Read Sangtam Naga NEHEMIA 10 Bible Online

NEHEMIA 10 - Sangtam Naga bible

NEHEMIA 10

¹Hütsüla akhudiba tsü Hakalia tsurü governor Nehemia ko Zedekia nyühnü thrahcho. Hütsüpü hirinü thrahcho:

²Seraia, Azaria, Jeremia, Pashur, Amaria, Malkija, Hatush, Shebania, Maluk, Harim, Meremot, Obadia, Daniel, Ginethon, Baruk, Meshulam, Abija, Mijamin, Mazia, Bilgai ko Shemaia.

⁹Azania tsurü Jeshua, Henadad tsutpu lanü Binui, Kadmiel, Shebania, Hodia, Kelita, Pelaia, Hanan, Mika, Rehob, Hashabia, Zakur, Sherebia, Shebania, Hodia, Bani, ko Beninu.

¹⁴Parosh, Pahat, Moab, Elam, Zatu, Bani Buni, Azgad, Bebai, Adonija, Bigvai, Adin, Ater, Hezekia, Azur, Hodia, Hashum, Bezai, Harif, Anathot, Nebai, Magpiash, Meshulam, Hezir, Meshazabel, Zadok, Jadua, Pelatia, Hanan, Anaia, Hoshea, Hanania, Hashub, Halohesh, Pilha, Shobek, Rehum, Hashabna, Maseia, Ahia, Hanan, Anan Maluk, Harim ko Bana.

²⁸Ihrü Israelrü, Bebürü, Levirü, amübükuh nyahrü, amübükuh la khithsarü, amübükuh thsarü ko Tsingrangba Yuzeng bichirü aparü atümungnü ihrü lih la lirü shuparü tenü zako. Ihrü ko ihrü nitpürü ko yu nyichehrülü ihrü tsurü mii zeh,

²⁹Ihrünü hi thsangnyangkhang chokehchola lilepü Tsingrangbanü Abi dikehrü Mosa khu jücho Yuzeng roh-i linung, ihrü ABÜDONGBAnü mülacho apüm bichinung, ko ihrünü Abi yuzeng ko amülaba apüm bichinung, ihrü langnürü te zeh ihrünü yuchümre.

³⁰Ihrünü ihrü lih la liba shuparü te kuthri yangthri müthsanung.

³¹Shuparünü Amünyümong mahkhang apa Amüsa nyümong ihrü yang fürü mahkhang apa tunang dusü ainung hiro nye, ihrünü arüh kheh lanü mülinung. Kang dhünyeh mükhu ihrünü luh müthsanung ko ihrünü thsite apüm pehjünung.

³²Kang mükhu Amübükuh thsütah shulüm ihrü nyitsarü müipinü taripi süreh münga-nga jünung.

³³Ihrünü amübükuh mübü shulüm hiri jünung: Amüsa hümthse, nyümong mükhu jüba fürü amübü, nyümong mükhu tah mübüba kanglungrü, amünyümong nengdang Amüsa amübü, Chonu Asi thsüti ko apa thsütiti apa Amüsa amübü, Israelrü münyi hitsiba amübü ko Amübükuh nengdang apa thsütah apüm.

³⁴Ihrü müyurü, bebürü ko Levirünü Yuzengnü mülacho roh-i sürü hungnü ABÜDONGBA Tsingrang khyang kangmübü tahnung sing khyübülungnung kang mükhu zii thsadheng throchehnung.

³⁵Kang mükhu ihrünü ihrü maxacho lanü akhudiba fürü ko ihrü singsidong chahnü akhu nyicho Amübükuh yang hiwünung.

³⁶Yuzeng la licho roh-i, ihrünü ihrü tsuzarü yola aukhuba Amübükuh la bebürü yang Tsingrangba khyang müsachehsohnung hiwünung. Ihrünü ihrü misü, san ko miza müipi chahnü akhu mütrüba aza khakhuchüjünung.

³⁷Ihrünü Amübükuh la bebürü yang ihrü yuthsahchehcho lanü akhudiba külüpcho hüm ko yongkha, olive tuji ko singsilungsi adhangpi hiwünung. Ihrünü Levirü yang ihrü tsahma lanü dhüre nohlüm hiwüjünung, tunüo luthsaba yangdongti la arühnü khyübülungre.

³⁸Aron chahnü trahchocho bebürüti tsü dhüre nohlüm khyübülungde Levirü yola linung ko arühnü khyübülungcho yolanü nohlüm khüdu Levirünü Amübükuh thsütah nengdang amübükuh la azahkehsing yang hiwünung.

³⁹Amübü khyübülungcho fürü, yongkha ko olive tuji tsü amübükuh la shingtbhürü zahkeh chah, bebürü dikeh chah ko amübükuh nyahrü ko khithsarü liji yangnü Israelrü ko Levirünü hiwünung. Ihrünü ihrü Tsingrang kuh müthrüchahchüpehnung.