania, nyüh 300 zeh Adin tsutpu lanü Jonathan tsurü Ebed, nyüh 50 zeh Elam tsutpu lanü Athalia tsurü Jeshaia, nyüh 70 zeh Shefatia tsutpu lanü Mikael tsurü Zebadia, nyüh 80 zeh Joab tsutpu lanü Jehiel atsurü Obadia, nyüh 218 zeh Bani tsutpu lanü Josifia tsurü Shelomit, nyüh 160 zeh Bebai tsutpu lanü Bebai tsurü Zekaria, nyüh 28 zeh Azgad tsutpu lanü Hakatan tsurü Johanan, nyüh 110 zeh Adonikam tsutpu lanü Elifelet, Jeuel, ko Shemaia, nyüh 60 zeh (arüh akalang rocho) Bigvai tsutpu lanü Uthai ko Zakur, nyüh 70 zeh.

¹⁵Ihnü arüh atümung Ahava yangdi lang poh jowüba yongkhi shündhün shibülungsohcho ko hütsüla ihrü nyümong asang licho. Ihnü arüh yola bebürü chah khu Levirü müngucho.

¹⁶Ihnü langnürü hiri düku dsinung müthehcho: Eliezer, Ariel, Shemaia, Elnathan, Jarib, Elnathan Nathan, Zekaria ko Meshulam ko adorü anyüh, Joiarib ko Elnathan.

¹⁷Ihnü arüh Kasifia la athah Iddo yang, abi ko abi shangrüti amübükuh thsarüti te Amübükuh la Tsingrangba dikehnung nyitsarü müthehngpü tsingdhengnung wüsohcho.

¹⁸Tsingrangba achomang khu arühnü azahcheh nyüh khüdu Sherebia, Mahli tsutpu lanü Levirü khüdu ko atsurüti ko ajünirüti arüh dhüre-keh ihrü yang müthehcho.

¹⁹Arühnü Merari tsutpu lanü Hashabia ko Jeshaia ko arüh tsutpurü arüh mükyü zeh müthehcho.

²⁰Hütsü chah lahkeh Levirü te trotanung Yangthsaba David ko abi te trotarütinü arüh jümürü trochehcho chahnü trahchocho amübükuh thsarü arüh 220 rosohcho. Arüh atümung abürü nengnü thrahyoh licho.

²¹Hütsüla Ahava yongkhi shündhün ihrü atümung Tsingrangba bete ihrü jangjang longlüm kang kongnung ko ihrü shitseh ayung langnünung ko ihrü, ihrü tsuzarüti ko ihrü kuthsi apüm tsungtinung kihchinung Ihnü sobhocho.

²²Lang la arorühti nyümnü Ihrü nyahnung Yangthsaba te rothsarü mülung chingnung Ihnü shahcho, tunüo Ihnü abi te ihrü Tsingrangnü abi chah longlangrü müipi müwajüre, ta sürünü Abi tenü za tsiro arüh te mükünyangre ko khingchirepü yoko.

²³Hütsünü Ihnü tsungtinung shulüm ihrünü kong dangkhidangnangcho ko Abinü ihrü kihchicho lalingcho.

²⁴Bebü ayingti yolanü Ihnü Sherebia, Hashabia ko aparü dhüre throchehcho.

²⁵Hütsüpü Amübükuh la bichinung Yangthsaba, abi khyang lümlong jürü ko ayingthsarü ko Israelrütinü jücho hon, taripi ko shingtbhürü tsü ho-dhengcho ko Ihnü hütsüri bebürü khyang jücho.

²⁶Ihnü arüh khyang jüchoti tsü: Taripi— 22 metric tons Taripi shingtbhürü 100— süreh 70 Hon süreh— 3,400 Hon mütpah-tbhü 20— süreh 8.4 Imüyeng mütpah-tbhü atsa 2— hon mütpah-tbhü angang doi.

²⁸Ihnü arüh te yocho, “ABÜDONGBA nührü jümürü Tsingrang bete nührü Amüsa lile, hütsü roh-i amüküp mübü hiroba tsü hon ko taripi shingtbhürü tsü lile.

²⁹Nührünü wü Amübükuh müchide müzah nyahng. Bebürü kuhla tsü hütsü ho-dheng ko Bebürü, Levirü ko Jerusalem la Israelrü khyang jüng.”

³⁰Hütsünü Jerusalem amübükuh lang hiwünung shulüm hon, taripi ko shingtbhürü tsü bebürü ko Levirünü xükümcho.

³¹Ihrünü choo akhudiba dhüre anyüu nyümong Ahava yongkhi pehjo Jerusalem lang shemüsucho. Ihrü Tsingrang ihrü te zehcho ko shitseh ayung arorüh kheh lanü ihrü tsungticho.

³²Ihrü Jerusalem chihpü nyümong asang kyahshangcho.

³³Hütsüpü müyüu nyümong tsü ihrünü Amübükuh lang wücho ko hon, taripi ko shingtbhürü tsü ho-dhengcho ko Uria tsurü bebüba Meramot khyang jücho. Abi yola Finehas tsurü Eleazar ko Levirü nyüh anyüh ko Jeshua tsurü Jozabad, Binui tsurü Noadia zehcho.

³⁴Lüpcho ho-dheng khidhengcho ko hütsüdenü ajeng thrahyoh yohpücho.

³⁵Hütsüpü yangtsi langnü rorüh atümungnü Israel Tsingrang khyang kangmübü roh-i trüp mübünung amübü hirocho. Arühnü Israelrü atümung nengdang misüpung 12, Sanpung 96, ko sanza 77 mübücho; arühnü arühbürü münyi lanü müsachehnung mizasü 12 mübücho. Kanglungrü hi apüm ABÜDONGBA yang kangmübü roh-i trüpcho.

³⁶Arühnü Yangthsabanü arüh khyang jüba athrahcho tsü Eufrates governor ko abi ayingti khyang jücho; ko arühnü nyitsarüti ko Tsingrangba kuhla arüku jücho.